ပရိတ်သတ်တွေ ရင်ထဲထိသွားစေမယ့် Ed Sheeran ရေးသားပေးတဲ့ ဂျက်စတင်ဘီဘာရဲ့ သီချင်းအသစ်
10 May 2019 1,491 Views
ကနေဒီယန် အဆိုတော် ဂျက်စတင်ဘီဘာဟာဆိုရင် အသက် (၁၂) နှစ်အရွယ်ကတည်းက အောင်မြင်ကျော်ကြားလာတဲ့ အဆိုတော်တစ်ဦးပဲဖြစ်ပါတယ်။ ဘီဘာဟာ စက်တင်ဘာ ၁၃၊ ၂၀၁၈ မှာ ဟေးလီဘော်လ်ဝင်းနဲ့  လက်ထပ်ခဲ့ပြီးနောက်ပိုင်း သီချင်းအသစ်ထွက်ရှိတာမျိုးမရှိသေးပါဘူး။ သူကိုယ်ပိုင် brand တစ်ခုဖြစ်တဲ့ drewhouse ကုန်ပစ္စည်းထုတ်လုပ်ရေးနဲ့ အလုပ်ရှုပ်နေပုံပါပဲ။ ဘီဘာရဲ့ ပရိတ်သတ်တွေကတော့ ဘီဘာတစ်ယောက် ဘယ်တော့ သီချင်းအသစ်တွေ ထွက်မလဲဆိုပြီး မျှော်လင့်စောင့်စားနေခဲ့ကြတာပါ။ ပြီးခဲ့တဲ့ အပတ်မှာ ဘီဘာဟာ ပရိတ်သတ်ကို သီချင်းအသစ်ထွက်ရှိမယ့် သဲလွန်စလေးပေးခဲ့ပါတယ်။ ဘီဘာပေးတဲ့ သဲလွန်စက ဘယ်လိုဖြစ်မလဲဆိုတာ ဆက်လက်ဖတ်ရှုကြည့်လိုက်ကြရအောင်။
>>ဆက်လက်ဖတ်ရှုရန် Read More ကိုနှိပ်ပါ<<
ဂျက်စတင်ဘီဘာဟာ Ed Sheeran နဲ့ဟိုအရင်ကတည်းက ရင်းနှီးတဲ့သူငယ်ချင်းတွေဖြစ်ကြပါတယ်။ဘီဘာ ဟာပြီးခဲ့တဲ့ အပတ်မှာ Ed sheeran နဲ့ သူကိုယ်တိုင် ပါဝင်တဲ့ ဓာတ်ပုံတစ်ပုံကို “10” ဆိုတဲ့ ကပ်ရှင်နဲ့အတူ အင်စတာဂရမ်မှာတင်ခဲ့ပါတယ်။ ဘီဘာတင်လိုက်တဲ့ “10” ဆိုတာကတော့ မေလ ၁၀ ရက်နေ့မှာ Ed Sheeran နဲ့ တွဲဖက်ပြီး သီချင်းအသစ်ထွက်ရှိမယ်လို့ ဆိုလိုခြင်းပဲဖြစ်ပါတယ်။
သီချင်းအသစ်ထွက်ဖို့ သုံးရက်အလိုမှာ Ed Sheeran ကို tag တွဲပြီး သီချင်းစာသားတွေ ပါဝင်တဲ့ ပုံတစ်ပုံကိုတင်ခဲ့ပါတယ်။
ထွက်ရှိဖို့ ၂ ရက်အလိုမှာတော့ “Fri-yay” ဆိုတဲ့ ပုံတစ်ပုံနဲ့အတူ Ed Sheeran နဲ့ သီချင်းအသစ် သောကြာနေ့မှာထွက်ရှိမယ့်အကြောင်း ပရိတ်သတ်ကို အသိပေးခဲ့ပါတယ်။ သီချင်းနာမည်ကတော့ “I don’t care” ဖြစ်ကြောင်းကိုလဲ ဘီဘာက ပြောကြားသွားပါတယ်။
“I Don’t care” သီချင်းထွက်ရှိဖို့ တစ်ရက်အလိုမှာတော့ Ed Sheeran ရေးသားပေးထားတဲ့ သီချင်း မကြာခင်ထွက်ရှိတော့မည်ဖြစ်ကြောင်း အင်စတာဂရမ်မှတစ်ဆင့် အသိပေးခဲ့ပါတယ်။
မေလ ၁၀ ရက်နေ့၊ သောကြာနေ့ မနက်ပိုင်းအချိန်အခါမှာတော့ Ed Sheeran ရဲ့ Youtube channel ကနေ I don’t care သီချင်းကို တင်ပေးလိုက်ပြီပဲဖြစ်ပါတယ်။ ဘီဘာရဲ့ သီချင်းအသစ်ကို မျှော်လင့်စောင့်စားနေတဲ့ ပရိတ်သတ်တွေအတွက် အထူးသတင်းကောင်းပါပဲ။ Ed Sheeran ရေးသားတီးခတ်ပြီး ဂျက်စတင်ဘီဘာ သီဆိုထားတဲ့ “I Don’t Care” သီချင်းကို ခံစားနားဆင်ကြည့်လိုက်ကြပါဦး ပရိတ်သတ်ကြီးရေ။
(ပိုပိုလေး)
