များသောအားဖြင့် ကားစီးတဲ့အခါ ရှေ့ခန်းမှာထိုင်တဲ့ သူနဲ့ ယာဉ်မောင်းတို့ကသာ ထိုင်ခုံခါးပတ် ပတ်လေ့ရှိကြပါတယ်။ နောက်ခန်းမှာ ထိုင်သူတွေကတော့ ခါးပတ်ပတ်ဖို့ မလိုဘူးလို့ အမှတ်မှားနေကြတဲ့ သူတွေများပါတယ်။ ပုံမှန် ဆလွန်းကားတစ်စီးမှာဆိုရင် ထိုင်ခုံခါးပတ် ၅ ခု ပါလေ့ရှိပြီး ယာဉ်ပေါ် လိုက်ပါလာသူအားလုံးက ခါးပတ်ပတ်ဖို့ တာဝန်ရှိပါတယ်။

 

အချို့နောက်ခန်းထိုင်သူတွေဟာ ဟိုင်းဝေးထွက်မှသာ ခါးပတ်ကို သုံးလေ့ရှိပြီး မြို့တွင်းမှာတော့ လုံးဝကို ခါးပတ် ပတ်လေ့မရှိကြပါဘူး။ ဒါပေမယ့် ကားတွေကတော့ လမ်းရှင်းရင် ရှင်းသလို အမြန်မောင်းနေကြဆဲပါ။

 

ဇွန်လ ၃၀ ရက်နေ့က တရုတ်နိုင်ငံ ဂွီကျိုးမြို့မှာ နောက်ခန်းမှာ ခရီးသည် နှစ်ဦးတင်လာတဲ့ အငှားယာဉ်မောင်းသမား ရုတ်တရက်အိပ်ငိုက်သွားပြီးနောက် မတော်တဆမှု ဖြစ်ခဲ့ရာမှာ တက္ကစီကားရဲ့ လုံခြုံရေး ကင်မရာကနေ ဖမ်းယူရရှိခဲ့တဲ့ ရုပ်သံပုံရိပ်တွေက ခြောက်ခြားစရာကောင်းခဲ့ပါတယ်။