လီကွမ်ဆူးဟာ တီဗွီအစီအစဉ်တွေမှာပေါတောတောဆိုပေမဲ့လက်တွေ့ဘဝမှာ တည်ကြည်တဲ့ လူတစ်ယောက်ဖြစ်ကြောင်း တွဲဖက်သရုပ်ဆောင်ပြောကြား

24 Apr 2019 1,451 Views

Channel 7 ရုပ်သံလိုင်းမှာ ထုတ်လွှင့်ပြသလေ့ရှိတဲ့ တောင်ကိုးရီးယားနာမည်ကျော်ရုပ်သံအစီအစဉ် Running Man မှ လီကွမ်ဆူးကို ပရိတ်သတ်တွေက ချစ်စနိုးနဲ့ သစ်ကုလားအုတ်လို့ ခေါ်ကြပါတယ်။ လီကွမ်ဆူးရဲ့ မြင့်မားရှည်လျားလှတဲ့အရပ်ကြီးကြောင့် သစ်ကုလားအုတ်ဆိုပြီးတင်စားခေါ်ဝေါ်ကြတာပါ။ အားလုံးသိတဲ့အတိုင်း Running Man မှာအရယ်ရဆုံး၊ဟာသဥာဏ်အရွှင်ဆုံးဆိုရင်တော့ လီကွမ်ဆူးလို့ပြောရမှာပါပဲ။

>>ဆက်လက်ဖတ်ရှုရန် Read More ကိုနှိပ်ပါ<<

သူ့ရဲ့ တုံးအပုံ၊ မိုက်မဲပုံတို့ဟာ Running Man ပရိတ်သတ်တွေကို အသောမသတ်ပဲ ရယ်မောစေနိုင်ပါတယ်။ ဒါဟာ ကွမ်ဆူးရဲ့ ပရိတ်သတ်တွေကိုပျော်ရွှင်စေတဲ့ တီဗွီဖန်သားပြင်ပေါ်က ပုံရိပ်တစ်ချို့ပါ။ ကွမ်ဆူးရဲ့ မူလပုံရိပ်၊ ပင်ကိုယ်စရိုက်က ဘယ်လိုဖြစ်မလဲဆိုတာ ပိုပိုလေးနဲ့အတူ လိုက်ပါကြည့်ရှုလိုက်ကြရအောင်။

ဧပြီလ ၂၃ ရက်နေ့မှာ သရုပ်ဆောင် Shin Ha Kyun ဟာ café ဆိုင်တစ်ဆိုင်မှာ အသစ်ထွက်ရှိမယ့်ရုပ်ရှင်ကား “My Special Brother” အတွက် အင်တာဗျူးပြုလုပ်ခဲ့ပါတယ်။ ဒီဇာတ်ကားမှာ Shin Ha Kyun နဲ့ လီကွမ်ဆူးတို့က ညီအစ်ကိုတွေ အဖြစ်သရုပ်ဆောင်သွားမှာပါ။

ဇာတ်လမ်းရိုက်နေစဉ်အတောအတွင်း မြင်တွေ့ခဲ့ရတဲ့ လီကွမ်ဆူးရဲ့သရုပ်အမှန်ကို Shin Ha Kyun ကပြောပြလာပါတယ်။ “ကွမ်ဆူးရဲ့ ကောင်းသတင်းတွေကိုတော့ သူနဲ့ တစ်ခါမှမတွေ့ဖူးခင်ကတည်းက ကြားဖူးပြီးသားပါ။ ကျွန်တော် သူ့ကို အပြင်မှာလူချင်းတွေ့တော့မှ တကယ်အံ့အားသင့်ခဲ့ရတယ် တီဗွီအစီအစဉ်မှာ တွေ့မြင်ရတဲ့ ပုံနဲ့ တခြားစီပါပဲ။ သူဟာ ပြင်ပမှာအဲ့လောက်လဲ စကားမများသလို ရွတ်နောက်နောက်လူတစ်ယောက်လဲမဟုတ်ပါဘူး။ တကယ်ကို လေးလေးနက်နက် တည်တည်ကြည်ကြည်ရှိတဲ့ လူပုဂ္ဂိုလ်တစ်ဦးပါ” ဆိုပြီး ကွမ်ဆူးရဲ့သရုပ်အမှန်ကို ပြောပြထားပါတယ်။

ဆက်လက်ပြီး Shin Ha Kyun က “ကျွန်တော်သူနဲ့ ရိုက်ကူးရေးမှာတွေ့ပါများလေလေ သူ့အကြောင်း ပိုသိချင်လာလေလေပါပဲ၊ သူက စိတ်ခံစားချက်တွေဖော်ပြတဲ့နေရာမှ သိပ်တော်တယ် သူက အမှန်အကန် သရုပ်ဆောင်ကောင်းတစ်ယောက်ပါ” ဆိုပြီး ကွမ်ဆူးရဲ့ အလုပ်ကြိုးစားပုံကိုချီးကျူးထားပါတယ်။

တစ်ဖန် Shin Ha Kyun သူနဲ့ လီကွမ်ဆူးတို့ဟာ ဇာတ်ကားထဲမှာသာမက ပြင်ပမှာလဲ တကယ့်ညီအစ်ကိုအရင်းတွေလို ခင်မင်ရင်းနှီးမှုမျိုးရရှိခဲ့ကြောင်းပြောကြားသွားပါတယ်။ Shin Ha Kyun နဲ့ လီကွမ်ဆူးတို့ သရုပ်ဆောင်ထားတဲ့ “My Special Brother” ရုပ်ရှင်ကားကတော့ တောင်ကိုးရီးယားမှာ မေလ ၁ ရက်နေ့မှစတင်ပြီး ပြသသွားမှာဖြစ်ပါတယ်။

(ပိုပိုလေး)