စစ်မှုထမ်းအပြီး ပရိတ်သတ်ရှေ့ပြန်လည်ရောက်ရှိလာပြီဖြစ်တဲ့ လီမင်ဟို
25 Apr 2019 1,407 Views
တောင်ကိုးရီးယားနိုင်ငံ နာမည်ကျော်မင်းသားတစ်လက်ဖြစ်တဲ့ သရုပ်ဆောင်လီမင်ဟိုဟာ တောင်ကိုးရီးယားနိုင်ငံ ယောင်္ကျားလေးတိုင်းစစ်မှုမထမ်းမနေရ ဥပဒေအရ မေလ ၁၂ ရက်၊ ၂၀၁၇ မှာ စတင်အမှုထမ်းခဲ့ပါတယ်။ လီမင်ဟိုဟာ ၂၀၀၆ ခုနှစ်ကားအက်ဆီးဒင့် ဖြစ်ပွားရာက ဒူးခေါင်းဒဏ်ရာရရှိခဲ့တာကြောင့် စစ်တပ်မှာအမှုမထမ်းပဲ Suseo Social Welfare Center ပြည်သူ့အမှုထမ်းအဖြစ် တာဝန်ထမ်းဆောင်ခဲ့ရပါတယ်။ ပရိတ်သတ်ကြီး လွမ်းနေတဲ့ ဇာတ်လိုက်ကျော်မင်းသား လီမင်ဟိုဟာ ဒီနေ့ ဧပြီလ ၂၅ ရက်နေ့မှာ စစ်မှုထမ်းခြင်းအမှုပြီးဆုံးပြီး ပရိတ်သတ်ရှေ့ကိုပြန်လည်ရောက်ရှိလာပြီပဲဖြစ်ပါတယ်။
>>ဆက်လက်ဖတ်ရှုရန် Read More ကိုနှိပ်ပါ<<
ပြီးခဲ့တဲ့ မတ်လပိုင်းတုန်းက လီမင်ဟိုကို Nosan Training Center မှာတွေ့ခဲ့ရပြီး အခြေခံစစ်မှုထမ်းပုံ အဆင့်ဆင့်လေ့ကျင့်ရေးဆင်းခဲ့တယ်လို့သိရပါတယ်။ လီမင်ဟိုရဲ့ အေဂျင်စီ MYM Entertainment မှ “လီမင်ဟိုဟာ စစ်မှုထမ်းပြီးဆုံးတာကို ကြိုဆိုပွဲတွေ နဲ့ တခမ်းတနားမလုပ်ပဲ လူမသိသူမသိ အေးအေးဆေးဆေး ပြီးသွားချင်တာပါ။ ဒါပေမဲ့ သတင်းမီဒီယာတွေက သူထွက်မယ့်နေ့ကိုသိပြီး ရောက်လာပါတယ် ”လို့ပြောထားပါတယ်။
ဧပြီလ ၂၅ ရက်နေ့မှာလီမင်ဟို သူအမှုထမ်းဆောင်တဲ့ နေရာမှ မျက်နှာကို Mask အုပ်ပြီး တိတ်တဆိတ်ထွက်ခွာခဲ့ပါတယ်။ ဒါပေမဲ့ သတင်းမီဒီယာတွေနဲ့ ပရိတ်သတ်တွေက လီမင်ဟို ထွက်လာမယ့်ရက်ကိုကြိုသိပြီးစောင့်နေတဲ့အတွက် ဓာတ်ပုံအချို့ကို ရိုက်ကူးရယူနိုင်ခဲ့ပါတယ်။
(ပိုပိုလေး)
