ဆောင်းဟယ်ကျိုနဲ့ လက်ထပ်ပြီးနောက်ပိုင်း ပြောင်းလဲလာတဲ့ သူ့အပြုအမူတွေအကြောင်း ပြောပြလာတဲ့ ဆောင်းဂျွန်ကီ

29 May 2019 1,480 Views

တောင်ကိုးရီးယားနိုင်ငံရှိ ထိပ်တန်းစာရင်းဝင် မင်းသားတွေထဲကတစ်ဦးအပါအဝင်ဖြစ်တဲ့ ဆောင်းဂျွန်ကီဟာ လတ်တလော tvN ကထုတ်လွှင့်မယ့် Arthal Chronicles ဇာတ်ကားမှာပါဝင် အဓိကဇာတ်ဆောင်အဖြစ်ပါဝင် သရုပ်ဆောင်ထားတာပဲဖြစ်ပါတယ်။ ဒီဇာတ်ကားဟာဆိုရင် ဆောင်းဂျွန်ကီ အိမ်ထောင်ပြုပြီးနောက်ပိုင်း ပထမဦးဆုံး ရိုက်ကူးတဲ့ ဇာတ်လမ်းတွဲဖြစ်ပါတယ်။ ဆောင်းဂျွန်ကီဟာ Arthdal Chronicles ဇာတ်လမ်းတွဲရဲ့ press confrence ကို တက်ရောက်ခဲ့ပြီး အင်တာဗျူးမေးခွန်းတွေကို ဖြေဆိုခဲ့ပါတယ်။ ဆောင်းဂျွန်ကီတစ်ယောက် ဇနီးသည်နဲ့ပတ်သတ်ပြီး မေးခွန်းအထုတ်ခံရတဲ့အခါ ဘယ်လိုဖြေကြားသွားလဲသိရှိဖို့ ဆက်လက်ဖတ်ရှုလိုက်ကြရအောင်။

>>ဆက်လက်ဖတ်ရှုရန် Read More ကိုနှိပ်ပါ။<<

ဆောင်းဂျွန်ကီဟာ Arthdal Chronicles ရဲ့ press conference ပွဲကို ကျန်သရုပ်ဆောင်များဖြစ်တဲ့ ဂျန်ဒေါင်ဂန်၊ ကင်မ်ဂျီဝန်၊ ကင်မ်အုပ်ဘင် တို့နဲ့အတူ တက်ရောက်လာပါတယ်။ ဆောင်ဂျွန်ကီဟာ Descendants of the sun ဇာတ်လမ်းတွဲမှ မင်းသမီး ဆောင်းဟယ်ကျိုနဲ့ လက်ထပ်ပြီးနောက်ပိုင်း ဇာတ်လမ်းတွဲ ရိုက်ကူးခြင်းမျိုးမရှိသေးပါဘူး။ ဒါဟာ dots အပြီး ၃ နှစ်ကျော်ကြာမှ ရိုက်ကူးတဲ့ဇာတ်လမ်းတွဲအသစ်ပါ။ မင်းသားအနေနဲ့ ဇာတ်လမ်းတွဲတွေနဲ့ အလှမ်းဝေးနေခဲ့တာ သုံးနှစ်နီးပါးရှိနေခဲ့ပါပြီ။ အိမ်ထောင်ပြုပြီးနောက်ပိုင်း မရိုက်ဖြစ်တော့တာကြောင့် ‘ဘာကြောင့်လဲ’ဆိုတာ ပရိတ်သတ်တွေက စိတ်ဝင်စားနေကြပါတယ်။

ဆောင်းဟယ်ကျိုနဲ့ ဖြတ်သန်းခဲ့ရတဲ့ အိမ်ထောင်ရေးနဲ့ ပတ်သတ်ပြီး အင်တာဗျူးတဲ့အခါမှာတော့ “အများကြီး ပြောင်းလဲသွားတယ်ရယ်လို့တော့ မရှိပါဘူး အိမ်ထောင်ကျပြီးနောက်ပိုင်းအရင်ကထက်ပိုတည်ငြိမ်ပြီး ပိုရင့်ကျက်သွားတယ်လို့ဆိုရမယ်၊ အိမ်ထောင်ရှိတဲ့သူတွေဆိုရင် ဒီခံစားချက်ကို ကောင်းကောင်းနားလည်ပါလိမ့်မယ်” ဆိုပြီးပြောကြားလာပါတယ်။

တစ်ဖန် လာမယ့် ဇွန်လမှာ ထုတ်လွှင့်ပြသမယ့် Arthdal chronicles ဇာတ်လမ်းတွဲနဲ့ ပတ်သတ်ပြီး ဇနီးသည်ရဲ့ အမြင်ကိုလဲ အောက်ပါအတိုင်းပြောကြားလာပါတယ်။ “သူက ဒီဇာတ်ကားရဲ့ ဇာတ်ညွှန်းဆရာမနဲ့ ဒါရိုက်တာကို အရမ်းကြိုက်တာ၊ ဒီကားရိုက်ကူးနေစဉ်အတောအတွင်း သူမအားပေးစကားတွေကို အမြဲကြားရတယ်။ ပြီးတော့ အချိန်အကြာကြီးနေမှ ရိုက်ဖြစ်တဲ့ ဇာတ်လမ်းတွဲဆိုတော့ ကျွန်တော်လဲ အရင်ကထက်ပိုပြီး ကြိုးစားသွားသင့်တယ်လို့ထင်ပါတယ်” ဆိုပြီးပြောသွားပါတယ်။

ဆောင်းဂျွန်ကီနဲ့ ဆောင်းဟယ်ကျိုတို့ဟာ ၂၀၁၇ အောက်တိုဘာ ၃၁ မှာလက်ထပ်ထိမ်းမြားခဲ့ပြီး အိမ်ထောင်သက်တမ်း တစ်နှစ်ကျော် နှစ်နှစ်နီးပါးရှိခဲ့ပါပြီ။ ဒီကြားထဲ နှစ်ယောက်သား ကွာရှင်းလိုက်ပြီဆိုတဲ့ သတင်းမျိုးတွေ ထွက်လာပေမယ့် သူတို့နှစ်ဦးရဲ့ အချစ်တွေက ခိုင်မာကြောင်းကိုလဲ သက်သေပြနိုင်ခဲ့ပြီးဖြစ်ပါတယ်။ ပရိတ်သတ်ကြီးအတွက် ထာဝရ song-song couple ပါပဲနော်။

(ပိုပိုလေး)