မကြာခင် ရုပ်ရှင်ကားတွေပြန်လည်ရိုက်ကူးတော့မယ်ဆိုတဲ့ရဲတိုက်
28 Mar 2019 1,380 Views
တစ်ချိန်က နှုတ်ခမ်းနီမလေးတွေ အရူးအမူးအားပေးခဲ့ကြတဲ့ သရုပ်ဆောင်ရဲတိုက်ဟာ မကြာခင်ရုပ်ရှင်ဇာတ်ကားတွေပြန်ရိုက်တော့မှာပါ။ ဟိုးတုန်းက ရဲတိုက်နဲ့ ဖွေးဖွေးဇာတ်ကားများဆိုရင် အသဲစွဲတွေပါပဲနော်။ သူ့ရဲ့ အကြည့်တွေ သူ့သရုပ်ဆောင်ပုံတွေဟာ လက်ရှိ လူကြိုက်များနေတဲ့ ဒေါင်းနဲ့တောင် ခပ်ဆင်ဆင်ပါပဲ။ ဒေါင်းမတိုင်မီကာလမှာ ရဲတိုက်ဟာ ရေပန်းစားခဲ့သူတစ်ယောက်ဆိုလဲမမှားပါဘူး။ ရဲတိုက်တစ်ယောက် မူးယစ်သုံးစွဲမှုနဲ့ ထောင်ကျခဲ့ပြီး အပြစ်တွေကို ခံယူပြီးပြီဖြစ်ပါတယ်။ လက်ရှိမှာတော့ ရဲတိုက်ဟာ အနုပညာအလုပ်တွေ ဆက်လက်လုပ်ကိုင်တော့မယ်လို့ပြောကြားလာပါတယ်။
ရဲတိုက်ဟာ အနုပညာလှုပ်ရှားမှုတွေနဲ့ပတ်သတ်ပြီး အင်တာဗျူးတစ်ခုမှာဖြေကြားထားပါတယ်။ “ကျွန်တော့်အလှည့်လား အမြန်ဆုံးရောက်စေရမယ်ဗျာ၊ ရိုက်ထားတာလဲရှိပါတယ်။ နောက်ရိုက်ဖို့လဲရှိပါတယ်၊ အကယ်ဒမီပွဲပြီးတာနဲ့ ဆာတိုရီနဲ့လေးကား နောက်ပြီးကိုဂျိုးနဲ့ရုပ်ရှင်တစ်ကား နောက်ပြီးတော့ ကိုမင်းထင်ကိုကိုနဲ့ ရုပ်ရှင်တစ်ကား၊ ပျောက်နေတာတော့မဟုတ်ဘူးဗျ ကျွန်တော် အနုပညာအလုပ်ကို တစိုက်မတ်မတ်မလုပ်ဖြစ်သေးတာ။
ထောင်ကနေ လွတ်လာတဲ့ တစ်နှစ်တာကာလအတွင်းမှာ လေးကားပဲရိုက်ဖြစ်တယ်။ ဒဏ္ဍာရီမိုးဆိုတဲ့ ကားတစ်ကားရယ်၊ နောက်ဒါရိုက်တာဂျိုး နဲ့ ရန်ငြိုးဆိုတဲ့ကားတစ်ကားရယ်၊ နောက်ပြီးတော့ (စဉ်းစားလျက်) ထားပါတော့ လေးကားပဲရိုက်ဖြစ်တယ်။ ကျွန်တော့်ပရိတ်သတ်တွေ အကယ်ဒမီကို နောက်နှစ်ကစပြီးမှန်းနိုင်ပါပြီ ကျွန်တော်ကားတိုင်းမှာ အကယ်ဒမီရအောင် ပိုကြိုးစားပြီးရိုက်မယ်ဗျာ၊ မတော်တဲ့ကားမရပဲနေလိမ့်မယ်၊ တော်တဲ့ကားရသွားလိမ့်မယ်။
မတူကွဲပြားတဲ့ ကာရိုက်တာတွေ မတူကွဲပြားတဲ့ ဇာတ်အိမ်တွေနဲ့အခုခေတ်ကသိတဲ့အတိုင်းပဲ ရုပ်ရှင်ဆိုတာ ကွာလတီကောင်းဖို့က သိပ်အရေးကြီးလာပြီလေ၊ ကွာလတီကောင်းနိုင်သမျှအကုန်လုံး ကိုယ်စွမ်းဥာဏ်စွမ်းရှိသမျှ အကောင်းဆုံးရိုက်ကြရမှာလို့ခံယူထားတော့လေ ကျွန်တော်အရင်ကတည်းကလေ ကျွန်တော်အမှန်အတိုင်းပြောရင် ကျွန်တော့်ကို လူတွေရယ်မလားမသိဘူး၊ ရုပ်ရှင်ရိုက်ရင် ဟောလိဝုဒ်မှာရိုက်နေတယ်လို့ပဲသဘောထားတာ” ဟုရယ်လျက် ပြောကြားသွားခဲ့ပါတယ်။
(ပိုပိုလေး)
Credit- နံမည်ကြီး
