လီဗာပူးအသင်း ပရီးမီးယားလိဂ် ဖလားရတာကို ကြည်ရူနိုင်စွမ်း မရှိဘူးဆိုတဲ့ ရွန်းနီ
22 Mar 2019 1,363 Views
DC ယူနိုက်တက်တိုက်စစ်မှူးရွန်းနီက လီဗာပူးအသင်း ပရီးမီးယားလိဂ်ချန်ပီယံဆုဖလားဆွတ်ခူးတာကို ကြည့်ရှု့ဖို့ ခံနိုင်ရည်မရှိဘူးလို့ ၀န်ခံလိုက်ပါတယ်။ အဲဗာတန်အသင်းနဲ့အတူ ကစားသမားဘ၀စတင်ခဲ့ပြီး မန်ယူဂန္ထ၀င်ကစားသမားဖြစ်ခဲ့တဲ့ ရွန်းနီဟာ အခုရာသီပရီးမီးယားလိဂ်ချန်ပီယံဆုကို မန်စီးတီးအသင်းနဲ့ လီဗာပူးပြိုင်ဆိုင်နေတာကို လက်ခံဖို့ခက်ခဲနေတာပါ။
တိုက်စစ်မှူးရွန်းနီက “ ပရီးမီးယားလိဂ်ချန်ပီယံဆုအတွက် ဒီလိုနှစ်သင်းအပြိုင်အဆိုင်ဖြစ်နေတဲ့အချိန်မှာ အင်္ဂလန်ပြင်ပမှာရှိနေတာက အကောင်းဆုံးအကြောင်းပြချက်ပါပဲ။ မန်စီးတီးချန်ပီယံဖြစ်ဖို့ ကျွန်တော်မျှော်လင့်ပါတယ်။လီဗာပူးလ်အသင်း ချန်ပီယံဖြစ်တာကို ကျွန်တော်ကြည့်ရှု့နိုင်စွမ်းမရှိပါဘူး။
အဲဗာတန်နဲ့ပတ်သက်တဲ့သူတိုင်းအတွက် အိပ်မက်ဆိုးဖြစ်လာမှာပါ။၂၀၀၅ တုန်းက လီဗာပူး ချန်ပီယံလိဂ်ဖလားရခဲ့တာကို ကျွန်တော်အမှတ်ရမိပါတယ်။ အခုအချိန်အထိ အဲဒီအကြောင်းကို ပြောနေကြတုန်းပါပဲ ဒီတစ်ကြိမ် ပရီးမီးယားလိဂ်ရရင် ဘယ်အထိပြောနေမလဲ မသိပါဘူး ”လို့ ဖွင့်ဟခဲ့ပါတယ်။
