မူးယစ်ဆေးသုံးစွဲမှုမှာ အမှန်အကန်ဖြစ်ပြီးအနုပညာလောကမှ နှုတ်ထွက်တော့မယ့် မစ်ကီယူချန်း

24 Apr 2019 1,513 Views

တောင်ကိုးရီးယားနာမည်ကျော် မင်းသားတစ်ဦးဖြစ်တဲ့ မစ်ကီယူချန်းဟာ ပြီးခဲ့တဲ့ ဧပြီလ အစောပိုင်းမှာ မူးယစ်ဆေး သုံးစွဲမှု သံသယရှိသူအနေဖြင့် ရဲဋ္ဌာနမှာ ဖမ်းဆီးစစ်ဆေးခံခဲ့ရပါတယ်။ ဧပြီလ ၂၃ ရက်မှာ ပတ်ယူချန်းရဲ့ ခြေသလုံးမွေးကိုယူပြီး စစ်ဆေးကြည့်ရာက မူးယစ်ဆေးသုံးစွဲထားပြီး စစ်ဆေးချက်အဖြေက positive ဖြစ်တယ်ဆိုတာ ရဲဋ္ဌာနမှ ထုတ်ပြန်ကြေငြာလိုက်ပါတယ်။

>>ဆက်လက်ဖတ်ရှုရန် Read More ကိုနှိပ်ပါ<<

ဧပြီလ ၂၄ ရက်နေ့မှာတော့ မစ်ကီယူချန်းရဲ့ အေဂျင်စီ C-Jes Entertainment မှ သတင်းကြေငြာချက်ထုတ်ပြန်လာပါတယ်။ “မင်္ဂလာပါ CJ ကဖြစ်ပါတယ် ကျွန်တော်တို့ ကုမ္ပဏီက ပတ်ယူချန်း အပြစ်ကင်းကြောင်းပြသဖို့အတတ်နိုင်ဆုံးကြိုးစားခဲ့ပေမယ့် မနေ့က ထွက်ရှိခဲ့တဲ့ဆေးစစ်ချက်အရ ပတ်ယူချန်းဟာ မူးယစ်မသုံးခဲ့ဘူးဆိုတာ ကျွန်တော်တို့ငြင်းလို့မရတော့ပါဘူး။

ကျွန်တော်တို့အနုပညာရှင်ကို ကျွန်တော်တို့ဘက်က တတ်နိုင်သလောက် ယုံကြည်မှုတွေပေးအပ်ခဲ့ပေမဲ့ လက်ရှိထွက်ပေါ်နေတဲ့ သတင်းတွေကြောင့် ကျွန်တော်တို့လဲ မျှော်လင့်ချက်မဲ့နေရပါတယ်။ ပတ်ယူချန်းနဲ့ ယုံကြည်မှုတစ်ခု ဆက်လက်တည်ဆောက်ဖို့တောင် ကျွန်တော်တို့အတွက်ခက်ခဲနေပါပြီ။ ဒါကြောင့် ကျွန်တော်တို့ ကုမ္ပဏီက ပတ်ယူချန်းနဲ့ ချုပ်ထားတဲ့ စာချုပ်ကိုဖျက်သိမ်းလိုက်ဖို့ ဆုံးဖြတ်ချက်ချလိုက်ပါတယ်။” ဆိုပြီးထုတ်ပြန်ကြေငြာလာပါတယ်။

ပတ်ယူချန်းဟာ အနုပညာလောကမှ အပြီးအပိုင်နှုတ်ထွက်သွားတော့မှာဖြစ်ပြီး တရားရုံးမှာ ဆက်လက်အမှုရင်ဆိုင်သွားရမှာဖြစ်ပါတယ်။ ပတ်ယူချန်းရဲ့ ထင်မှတ်မထားတဲ့ လုပ်ရပ်ကြောင့် အေဂျင်စီမှ ဂရုမပြုမိတဲ့အတွက် ပြည်သူလူထု နဲ့ ပရိတ်သတ်တွေဆီကို တောင်းပန်စာရေးခဲ့ပါတယ်။

(ပိုပိုလေး)