ဇွန်လအတွင်း (H1N1) ကြောင့် သေဆုံးသူ (၃) ဦးအထိရှိလာခဲ့ပြီး (H1N1) ကိုဘယ်လိုကာကွယ်ကြမလဲ

20 Jun 2019 1,550 Views

ရန်ကုန်တိုင်းဒေသကြီးတွင် ၂၀၁၉ ခုနှစ် ၊ ဇွန်လအတွင်း H1N1 ကြောင့် သေဆုံးသူ ဦးရေ (၃) ဦးအထိရှိလာခဲ့ပြီလို့ သိရပါတယ်။ H1N1 ဗိုင်းရပ်စ်ပိုးဟာ လေထဲ့မှတစ်ဆင့် ကူးစက်နိုင်တဲ့ နိုင်ပြီး ဝက်တွေတွင် ဖြစ်လေ့ရှိသော တုပ်ကွေး ဗိုင်းရပ်စ်ပိုး တစ်မျိုးဖြစ်ပါတယ်။ H1N1 ကို အရင်က ဝက်တုပ်ကွေး ရောဂါ (swine flu) လို့အရင်က ခေါ်ဆိုခဲ့ကြပြီး ဝက်တွေနဲ့ထိတွေ ့ဆက်ဆံသူတွေဟာ အဆိုပါရောဂါကို ကူးစက်နိုင်တာဖြစ်ပါတယ်။

အခုနောက်ပိုင်းမှာ H1N1 ဗိုင်းရက်စ်ပိုးဟာ ဝက်တွေနဲ့ ထိတွေမှုမှ မဟုတ်ဘဲ လေထဲ့မှတဆင့် လူအချင်းချင်းကနေလည်း ကူးစက်နိုင်တာကို တွေ ့ရှိရပါတယ်။ H1N1 ရောဂါဟာ ၂၀၀၉ ခုနစ်လောက်မှာ တစ်ကမ္ဘာ လုံးကို မြန်မြန်ဆန်ဆန် ပြန့်ပွားလာခဲ့ပါတယ်။ အဆိုပါ ဗိုင်းရက်စ်ပိုးဟာ လူ ့အသက်ကို အန္တရယ်ပေးနိုင်တဲ့ အထိ ဒုက္ခ ပေးလာပြီး လူတွေ ့ကြောက်ရွံ ့ လာကြပြီး ကာကွယ်မှုတွေ ပြုလုပ်ခဲ့ကြပါတယ်။ ဝက်သား ၊ ဝက်အူချောင်း ၊ ဝက်သားတုတ်ထိုး တို့ကို စားသောက်ခြင်းမှ ကူစက်တာမျိုးမဟုတ်ဘဲ H1N1 ဟာ ရာသီပြောင်းတုပ်ကွေး ရောဂါတွေလို့ နှာချေခြင်း ၊ ချောင်းဆိုခြင်း ၊ လေထဲမှ အမှုန့်အမွားတွေမှ တစ်ဆင့်ကူးစက်စေနိုင်ပါတယ်။

Photo 7 days

H1N1 ရောဂါဖြစ်လာရင် ဘယ်လို လက္ခဏာတွေပြလဲ

H1N1ဟာ ဗိုင်းရက်စ်ပိုးရှိတဲ့ လေကိုရူရှိုက်ခြင်းမှကူးစက်စေနိုင်သလို ဗိုင်းရက်စ်ပိုးရှိတဲ့ အရာဝတ္ထု တို့ကို ကိုင်တွယ်ခြင်းကနေလည်းကူးစက်နိုင်ပါတယ်။ ကိုယ်အပူချိန်တက်ခြင်း ချောင်းဆိုးခြင်း ၊ စိမ် ့ချမ်း၊ မောပန်းနွမ်းနယ် ၊ လည်ချောင်းနာခြင်း ၊ နှာစေးခြင်း၊ နှာရည်ယိုခြင်း၊ မျက်စိနီခြင်း ၊ မျက်ရည်ကျခြင်း၊ ကိုယ်လက်ကိုက်ခဲခြင်း ၊ ခေါင်းကိုက်ခြင်း ၊ ဝမ်းလျှောခြင်း ၊ပျို့ခြင်း၊ အန်ခြင်း စတဲ့လက္ခဏာတွေ ဖြစ်ပေါ်လာတတ်ပါတယ်။

အသက် ၅ နှစ်အောက် ကလေးတွေ၊ အသက် ၆၅ နှစ်အထက်လူကြီး တွေ၊ ကိုယ်ဝန်ဆောင်အမျိုးသမီးတွေ ၊ အဆုတ် ၊ နှလုံး နဲ့ အာရုံကြော အားနည်းသူတွေ ၊ ဆီးချိုအခံရှိသူတွေ ၊ ကိုယ်ခံအားနည်းသူတွေနဲ ့နာတာရှည် အိပ်ရာထဲလဲနေသူတွေက ရောဂါဖြစ်နိုင်ခြေ ပိုများတာကြောင့် ဂရုပိုစိုက်သင့်ပါတယ်။

ရောဂါတစ်ခုဖြစ်လာပြီဆိုရင် ကုသခြင်းထက် ကာကွယ်ခြင်းက ပိုထိရောက်ပါတယ်။ ရောဂါ မကူးစက်နိုင်ဖို့အတွက် တစ်ကိုယ်ရေသန့်ရှင်းမှုအတွက် အရေးကြီးဆုံးဖြစ်ပါတယ်။ လက်ကို မကြာခဏ ဆပ်ပြာဖြင့် ဆေးကြောပါ။ လက်နဲ့ မျက်စိ ၊ နှာခေါင်း ၊ ပါးစပ်တွေကို ထိတွေ ့ကိုင်တွယ်တာတွေ မလုပ်သင့်ပါဘူး ။ တုပ်ကွေးဖြစ်နေတဲ့ သူတွေနဲ့ ထိတွေ ့ကိုင်တွယ်တာမျိုး ၊ အနီးကပ်နေထိုင်တာမျိုးတွေကို ရှောင်ကြဉ်သင့်ပါတယ်။ ရောဂါကူးစက်မှု နည်းပါးအောင် လူနေထူထပ်တဲ့ နေရာတွေကို ရှောင်ကြဉ်သင့်ပါတယ်။

Photo 7 days

ရောဂါများ မကူးစက်နိုင်ဖို့အတွက် ကိုယ်ခံအားရှိအောင် နေထိုင်သင့်ပြီး အစားများများစားပါ၊ အိပ်ရေးဝဝအိပ်ပါ။ ဗီတာမင်စီဓါတ်ပါသော အားဆေးများ၊ အသီးများ များများစားပေးပါ ၊ ရေများများသောက်ပါ။

တုပ်ကွေးရောဂါလို့ ယူဆရပြီး နေမကောင်းဖြစ်ရင် ဆရာဝန်နှင့်တိုင်ပင်ပြီး အဖျားကျဆေး ၊ အကိုက်အခဲပျောက်ဆေးများကို သောက်ပြီးကာကွယ်သင့်ပါတယ်။ ၂ ရက်ကြာသည်အထိ အဖျားမသက်သကဘဲ ပိုမိုဆိုးရွာလာလျှင် နီးစပ်ဆေးရုံ ၊ ဆေးခန်းသို့ အချိန်မီ သွားရောက်ပြသသင့်ပါတယ်။

၂၀၀၇ ခုနှစ်က ရန်ကုန်တိုင်းတွင် ရာသီတုပ်ကွေး (H1N1) ဖြစ်ပွားသူ ၉၂ ဦးအထိရှိခဲ့ပြီး ၁၂ ဦးသေဆုံးခဲ့ပါတယ်။