တောင်ကိုရီးယားနိုင်ငံရဲ့ လုပ်ငန်းခွင်တွေထဲမှာ ရာထူးအဆင့်ကြီးမားတဲ့သူတွေက လက်အောက်ငယ်သားဝန်ထမ်းတွေအပေါ်  ကိုယ်ထိလက်ရောက် နှိပ်စက်မှုတွေရှိနေတဲ့အတွက် လုပ်ငန်းခွင်ဥပဒေ အသစ်တစ်ခုကို ပြဌါန်းလိုက်ပါတယ်။

 

ဒီဥပဒေအရ လုပ်ငန်းခွင်ထဲမှာ အလုပ်သမားတွေကို မတရား ရာထူးအဆင့်လျှော့ချတာ ဒါမှမဟုတ် အလုပ်ကနေ မထွက် ထွက်အောင် ဖိအားပေးတာတွေကို တွေ့ရှိပါက ကုမ္ပဏီတွေကို အပြစ်ပေးနိုင်မှာဖြစ်ကြောင်း သတင်းထောက် Steven Borowiec က ဆိုပါတယ်။

 

တောင်းကိုရီးယား နည်းပညာကုမ္ပဏီကြီးဖြစ်တဲ့ WeDisk မှာ အောင်မြင်နေတဲ့ အမှုဆောင်အရာရှိ စီအီးအိုလည်းဖြစ်၊ စက်ရုပ်နည်းပညာဖွံ့ဖြို့းရေး K-Technology ကိုလည်း လုပ်ကိုင်နေသူ Yang Jin-ho ဆိုသူက သူ့ရဲ့လက်အောက်ငယ်သားတစ်ဦးကို ကုမ္ပဏီရုံးခန်း အခြား ဝန်ထမ်းများရဲ့ ရှေ့မှောက်မှာတင် ကြမ်းကြမ်းတမ်းတမ်း ပြောဆိုရိုက်နှက်ဆက်ဆံခဲ့တဲ့ ရုပ်သံ ပေါက်ကြားခဲ့ပါတယ်။

 

ရုပ်သံမှာ စီအီးအိုက ဝန်ထမ်းလူငယ်ကို ဒူးထောက်တောင်းပန်ခိုင်းပါတယ်။ အဲဒီနောက် မတ်တပ်ပြန်ရပ်ခိုင်းပြီး မျက်နှာကို သူ့လက်နဲ့ ဖြတ်ရိုက်ခဲ့ပါတယ်၊ အခြားဘေးနားက ဝန်ထမ်းတွေက စီအီးအိုကို ဝိုင်းဖြောင်းဖျခဲ့ပေမယ့် ဒေါသထွက်နေတဲ့ စီအီးအိုက ဝန်ထမ်းလူငယ်ကို ပြန်ဒူးထောက် တောင်းပန်ခိုင်းပါတယ်။ အဲဒီနောက် ဒူးထောက် တောင်းပန်နေစဉ် ဝန်ထမ်းရဲ့ ဦးခေါင်းကို အပေါ်ကနေ လွှဲပြီးအရှိန်နဲ့ ရိုက်ချပြီးမှ ရုံးခန်းထဲက ထွက်သွားခဲ့တာကိုတွေ့ရပါတယ်။

 

 

ဒီအဖြစ်ပျက်ဟာ ၂၀၁၈ ခုနှစ် အောက်တိုဘာလတုန်းကဖြစ်ပျက်ခဲ့ပြီး ဒီလိုနိုင့်ထက်စီးနင်းလုပ်တာကို ကိုရီးယားဘာသာစကားနဲ့ ဂတ်ဘ်ဂျီလ်(gabjil) လုပ်တယ်လို့ ခေါ်ဝေါ်ကြပါတယ်။

 

အထက်ကမန်နေဂျာက သူ့လုပ်ရမယ့်အလုပ်တွေမလုပ်ပဲ လက်အောက်ငယ်သားတွေကို ခိုင်းတာမျိုး၊ အလုပ်ပြီးသွားမှ ဝင်ပြီး နာမည်ကောင်းယူတာမျိုး နဲ့ လက်အောက်ငယ်သားတွေကို သူတို့သားသမီးတွေရဲ့ ကျောင်းက အိမ်စာတွေ လုပ်ခိုင်းတာမျိုးကို “ဂတ်ဘ်ဂျီလ်” လုပ်တယ်လို့ ခေါ်ကြပါတယ်။

 

ဒီလိုလုပ်ရပ်တွေကြောင့် တောင်ကိုရီးယားနိုင်ငံရဲ့ လုပ်ငန်းခွင်တွေထဲမှာ အနိုင်ကျင့်ခံရမှုတွေ မရှိအောင် အစိုးရက ဥပဒေသစ်ရေးဆွဲပြဌါန်းလိုက်တာဖြစ်ပါတယ်။ ယင်းဥပဒေက အလုပ်သမားတွေ အထက်လူကြီးတွေရဲ့ ကိုယ်ထိလက်ရောက်နဲ့ စိတ်ပိုင်းဆိုင်ရာ အနိုင်ကျင့်စော်ကားခံရမှုတွေ မရှိအောင် ကာကွယ်ပေးသွားမည်ဖြစ်ကြောင်း သိရသည်။

 

Ref:CNA