အိန္ဒိယနိုင်ငံ မဒရာပါရာဒက်ရှ် စီရင်စုတွင် အမျိုးသားတစ်ဦးနှင့် သူ၏ဆွေမျိုးတော်စပ်သူ အမျိုးသမီး နှစ်ဦးတို့ကို သစ်ပင်မှာ ကြိုးတုပ်ထားပြီး ဒေါသထွက်နေတဲ့ လူအုပ်ကြီးက တုတ်တွေ၊ ကြာပွတ်တွေနဲ့ ဝိုင်းရိုက်နေတာကို ရာနဲ့ချီတဲ့ ရွာသားတွေက ဝိုင်းကြည့်နေခဲ့ကြပါတယ်။

 

ချည်နှောင်ရိုက်နှက်ခံနေရတဲ့ အမျိုးသားဟာ အိမ်ထောင်ရှိ အမျိုးသမီးတစ်ဦးကို ခိုးပြေးခဲ့ပြီး သူရဲ့ဆွေမျိုးဖြစ်တဲ့ အမျိုးသမီးနှစ်ဦးက ကူညီပေးခဲ့တယ်ဆိုတဲ့ စွပ်စွဲချက်နဲ့ ၃ ယောက်လုံး ကြိုးတုပ်ရိုက်ခံရတာဖြစ်ပါတယ်။

 

>>Read More ကို နှိပ်ပြီးဖတ်ရှုပါ<<

 

ရာနဲ့ချီတဲ့ လူအုပ်စုကြီးက ဝန်းရံထားပြီး သူတို့ ၃ ဦးကို ရှေးခေတ်ရိုးရာ အပြစ်ပေးတဲ့ ပုံစံနဲ့ သစ်ပင်မှာ ကြိုးတုပ်ထားတာဖြစ်ပါတယ်။ ရုပ်သံမှာတော့ အမျိုးသားက သူ့ရဲ့အပြစ်အတွက် သနားပါလို့ ရိုက်နှက်နေတဲ့ သူတွေကို တောင်းပန်တာ မြင်တွေ့ရပါတယ်။

ဒီလိုကိုယ်တိုင် တရားစီရင် အပြစ်ပေးမှုမှာ ပါဝင်ခဲ့တဲ့ လူ ၉ ဦးကို ရဲစခန်းက အမှုဖွင့်ထားပြီး ၄ ဦးကတော့ ထွက်ပြေးလွတ်မြောက်နေဆဲဖြစ်ပါတယ်။ မကြာခင်မှာ ပြန်လည်ဖမ်းဆီးနိုင်လိမ့်မယ်လို့ ရဲအရာရှိ Sanjai Muwel က အိန္ဒိယသတင်းစာကို ဖြေကြားခဲ့ပါတယ်။

 

လွန်ခဲ့တဲ့ ရက်အနည်းငယ်က အိမ်ထောင်ရှိ အမျိုးသမီးတစ်ယောက်ဟာ သူမရဲ့ ချစ်သူနဲ့ ခိုးရာလိုက်ပြေးသွားခဲ့ပြီး သူမရဲ့ ခင်ပွန်းက ရဲစခန်းမှာ လူပျောက်တိုင်ကြားခဲ့ပါတယ်။ သိပ်မကြာခင်မှာ ခိုးရာလိုက်သွားတဲ့ ဇနီးကို ခြေရာခံမိခဲ့ပြီး ညှိနှိုင်းစေ့စပ်မယ်လို့ ပြောကာ နှစ်ယောက်စလုံးကို ပြန်ခေါ်ခဲ့ကြပါတယ်၊ အဲဒီနောက် သူတို့ကို ကူညီခဲ့တဲ့ မိန်းကလေးနှစ်ယောက်ကိုပါ အခုလို အပြစ်ပေးတာဖြစ်ကြောင်း ရဲအရာရှိက ရှင်းပြခဲ့ပါတယ်။