ဒီမနက်မှာပဲ စစ်မှုထမ်းခြင်းတာဝန်ပြီးဆုံးသွားပြီဖြစ်တဲ့ Kim Soo Hyun

01 Jul 2019 1,863 Views

တောင်ကိုးရီးယားနိုင်ငံ ထိပ်တန်း မင်းသားတွေထဲက တစ်ဦးအပါအဝင်ဖြစ်တဲ့ Kim Soo Hyun ဟာ ဇူလိုင် ၁ရက် မနက်ခင်းပိုင်းမှာပဲ စစ်မှုထမ်းခြင်းတာဝန် ပြီးဆုံးသွားပြီပဲဖြစ်ပါတယ်။ စစ်တပ်ထဲက ထွက်လာတဲ့ Kim So Hyun ကို ပရိတ်သတ်များနဲ့ သတင်းမီဒီယာများက သောင်းသောင်းဖြဖြ လာရောက်ကြိုဆိုကြပါတယ်။ Kim Soo Hyun တစ်ယောက်စစ်တပ်ထဲမှာ ဘယ်လို တာဝန်မျိုး ထမ်းဆောင်ခဲ့တယ်ဆိုတာ သိရှိဖို့ ဆက်လက်ဖတ်ရှုလိုက်ရအောင်။

>>ဆက်လက်ဖတ်ရှုရန် Read More ကိုနှိပ်ပါ။<<

Kim Soo Hyun ဟာကလေးဘဝတုန်းက နှလုံးရောဂါဝေဒနာခံစားဖူးတာကြောင့် အမှုစထမ်းစဉ်အခါတုန်းက အဆင့် ၄ စစ်သားအဖြစ်သာဝင်ရောက်ခဲ့ရပါတယ်။ သို့ပေမဲ့ Kim Soo Hyun ဟာ အမှုထမ်းနေစဉ်ကာလအတွင်း ဇွဲမလျော့ပဲ ရာထူးတိုးစေဖို့ စာမေးပွဲများ ထပ်မံဖြေဆိုခဲ့ရာ အဆင့် ၁ အမှုထမ်းအရာရှိရာထူးကို ရရှိခဲ့ပါတယ်။

စစ်တပ်မှာ အမှုထမ်းနေစဉ်အတောအတွင်း အထက်ကချမှတ်တဲ့ missions များကို တာဝန်ကျေပွန်အောင် လုပ်ဆောင်နိုင်ခဲ့ပြီး တောင်၊မြောက် နယ်စပ်မှာရှိတဲ့တပ်ခွဲမှာလဲ အကောင်းဆုံးတာဝန်ထမ်းဆောင်နိုင်ခဲ့ပါတယ်။ တောင်ကိုးရီးယားစစ်တပ်ဟာ တောင်၊မြောက်နယ်စပ်ကို အတော်ဆုံး စစ်သားတွေထဲက ၀.၁ % သာရွေးချယ်ပြီး ပို့လေ့ရှိတာဖြစ်ပါတယ်။ ထိုအထဲကမှာ Kim Soo Hyun ကအတော်ဆုံး စစ်သားအဖြစ် ရွေးချယ်ခံခဲ့ရတာပါ။

ဇူလိုင် ၁ ရက်နေ့မှာ စစ်တပ်ကထွက်လာပြီဖြစ်တဲ့ Kim Soo Hyun ကို ရုပ်ရှင်ဇာတ်ကား ၊ ဒရာမာကားများနဲ့ ကြော်ငြာပေါင်းများစွာ ရိုက်ကူးဖို့ ကမ်းလှမ်းလာကြသူတွေ အများအပြားရှိနေပါပြီ။ ရုပ်ရှင်နဲ့ ဇာတ်လမ်းတွဲလောကမှာ နေရာတစ်ခုရနေပြီးဖြစ်တဲ့ မင်းသား Kim Soo Hyun ရဲ့ ဇာတ်ကားအသစ်တွေက ဘယ်လိုဖြစ်မလဲဆိုတာ ပိုပိုလေးနဲ့အတူ ရင်ခုန်စွာစောင့်မျှော်ကြည့်ရှုလိုက်ကြရအောင်။