Blackpink နဲ့အတူ သီချင်းတွေတွဲဖက်သီဆိုဖို့ ဆန္ဒရှိကြောင်းပြောလာတဲ့ Jonas Borthers

10 Jun 2019 1,333 Views

တောင်ကိုးရီးယားနိုင်ငံ နာမည်ကျော် ကေပေါ့ပ်အဆိုတော်အဖွဲ့ Blackpink ဟာဆိုရင် အာရှနိုင်ငံများမှာသာမက အနောက်နိုင်ငံတွေအထိ ပေါက်မြောက်အောင်မြင်တဲ့ အဖွဲ့တစ်ဖွဲ့ပဲဖြစ်ပါတယ်။ Coachella 2019 ဖျော်ဖြေပွဲကြီးမှာ ပထမဦးဆုံး မိန်းကလေးကေပေါ့ပ် အဆိုတော်အဖွဲ့အနေနဲ့ ပါဝင်ခဲ့ပြီး ကမ္ဘာနဲ့ ချီတဲ့ ပရိတ်သတ်အများအပြားကိုလဲ ရရှိထားပြီးပါပြီ။ Blackpink ဟာ coachella မှာပါဝင်ဖျော်ဖြေပြီးနောက် မြောက်အမေရိက တစ်လျှောက် နယ်လှည့်ဖျော်ဖြေရေးတွေ ပြုလုပ်ခဲ့ပြီး ချစ်ခင်တဲ့ ပရိတ်သတ်အများက အားပေးခဲ့ကြပါတယ်။ ဒီလို အောင်မြင်ကျော်ကြားပြီး လူချစ်လူခင်များတဲ့ blackpink အဖွဲ့နဲ့ သီချင်းတွေ အတူ တွဲဖက်သီဆိုလိုကြောင်း Jonas Brothers မှပြောကြားလာပါတယ်။ Blackpink နဲ့အတူ တွဲဖက်သီဆိုလိုတဲ့ Jonas Brothers ညီအစ်ကို သုံးယောက် ဘယ်လိုပြောသွားတယ်ဆိုတာ သိရှိဖို့ ဆက်လက်ဖတ်ရှုလိုက်ရအောင်။

>>ဆက်လက်ဖတ်ရှုရန် Read More ကိုနှိပ်ပါ။<<

ကမ္ဘာကျော် ဟောလိဝုဒ်အဆိုတော်အဖွဲ့ Jonas Brothers မှ ညီအစ်ကိုသုံးယောက်ဟာဆိုရင် ငယ်စဉ်ကလေးဘဝကတည်းက Disney တီဗွီရှိုးအစီအစဉ်များနဲ့ လူချစ်လူခင်များလာတာပဲဖြစ်ပါတယ်။ Jonas Brothers ညီအစ်ကို သုံးယောက် သီချင်းအတူတူ မဆိုဖြစ်ခဲ့တာ အချိန်တစ်ခုကြာခဲ့ပြီဖြစ်ပြီး ၂၀၁၉ မှသာ Sucker အမည်ရှိ သီချင်းနဲ့အတူ ပရိတ်သတ်ရှေ့ပြန်လည်ရောက်ရှိလာတာပဲဖြစ်ပါတယ်။

Jonas Brothers ဟာ NBC’s today အစီအစဉ်မှာ မေးခွန်းအမေးအဖြေဂိမ်းတစ်ခုကို ကစားခဲ့ပြီး ပရိတ်သတ်တစ်ဦးက “အတူ တွဲဖက်သီချင်းလုပ်လိုတဲ့ သူရှိမရှိ” မေးခွန်းထုတ်ခဲ့တဲ့ အခါမှာတော့ Joe Jonas မှ Blackpink နဲ့ အတူ သီချင်းတွဲဖက် သီဆိုလိုကြောင်း ပြောကြားသွားခဲ့ပါတယ်။

Jonas Brothers မှ ဒီလို အတိအလင်း ပြောလိုက်တာဟာ မကြာခင် collaboration song ကိုမြင်တွေ့ရမလားဆိုတာ ဆက်လက်မျှော်လင့်စောင့်စားရမှာပါ။ ကမ္ဘာကျော်အမျိုးသမီး အဆိုတော်အဖွဲ့တစ်ဖွဲ့ဖြစ်တဲ့ Little mix ကလဲ Blackpink နဲ့အတူ သီချင်းတွေလုပ်လိုကြောင်း ပြောဖူးသလို DJ Snake မှလဲ Blackpink နဲ့ သီချင်းအတူ လုပ်ချင်တဲ့ အစီအစဉ်တွေရှိကြောင်းပြောကြားဖူးပါတယ်။