V, Park Seo Joon,Choi Woo Shik နဲ့ Park Hyungsik တို့ကြားက ချစ်ဖို့ကောင်းတဲ့သူငယ်ချင်းဆက်ဆံရေး

02 Aug 2019 1,627 Views

တောင်ကိုးရီးယား နာမည်ကျော် ကေပေါ့ပ်အဆိုတော်အဖွဲ့ BTS မှ အဖွဲ့ဝင်တစ်ဦးဖြစ်တဲ့ V ဟာ သရုပ်ဆောင် Park Seo Joon, Choi Woo Shik တို့နဲ့ ပြင်ပမှာ ခင်မင်ရင်းနှီးတဲ့ သူငယ်ချင်းတွေ ဖြစ်ပါတယ်။ Hwarang ဇာတ်ကားရိုက်ကူးစဉ်ကတည်းက V နဲ့ Park Seo Joon တို့ ခင်မင်ခဲ့ကြပြီး Park Seo Joon ကနေတစ်ဆင့် Choi Woo Shik နဲ့ ခင်မင်ရင်းနှီးခွင့်ရခဲ့ပါတယ်။ V နဲ့ Park Seo Joon, Choi Woo Shik , Park Hyungsik တို့ လေးဦးဟာ ညီအစ်ကိုအရင်းတွေလို တွဲမိနေကြပါတယ်။ သူတို့ လေးဦးရဲ့ ခင်မင်မှု ပုံရိပ်တွေက ဘယ်လိုအခြေအနေဆိုတာ သိရှိဖို့ ဆက်လက်ဖတ်ရှုလိုက်ရအောင်။

>>ဆက်လက်ဖတ်ရှုရန် Read More ကိုနှိပ်ပါ။<<

Park Seo Joon ဟာ လတ်တလော Divine Fury ရုပ်ရှင်ကားကြီးမှာ အဓိဇာတ်ဆောင်အဖြစ် ပါဝင်သရုပ်ဆောင်ထားပြီး ပြီးခဲ့တဲ့ ရက်ပိုင်းအနည်းငယ်က ရုပ်ရှင်အကြို မိတ်ဆက်ပွဲအခမ်းအနား ပြုလုပ်ခဲ့ပါတယ်။ အဆိုပါ ပွဲမှာ V ဟာ တက်ရောက်ခဲ့ပါတယ်။

ပွဲပြီးတဲ့နောက်မှာတော့ V ဟာ BTS ရဲ့ တွစ်တာအကောင့်ကနေတစ်ဆင့် သူ့အစ်ကိုတွေ တာဝန်ကျေကြောင်းကို ပုံနှင့်တကွ တင်ခဲ့ပါတယ်။

ပြီးခဲ့တဲ့ ဇွန် ၂၂ မှာတော့ Park Seo Joon , Choi Woo Shik တို့မှ V ကို ကော်ဖီလှည်းပေးပို့ခဲ့ကြပြီး V တစ်ယောက် ကျေးဇူးတင်ကြောင်း တွစ်တာအကောင့်မှတစ်ဆင့် ပြန်လည်ဝေမျှခဲ့ပါတယ်။

Hwarang ကားရိုက်ရင်း ခင်မင်ရင်းနှီးလာတဲ့ V, Park Seo Joon နဲ့ Park Hyungsik တို့ရဲ့ ညီအစ်ကိုလို ဆက်ဆံရေးက ချစ်ဖို့ကောင်းသလို သူတို့အဖွဲ့ထဲ Choi Woo Shik ပါ ပါဝင်လာတာကလဲ ဝမ်းသာစရာပါပဲ။ Choi Woo Shik ကတော့ လတ်တလော ရုံတင်ပြသနေတဲ့ Parasite ရုပ်ရှင်ကားကြီးနဲ့ လူသိများလာတဲ့ မင်းသားတစ်လက်ပဲဖြစ်ပါတယ်။