စာချုပ်သက်တမ်းပြည့်ပြီးကိုယ်ပိုင်အေဂျင်စီထောင်တော့မယ်လို့ သတင်းထွက်နေတဲ့ Kim Soo Hyun

02 Jul 2019 1,353 Views

မြန်မာ ပရိတ်သတ်တွေ ဒိုမင်းဂျွန်လို့သိကြတဲ့ သရုပ်ဆောင် Kim Soo Hyun ဟာ လက်ရှိ လက်တွဲစာချုပ်ချုပ်ထားတဲ့ အေဂျင်စီ Key East Entertainment မှထွက်ပြီး ကိုယ်ပိုင်အေဂျင်စီ ထောင်တော့မယ်ဆိုတဲ့ သတင်းများထွက်ပေါ်လာပါတယ်။ Kim Soo Hyun ဟာ ယမန်နေ့ကမှ စစ်မှုထမ်းကာလပြီးဆုံးခဲ့တာပဲ ဖြစ်ပါတယ်။ Kim Soo Hyun နဲ့ ပတ်သတ်ပြီး Key East Entertainment က ဘယ်လိုထုတ်ပြန်လာတယ်ဆိုတာ သိရှိဖို့ ဆက်လက်ဖတ်ရှုလိုက်ရအောင်။

>>ဆက်လက်ဖတ်ရှုရန် Read More ကိုနှိပ်ပါ။<<

Kim Soo Hyun လို သရုပ်ဆောင်ကောင်းတစ်ယောက်ကို Key East Entertainment က ဘယ်လိုလုပ်လက်လွတ်ခံချင်မှာ မဟုတ်ပါဘူး။ သူနဲ့ ဆက်လက်ပြီး စာချုပ်ချုပ်ဆိုဖို့ ညှိနှိုင်းနေကြောင်း ထုတ်ပြန်ကြေညာလာပါတယ်။

“ကျွန်တော်တို့ ကုမ္ပဏီမှာ အတင်းအကြပ်လုပ်ခိုင်းလို့မရတဲ့ ပေါ်လစီတစ်မျိုးရှိပါတယ်။ Kim Soo Hyun နဲ့ ကျွန်တော်တို့ ကုမ္ပဏီရဲ့ စာချုပ်ဟာ ချက်ချင်းကြီး သက်တမ်းကုန်သွားမှာမဟုတ်ပါဘူး ကြားထဲမှာ အချိန် အနည်းငယ် ကျန်ရှိလို့ နေပါသေးတယ်။ သူ အေဂျင်စီ အသစ်ထောင်မယ်ဆိုတဲ့ သတင်းတွေလဲ ကြားရှိထားပါတယ်။ ဒါက သူအခုမှ စစ်မှုထမ်းရာက ပြန်လာပြီး အနားယူနေဆဲမို့ ပြောလို့မရသေးပါဘူး။ ကျွန်တော်တို့နဲ့ စာချုပ်ထပ်မံချုပ်ဆိုဖို့ အတတ်နိုင်ဆုံး ကြိုးစားနေပါတယ်” ဆိုပြီး ပြောကြားသွားပါတယ်။

Key East Entertainment ဆိုတာကတော့ မင်းသားကြီး ဘေယောင်ဂျွန်းပိုင်တဲ့ Entertainment ပဲဖြစ်ပါတယ်။

လက်ရှိမှာ Kim Soo Hyun ဟာ Key East နဲ့ စာချုပ်သက်တမ်းကုန်ဖို့ ၂လ ၃ လမျှ လိုတော့တာ ဖြစ်ပြီး အရာအားလုံး Kim Soo Hyun နဲ့စာချုပ်အသစ်ထပ်မံချုပ်ဆိုဖို့ အတတ်နိုင်ဆုံး ညှိနှိုင်းသွားမယ်လို့ Key East မှ ထုတ်ပြန်လာပါတယ်။

Dream High 1, My love from another star, The Moon that embraces the sun ဇာတ်လမ်းတွဲတွေနဲ့ ပရိတ်သတ်ရင်ထဲကို ရောက်ရှိခဲ့တဲ့ မင်းသား Kim Soo Hyun ရဲ့ ရွေးချယ်ချက်က ဘာဖြစ်မလဲဆိုတာ ဆက်လက်စောင့်မျှော်ကြည့်ရှုရမှာပါ။

Source-koreaboo

(ပိုပိုလေး)