ပလပ်(စ်)ဆိုဒ်ဆိုပြီး လာမစမ်းနဲ့ မီးပွင့်သွားမယ် (ရုပ်သံ)
31 Jul 2019 1,468 Views
ဇူလိုင်လ ၃၁ ရက် (ယနေ့) မွန်းလွဲပိုင်းက စင်ကာပူနိုင်ငံရဲ့ မီးပွိုင့်လမ်းစုံတစ်ခုမှာ ကွန်တိန်နာတွဲကား(ခေါင်းတွဲသာ) ယာဉ်မောင်းနဲ့ ကိုယ်ပိုင်ကားတစ်စီးတို့ ပြဿနာတက်ကြခဲ့ကြပါတယ်။ တွဲကားယာဉ်မောင်းဟာ ခပ်ဝ,ဝ (ပလပ်စ်ဆိုဒ်)အမျိုးသမီးဖြစ်ပြီး ကားပေါ်မှာ ဆင်းလာကာ ကိုယ်ပိုင်ကားကို သံတုတ်နဲ့ မှန်တွေရိုက်ခွဲခဲ့တဲ့ ဖြစ်စဉ်တစ်ခု ဖြစ်ပွားခဲ့ပါတယ်။
ပလပ်စ်ဆိုဒ် ကွန်တိတ်နာယာဉ်မောင်းက ကားရဲ့နောက်ဖက်မှာ ကွန်တိန်နာသောတွေကို ဖြုတ်ရန်အသင့်ဆောင်ထားတဲ့ သံပိုက်လုံးတစ်ချောင်းကို ယူပြီး ဗန်ကားရဲ့ လေကာမှန်၊ ဘော်ဒီတို့ကို ရိုက်ခွဲခဲ့ပါတယ်။ ကားပိုင်းရှင်က သံတုတ်ကိုင်ထားတဲ့ အမျိုးသမီးကို မတားရဲပဲ ရပ်ကြည့်နေခဲ့ရပါတယ်။
ဖြစ်စဉ်အစဆုံးကို အနီးနားမှာရှိနေတဲ့ လူအချို့က ရုပ်သံမှတ်တမ်ူတင်ခဲ့တာဖြစ်ပါတယ်။ ဗန်ကားပိုင်ရှင် အမျိုးသားဟာ ရုပ်သံရိုက်ကူးနေသူထံရောက်လာပြီး “ခင်များတို့မြင်တယ်နော်၊ သူလုပ်နေတာ” လို့ စစ်ကူတောင်းလိုက်ပေမယ့် ရုပ်သံရိုက်ကူးနေသူ တစ်ယောက်က “ခင်များကအရင် စလုပ်တာလေ” လို့ ပြန်ပြောသံကြားလိုက်ရပါတယ်။
ပလပ်စ်ဆိုဒ်အမျိုးသမီးကတော့ ဂရုမစိုက်ပဲ ဘောင်းဘီထဲက ဖုန်းကိုထုတ်ပြီး ဗန်ကားပိုင်ရှင် အမျိုးသားကိုတောင် ဗီဒီယိုပြန်ရိုက်နေတာကို တွေ့ခဲ့ရပါတယ်။ အဆိုပါရုပ်သံ လူမှုကွန်ယက်မှာ ပျံ့နှံ့နေပြီး ကွန်တိန်နာယာဉ်မောင်း ပလပ်စ်ဆိုဒ်အမျိုးသမီးကို လှောင်ပြောင်ဝေဖန်တာတွေ တွေ့ရသလို၊ သူမဘက်ကနေ ရပ်တည်ပြီး ပြောဆိုနေကြသူတွေလဲ ရှိတာကို တွေ့ရပါတယ်။
