ရေခဲမုန့်ကြော်ငြာမှာ လူကြီးလေးတစ်ယောက်လို သရုပ်ဆောင်ပြသွားလို့ ဝေဖန်ခံနေရတဲ့ ကလေးမော်ဒယ် Ella Gross

03 Jul 2019 2,157 Views

တောင်ကိုးရီးယားနိုင်ငံ နာမည်ကျော် Entertainment တစ်ခုဖြစ်တဲ့ YG လက်အောက်ခံ The Black Label ကုမ္ပဏီမှ ကလေးမော်ဒယ် Ella Gross ဟာ ငယ်စဉ်ကတည်းက ရုပ်ရည်ချောမောလွန်းတာကြောင့် ပရိတ်သတ်အများရဲ့ ချစ်ခင်အားပေးမှုကိုခံနေရသူလေးပါ။ Ellla Gross လေးဟာ လတ်တလော Baskin Robbins CF ကြော်ငြာ ဗွီဒီယိုမှာ ပါဝင်သရုပ်ဆောင်ထားတာဖြစ်ပြီး ပရိတ်သတ်များအနေနဲ့ အသက် ၁၀ နှစ်အရွယ်ကလေးတစ်ယောက်ဟာ လူကြီးတစ်ယောက်လို ပြုမူနေတာမသင့်တော်ကြောင်း ဝေဖန်မှုတွေရှိလာပါတယ်။ ဒီကိစ္စနဲ့ ပတ်သတ်ပြီး Ella ရဲ့ အမေက ဘယ်လိုတုန့်ပြန်လာတယ်ဆိုတာ သိရှိဖို့ ဆက်လက်ဖတ်ရှုလိုက်ရအောင်။

>>ဆက်လက်ဖတ်ရှုရန် Read More ကိုနှိပ်ပါ။<<

Ella Gross ကိုပရိတ်သတ်များက Blackpink Jennie နဲ့တူလို့ သတိထားမိလာကြတာဖြစ်ပါတယ်။ Jennie နဲ့ လဲ ပြင်ပမှာ ခင်မင်ရင်းနှီးသူတွေဖြစ်ပြီး သူမကို Jennie အသေးစားလေးလို့ ပရိတ်သတ်တွေက တင်စားခေါ်ဝေါ်ကြပါတယ်။

ကလေးမော်ဒယ် Ella Gross ဟာ Baskin Robbins ရေခဲမုန့်ကြော်ငြာမှာ ဆွဲဆောင်မှုရှိစွာ သရုပ်ဆောင်ထားပြီး အပျိုအရွယ်လူကြီးတစ်ယောက်လို ချောမောလို့နေပါတယ်။

ဒီကြော်ငြာဗွီဒီယိုကို လူထုပရိတ်သတ်ကို ချပြပြီးနောက်မှာတော့ Ella Gross ကို ကလေးက လူကြီးလိုပြုမူနေတယ်၊ ကလေးက ကလေးလို မနေဘူးဆိုပြီး ဝေဖန်ပြောဆိုမှုတွေ အင်တာနက်ပေါ်မှာ ပြန့်လာပါတယ်။ ဒီကိစ္စနဲ့ ပတ်သတ်ပြီး Ella ရဲ့ မိခင်က အောက်ပါအတိုင်း ဖြေရှင်းထားပါတယ်။

“Ella ဟာ လတ်တလောမှာ Baskin Robbins korea ကပြုလုပ်တဲ့ ပရောဂျက်မှာပါဝင်နေခဲ့တာပါ ။ ကျွန်မရဲ့ သမီးလေးဟာ ဘုရားပေးတဲ့လက်ဆောင်ဖြစ်သလို ကျွန်မအတွက် အဖိုးတန်လှပါတယ်။ ကြော်ငြာတစ်ခုကို ကြော်ငြာလို့ ရိုးရိုးတန်းတန်းမမြင်နိုင်တဲ့ ကိုးရီယား ပြည်သူတွေကို အနည်းငယ်စိတ်ပျက်မိပါတယ်။ Ella လေးဟာ အရွယ်နဲ့မလိုက်အောင် ရင့်ကျက်ပြီး ဖြူစင်တဲ့ကလေးလေးပါ။ သူမကြီးလာရင်လဲ ရွယ်တူမိန်းကလေးတွေကြားမှာ role model တစ်ယောက်အဖြစ် ဆက်လက်တည်ရှိစေဖို့ မျှော်လင့်မိပါတယ်။ လိမ္မာရေးခြားရှိပြီး အလုပ်ကြိုးစားတဲ့ကလေးမို့လို့ ကြီးလာရင်လဲ ဒီလိုလူကောင်းလေးတစ်ယောက်ဖြစ်အောင် ကျွန်မကြိုးစားသွားမှာပါ။ Ella ကို အားပေးကြတဲ့ ပရိတ်သတ်တွေ ၊ သူငယ်ချင်းတွေကို ရင်ထဲက လှိုက်လှိုက်လှဲလှဲကျေးဇူးတင်ပါတယ် ။ Ella ဟာ သူ့ကို အမုန်းစကားပြောတဲ့သူတွေအတွက် ရှင်သန်နေတာမဟုတ်ပါဘူး။ သူ့ကိုချစ်တဲ့သူတွေအတွက်သာရှင်သန်နေတာပါ” ဆိုပြီး ရေးသားပြောကြားသွားပါတယ်။

Source-koreaboo

(ပိုပိုလေး)