ပထမဦးဆုံး ရုပ်ရှင်ဇာတ်ကားကြီးရိုက်ကူးတော့မယ့် Krystal Jung

11 Jul 2019 1,358 Views

တောင်ကိုးရီးယားနိုင်ငံ နာမည်ကျော် Kpop အဆိုတော်အဖွဲ့ F(x) မှ အငယ်ဆုံးအဖွဲ့ဝင် တစ်ဦးဖြစ်တဲ့ Krystal Jung ဟာဆိုရင် idol အဆိုတော်တစ်ယောက်အနေနဲ့ အသံကောင်းပြီး အကမှာလဲ ထူးချွန်နေရုံသာမက သရုပ်ဆောင်တဲ့နေရာမှာလဲ ဟာကွက်မရှိအောင် ထက်မြက်သူတစ်ဦးလဲဖြစ်ပါတယ်။ Krystal ပါဝင်တဲ့ ဇာတ်လမ်းတွဲတွေဟာ ဆိုရင် မပေါက်တဲ့ ဇာတ်လမ်းတွဲဆိုတာ မရှိသလောက်ပါပဲ။ လက်ရှိမှာ Krystal ဟာ ရုပ်ရှင်ဇာတ်ကားကြီး တစ်ကားမှာ အဓိကဇာတ်ဆောင်အဖြစ်ပါဝင်ရတော့မှာပဲဖြစ်ပါတယ်။ Krystal ပါဝင်သရုပ်ဆောင်မယ့် ရုပ်ရှင်ကားကြီးနာမည်နဲ့ သူမက ဘယ်လိုနေရာက ပါဝင်သရုပ်ဆာင်မယ်ဆိုတာ သိရှိဖို့ ဆက်လက်ဖတ်ရှုလိုက်ရအောင်။

>>ဆက်လက်ဖတ်ရှုရန် Read More ကိုနှိပ်ပါ။<<

Krystal ဟာ shout out to my father လို့ အမည်ရတဲ့ ရုပ်ရှင်ဇာတ်ကားကြီးမှာ Toe ill အမည်ရတဲ့ကောင်မလေးအဖြစ် ပါဝင်သရုပ်ဆောင်သွားမှာဖြစ်ပါတယ်။ Toe ill ဟာ တက္ကသိုလ်မှာ ပညာသင်ကြားနေစဉ်အတောအတွင်း အဖေမပေါ်ဘဲ ကိုယ်ဝန်ရရှိခဲ့ပါတယ်။ သူမဟာ မကြာခင်လက်ထပ်ရတော့မည့် လူတစ်ဦးဖြစ်ပြီး လက်မထပ်ခင်မှာပဲ ကလေးရဲ့ ဖခင်က ဘယ်သူဖြစ်မလဲဆိုတာ စတင်ရှာဖွေခဲ့ပါတယ်။

ဒီဇာတ်လမ်းဟာ လူငယ်ဒါရိုက်တာ Choi Hana ပထမဦးဆုံး ရိုက်ကူးမယ့်ရုပ်ရှင်ကားဖြစ်ပြီး independent film အမျိုးအစားဖြစ်ပါတယ်။ လာမယ့် သြဂုတ်လမှာ စတင်ရိုက်ကူးတော့မည်ဖြစ်ကြောင်း Krystal ရဲ့ အေဂျင်စီ SM Entertainment မှထုတ်ပြန်ကြေညာခဲ့ပါတယ်။

Shout out to my father ရုပ်ရှင်ဇာတ်ကားရဲ့ ဒါရိုက်တာဟာ သူမရဲ့ ပထမဦးဆုံးရိုက်ကူးမယ့် ဇာတ်ကားဖြစ်သလို Krystal အတွက်လဲ ပထမဦးဆုံးဖြစ်တာကြောင့် စိတ်ဝင်စားစရာပါပဲ။ ပိုပိုလေးနဲ့အတူ စောင့်မျှော်ကြည့်ရှုလိုက်ရအောင် ပရိတ်သတ်ကြီးရေ။

Source-allkpop

(ပိုပိုလေး)