တစ်ပတ်လုံး အလုပ်တွေကြားမှာ ခေါင်းစိုက်နေရတဲ့ အမျိုးသားတွေအတွက် သောကြာနေ့ရောက်ပြီဆိုရင် အပျော်ဆုံးပါပဲ။ ညနေစောင်းလေူမှာ ဘော်ဒါ အပေါင်းအသင်းတွေနဲ့ ချိန်းပြီး ပင်ပန်းနွမ်းနယ်မှုတွေကို ရစ်ရွှေရည်လေးနဲ့ အနားယူတတ်ကြပါတယ်။ 

 

ဒါပေမယ့် ရေချိန်ကျော်ပြီး အမူးလွန်သွားပြီဆိုရင်တော့ ပြသနာ တစ်ခုမဟုတ်တစ်ခုကတော့ တတ်စမြဲပါပဲ။  

 

တရုတ်နိုင်ငံ ဂွမ်ဒေါင်းစီရင်စုက အသက် ၂၆ နှစ်အရွယ်လူငယ်ဟာ ဇွန်လ ၇ ရက်နေ့ ညနေပိုင်းက အပေါင်းအသင်းတွေနဲ့ သောက်စားရင်း အလွန်အကျွံမူးပြီးမှ အိမ်ကိုပြန်သွားခဲ့ပါတယ်။ အိမ်ရောက်တဲ့အခါ တံခါးဖွင့်ဖို့ သော့ရှာတာ ဘယ်မှာမှ ရှာမရတာနဲ့ အိမ်သားတွေနှိုးကာ တံခါးခေါက်ပြီးမှ အိမ်ထဲဝင်ခဲ့ရပါတယ်။

 

အရမ်းမူးနေတဲ့အတွက် အိမ်ရောက်ရောက်ခြင်းပဲ အိပ်ယာပေါ်ပစ်လှဲချပြီး အိပ်ပျော်သွားခဲ့ပါတယ်။ နောက်တစ်နေ့ မနက်မှာတော့ သူ့ရဲ့ရင်ဘတ်ထဲကနေ စူးပြီးနာတဲ့ ဝေဒနာနဲ့အတူ နိုးလာခဲ့ပါတယ်။ မခံမရပ်နိုင်အောင် နာလာတဲ့အတွက် ဒေါင်ဂွမ်းဆေးရုံကြီးကို အမြန်သွားပြီး စစ်ဆေးခဲ့ပါတယ်။ ဆရာဝန်တွေက သူ့ရဲ့ ရင်ဘတ်ပိုင်းကို ဓါတ်မှန်ရိုက်ကြည့်တဲ့အခါ သူ့ရဲ့ရင်ဘတ်ထဲမှာ သော့တွဲတစ်တွဲ ရှိနေတာကို အံ့သြစွာတွေ့ခဲ့ရပါတယ်။ ဒီသော့တွဲက ပျောက်ဆုံးနေတဲ့ သူ့ရဲ့ အိမ်သော့တွဲဖြစ်ပါတယ်။

နောက်ဆုံးမှာတော့ အထူးကျွမ်းကျင်တဲ့ ဆရာဝန်တွေက အဏုကြည့်မှန်ပြောင်း အသုံးပြုပြီး သူ့ရဲ့ လည်ချောင်းပြွန်ထဲကနေတစ်ဆင့် အချိန်ယူကာ ဖြည်းဖြည်းခြင်း ခက်ခက်ခဲခဲ ပြန်လည်ဆွဲထုတ်ယူနိုင်ခဲ့ပါတယ်။

 

လက်ရှိမှာတော့ အခြေနေအားလုံး ပုံမှန်ပြန်ဖြစ်ပြီး သက်သာလာပြီလို့ သိရပါတယ်။ သေချာတာကတော့ အခုအဖြစ်ပျက်ကြောင့် နောက်တစ်ခါ ရေချိန်လွန်အောင် သောက်ဖြစ်တော့မှာ မဟုတ်ပါဘူး။