မေလ ၂၀ ရက်နေ့ဟာ တရုတ်နိုင်ငံရဲ့ ချစ်သူများနေ့ ဖြစ်ပါတယ်။ အဲဒီနေ့မှာ တရုတ်လူမှုကွန်ယက်တွေပေါ်မှာ “#520” (မေ ၂၀ ကိုယ်စားပြု) တက်ခ်လေးတွေချိပ်ပြီး ချစ်သူရည်းစားတွေ ပြုံးပျော်မြူးနေတဲ့ ဓါတ်ပုံတွေ ပလူပျံနေတာ ရှာကြည့်ရင် တွေ့ရမှာပါ။

 

>>Read More ကိုနှိပ်ပြီး ဖတ်ရှုပါ<<

 

ဒီလိုမျိုး ချစ်သူများနေ့မှာမှ ချစ်သူကောင်မလေးရဲ့ ပါး ၅၂ ချက် ရိုက်တာကို လူပုံအလယ်မှာ ခံလိုက်ရတဲ့ ကောင်လေးရဲ့ အဖြစ်ကတော့ အမှတ်တရဖြစ်ပေမယ့် သနားစရာလည်း ကောင်းလွန်းသွားပါပြီ။ 

 

မီဒီယာတွေရဲ့ ဖော်ပြချက်အရ အဲဒီနေ့မှာ ကောင်မလေးက ကောင်လေးကို ဖုန်းအသစ်တစ်လုံး လက်ဆောင်ဝယ်ပေးဖို့ ပူဆာတာကို မဝယ်ပေးတဲ့အတွက် ဖုန်းတွေရောင်းတဲ့ ဆိုင်တန်းတွေ ရှေ့မှာပဲ အော်ကြီးဟစ်ကျယ် ရန်တွေ့ပြီး ကောင်လေးရဲ့ ပါးကို အချက်ပေါင်းများစွာ ရိုက်ခဲ့ပါတယ်။

စိတ်ဝင်စားစရာကောင်းတာက ရဲတွေရောက်လာပြီး သူတို့နှစ်ယောက်ကို လူခွဲချိန်မှာ ကောင်လေးက နေရာက လုံးဝမခွာပဲ ကောင်မလေး ရိုက်တာကို ပေခံနေပါတယ်။ သူပြောတာကတော့ ချစ်သူကောင်မလေးကို ဖုန်းအသစ်မဝယ်ပေးမိတဲ့ သူ့ရဲ့အမှားအတွက် ကောင်မလေးရဲ့ ဒေါသတွေ လျော့ပါးစေတာ ဒီတစ်နည်းပဲရှိလို့ စိတ်ကြိုက်ရိုက်ပါစေဆိုပြီး အရိုက်ခံနေတာပါလို့ ရှင်းပြခဲ့ပါတယ်။

 

ဝိုး..ဇာတ်သိမ်းမှာ ကြေကွဲတာပဲလေ..။ နောက်ဆုံးမှာတော့ ကောင်လေးက ကောင်မလေးကို ခွင့်လွှတ်ပြီး ဒီကိစ္စကို ရဲစခန်းမှာ အမှုမဖွင့်ဖူးလို့ သိရပါတယ်။ အရမ်းချစ်တတ်တဲ့ကောင်လေးမို့ အတုယူကြပါနော်။