လူမှုကွန်ယက် ဖေ့စ်ဘွခ်ပေါ်တွင် အမုန်းတရား၊ အမုန်းစကားများ ရေးသားသူ၊ ဖြန့်ဝေသူအဖြစ် သံသယရှိသူများ၏ အကောင့်များ၊ အချက်အလက်များကို အစိုးလက်သို့ အပ်မည့် အစီစဉ်ကို ပြင်သစ်နိုင်ငံတွင် စတင်လုပ်ဆောင်တော့မည် ဖြစ်ကြောင်း ဖေ့စ်ဘွခ်က ကြေညာလိုက်သည်။

 

 

ယခုလို နည်းပညာကုမ္ပဏီကြီးနဲ့ အစိုးရတို့ သဘောတူညီမှုရယူပြီး အမုန်းတရားဖြန့်ဝေသူတွေကို တရားစီရင်နိုင်ရေးအတွက် အချက်အလက်များ အစိုးရထံ လွှဲပြောင်းပေးမယ့် လုပ်ဆာင်ချက်ဟာ ကမ္ဘာပေါ်မှာ ပထမဆုံး ဖြစ်ကြောင်း ပြင်သစ်နိုင်ငံ ဒီဂျစ်တယ်ဆိုင်ရာ ဝန်ကြီး ‘ကာဒစ်အို’ က မနေ့က ပြောကြားလိုက်ပါတယ်။

 

 

‘ကာဒစ်အို’

 

ဖေ့စ်ဘွခ်အနေနဲ့ လိင်ပိုင်းဆိုင်ရာခွဲခြားနှိမ့်ချဆက်ဆံခြင်း၊ လူမျိုးရေးခွဲခြားခြင်း သို့မဟုတ် ဂျူးလူမျိုး ဆန့်ကျင်ရေး စတဲ့ အမုန်းတရားများ ရေးသားဖြန့်ဝေသူများ၏ အွန်လိုင်း သုံးစွဲတည်နေရာ IP address များကိုပါ အစိုးရကို ပေးသွားမှာဖြစ်ပါတယ်။

 

 

‘အီမန်နူရယ် မာခရွန်’ 

 

ဖေ့စ်ဘွခ်ရဲ့ စီအီးအို ‘မက်ခ်ဇူကာဘာ့ခ်’ နဲ့ ပြင်သစ်နိုင်ငံ သမ္မတကြီး ‘အီမန်နူရယ် မာခရွန်’ တို့ ပြီးခဲ့တဲ့ မေလတွင်းမှာ အမုန်းတရားနဲ့သက်ဆိုင်တဲ့ ရေးသားဖြန့်ဝေမှုတွေကို နှိမ်နှင်းရန် ဆွေးနွေးခဲ့ကြပါတယ်။

 

ဖေ့စ်ဘွခ်ရဲ့ ကမ္ဘာလုံးဆိုင်ရာအရေးအတွက် ဦးဆောင်သူ ဗြိတိသျှနိုင်ငံ ဒုဝန်ကြီးဟောင်းလည်းဖြစ်တဲ့ ‘နစ်ကလပ်ခ်’ က ပုဂ္ဂလိကကုမ္ပဏီတွေ မဟုတ်တဲ့ အစိုးရအဖွဲ့အစည်းတွေအနေနဲ့ လူမှုကွန်ယက်ကို ထိန်းကျောင်းသင့်တယ်လို့ တနင်္လာနေ့က ပြောကြားလိုက်ပါတယ်။

 

 

‘နစ်ကလပ်ခ်’

 

ဒါ့အပြင် ဆိုရှယ်မီဒီယာကုမ္ပဏီတွေအနေနဲ့ အမုန်းတရားတဲ့ ပက်သက်တဲ့ ကိစ္စတွေကို ဖြေရှင်းဖို့ ပူးပေါင်းဆောင်ရွက်မှုတွေ တိုးမြှင့်လုပ်ဆောင်သင့်တယ်လို့ ဆိုပါတယ်။

 

ပြင်သစ်နိုင်ငံမှာ ‘ကာဒစ်အို’ ဝန်ကြီးဖြစ်လာပြီးနောက်ပိုင်းမှာ လူမှုကွန်ယက်ပေါ်မှာ အမုန်းစကားတွေ ပျံ့နှံ့မှုတွေနဲ့ ပက်သက်ပြီး တစ်စိုက်မတ်မတ် ထောက်ပြဝေဖန်ခဲ့ပါတယ်၊ သူဝေဖန်ပြောဆိုတဲ့အထဲမှာ ‘မက်ခ်ဇူကာဘာ့ခ်’ လည်း တစ်ယောက် အပါအဝင်ဖြစ်ပါတယ် ဒါပေမယ့် ‘မက်ခ်’ ကတော့ ဘာမှ တုံ့ပြန်မှု မလုပ်ခဲ့ပါဘူး။