ခင်ပွန်းသည်နဲ့ ရည်းစားဖြစ်တုန်းကအကြောင်းလေးတွေကို ဝတ္ထုအဖြစ်ရေးသားပြီး စာအုပ်ထုတ်လိုက်တဲ့ ဂူဟဲဆောင်းန်

10 Jul 2019 1,333 Views

မြန်မာပရိတ်သတ်တွေ F4 မင်းသမီးလို့ သိကြတဲ့ သရုပ်ဆောင် ဂူဟဲဆောင်းန်ဟာ အနုပညာနဲ့ ပတ်သတ်ရင် သရုပ်ဆောင်အလုပ်တစ်ခုတည်းသာမဟုတ်ပဲ ကျန်တဲ့ အနုပညာရပ်တွေမှာပါ ပါရမီထူးကဲသူတစ်ဦးဖြစ်ပါတယ်။ မင်းသမီးလေး ဂူဟဲဆောင်းန်ဟာ သရုပ်ဆောင်အလုပ်အပြင် ပန်းချီဆရာမ တစ်ဦးအနေနဲ့ ရပ်တည်နေသူတစ်ဦးဖြစ်ပြီး အခုဆိုရင် သူမကိုယ်တိုင် ရေးသားထားတဲ့ စာအုပ်ကို မိတ်ဆက်ပေးလိုက်ပြီဖြစ်ပါတယ်။ ဂူဟဲဆောင်းန် ထွက်ရှိလာတဲ့ စာအုပ်နာမည်နဲ့ စာအုပ်ထဲမှာ ပါဝင်မယ့် အကြောင်းအရာလေးတွေက ဘယ်လိုဖြစ်မယ်ဆိုတာ သိရှိဖို့ ဆက်လက်ဖတ်ရှုလိုက်ရအောင်။

>>ဆက်လက်ဖတ်ရှုရန် Read More ကိုနှိပ်ပါ။<<

သရုပ်ဆောင် ဂူဟဲဆောင်းန်ဟာ သရုပ်ဆောင်တာအပြင် ပန်းချီဆရာ၊ စာရေးဆရာမ အလုပ်တွေသာမက ရုပ်ရှင်ဒါရိုက်တာ၊ တေးရေးဆရာ ၊ အဆိုတော် အစရှိတဲ့အလုပ်များကိုလဲ လုပ်ကိုင်သူတစ်ဦးဖြစ်ပါတယ်။ အခုလို အနုပညာမှာ အဖက်ဖက်က ထူးချွန်နေတဲ့သရုပ်ဆောင် ဂူဟဲဆောင်းန် ထွက်ရှိမယ့် စာအုပ်နာမည်ကတော့ “Tears are heart-shaped” ပဲဖြစ်ပါတယ်။

ယနေ့ ဇူလိုင် (၁၀) ရက်နေ့မှာ ဂူဟဲဆောင်န်းဟာ သူမ စာအုပ်အသစ်ကို မိတ်ဆက်ခဲ့ပြီး ဇာတ်လမ်းအကျဉ်းချုပ်ကို ပြောပြလာပါတယ်။

“Sojoo လို့ အမည်ရတဲ့ ထူးခြားတဲ့အမူအကျင့်တွေ ပိုင်ဆိုင်ထားတဲ့ မိန်းကလေးတစ်ဦးနဲ့ သူမကို ချစ်မိသွားတဲ့ Sang Sik လို့အမည်ရတဲ့ ကောင်လေးတစ်ယောက်အကြောင်း ရေးသားထားတာဖြစ်ပါတယ်၊ ဒီဝတ္ထုထဲက အကြောင်းအရာတွေက ပြင်ပမှာ ကျွန်မအမျိုးသားနဲ့ ရည်းစားဘဝတုန်းက အကြောင်းအရာလေးတွေနဲ့ သက်ဆိုင်နေပါတယ်” ဆိုပြီး ပြောပြသွားပါတယ်။

တစ်ဖန် ခင်ပွန်းဖြစ်သူ Ahn Jae Hyun က ဂူဟဲဆောင်းန်ရေးသားထားတဲ့ “Tears are heart-shaped” ကိုဖတ်ပြီး သူ့အတွေ့အကြုံနဲ့တူကြောင်း ဒီဇာတ်လမ်းရဲ့ ကာရိုက်တာက သူကိုယ်တိုင်လို့ ခံစားရကြောင်း ပြောကြားလာပါတယ်။ ဂူဟဲဆောင်းန် ကိုယ်တိုင်ကလဲ ဒီဇာတ်လမ်းဟာ သူတို့ဇနီးမောင်နှံနှစ်ယောက်ရဲ့ အကြောင်းကို အခြေခံပြီး ရေးထားတာဖြစ်ကြောင်း ဝန်ခံထားတာဖြစ်ပြီး သူတို့စုံတွဲကို အားကျတဲ့ ပရိတ်သတ်တွေ ဝယ်ဖတ်သင့်တဲ့ စာအုပ်ကောင်းလေးတစ်အုပ်ဖြစ်လာမှာပါ။

ဂူဟဲဆောင်းန်ဟာ Blood ရုပ်သံဇာတ်လမ်းတွဲမှာ အတူပါဝင်သရုပ်ဆောင်ခဲ့တဲ့ မင်းသား Ahn Jae Hyun နဲ့ မေလပိုင်း ၂၀ ရက်နေ့၊ ၂၀၁၆ ခုနှစ်မှာ လက်ထပ်ခဲ့တာဖြစ်ပြီး အခုဆိုရင် အိမ်ထောင်သက်တမ်း သုံးနှစ်တိတိရှိခဲ့ပြီပဲဖြစ်ပါတယ်။ အသက်အရွယ်အားဖြင့် ကွာခြားပေမယ့် တစ်ဦးအပေါ်တစ်ဦး ဖေးဖေးမမနဲ့ အချစ်မပြယ်တဲ့ မနဲ့မောင်ပါပဲ။

Source-allkpop

(ပိုပိုလေး)