GMM ထိုင်းတီဗွီရုပ်သံလိုင်းက ဇာတ်ကားတွေမှာတွေ့ရတော့မယ့် မြန်မာနိုင်ငံသား ဧဝရက်မိုး
29 Mar 2019 1,540 Views
ထိုင်းနိုင်ငံရဲ့ နာမည်ကြီးရုပ်သံလိုင်းတစ်ခုဖြစ်တဲ့ “GMM Grammy” ဟာဆိုရင် ထိုင်းရုပ်သံဇာတ်လမ်းတွဲတွေကြိုက်နှစ်သက်တဲ့ မြန်မာပရိတ်သတ်တွေနဲ့ သိပ်မစိမ်းလှပါဘူး။ GMM ရုပ်သံလိုင်းမှာ မကြာခင် မြန်မာမင်းသားတစ်ယောက်ကိုလဲမြင်တွေ့ရတော့မှာဖြစ်ပါတယ်။ သူ့ နာမည်ကတော့ ဧဝရက်မိုးပဲဖြစ်ပါတယ်။ ဒီအကြောင်းကိုတော့ ဧဝရက်မိုးက သူ့ရဲ့ အင်စတာဂရမ်ကနေတစ်ဆင့်ပြောပြထားပါတယ်။
ဧဝရက်မိုးက ၂၀၁၈ စက်တင်ဘာလအကုန်လောက်မှာ မြန်မာနိုင်ငံမှာလာရောက်ပြုလုပ်တဲ့ GMM Grammy ရဲ့ လူရွေးပွဲမှာဝင်ရောက်ယှဉ်ပြိုင်ခဲ့ရာ ဆန်ကာတင် ၁၆ ယောက်အထိပါဝင်ခဲ့တာကြောင့် ပရိတ်သတ်တွေက အရမ်းမျှော်လင့်ခဲ့ကြပါတယ်။ လက်ရှိမှာတော့ ဧဝရက်မိုးဟာ GMM ဇာတ်လမ်းတွဲများမှာ သရုပ်ဆောင်တစ်ယောက်အဖြစ် ပါဝင်နိုင်တော့မှာဖြစ်ပါတယ်။
ဧဝရက်မိုးကို BL ကားရိုက်ဖို့ရှိမရှိ ပရိတ်သတ်တစ်ယောက်က မေးမြန်းထားတဲ့အခါ GMM ကလုပ်ခိုင်းရင်တော့ လုပ်ရမှာပါပဲ ဒါပေမဲ့ Normal ပဲပိုရိုက်ချင်တယ်လို့ပြောပြထားပါတယ်။ BL ကားဆိုတာကတော့ ယောင်္ကျားလေးအချင်းချင်း ချစ်ကြိုက်တာကို ရိုက်ကူးတဲ့ဇာတ်ကား ဖြစ်ပြီး Normal ကတော့ သာမန် ယောင်္ကျားလေးနဲ့မိန်းကလေး ချစ်ကြိုက်တာကို ရိုက်ကူးပြသတဲ့ ဇာတ်ကားပဲဖြစ်ပါတယ်။
ဧဝရက်မိုးဟာ နောက်လအင်္ကြန်အပြီးမှာ ရုပ်သံစီးရီးမှာပါဝင်ဖို့ workshop ရှိပါတယ်တဲ့။ ဧဝရက်မိုးတစ်ယောက် ထိုင်းရုပ်သံဇာတ်လမ်းတွဲမှာ ဘယ်လိုကာရိုက်တာမျိုးနဲ့ ပါဝင်လာမယ်ဆိုတာ စိတ်ဝင်စားစရာပါပဲနော်။ အတူတူစောင့်မျှော်ကြည့်ရှုလိုက်ကြရအောင် ပရိတ်သတ်ကြီးရေ။
(ပိုပိုလေး)
Credit- auntymay
