အသစ်ထွက်လာမယ့် iPhone XI ရဲ့ နောက်ကျောဘက်မှာ လေထောင့်စပ်စပ်နေရာတစ်ခု ထည့်သွင်းထားပြီး အဲဒီနေရာမှာ ကင်မရာမှန်ဘီလား ၃ လုံးနဲ့ ဖလက်ရှ်မီး တစ်ခုတို့ကို တပ်ဆင်ထားတယ်လို့ တရုပ်ကုမ္ပဏီက သတင်းရကြောင်း ဂျပန်နည်းပညာဝဘ်ဆိုက်တစ်ခုဖြစ်တဲ့ Mac Otakara က ပုံများနဲ့တကွ ဖော်ပြလိုက်ပါတယ်။

 

iPhone နဲ့ ပက်သက်ပြီး ယခင်က ပေါက်ကြားခဲ့ဖူးတဲ့ ဒီဇိုင်းနဲ့ ခပ်ဆင်ဆင်တူပေမယ့် အခုဒီဇိုင်းမှာတော့ Apple က မှန်ဘီလူးနဲ့ အလင်းပေးစနစ်တို့ကို စနစ်တကျ ဖွဲ့စည်းထည့်သွင်းလာတာကို တွေ့ရပါတယ်။ ဒါပေမယ့် အခုဒီဇိုင်းကို Apple ရဲ့ ပရိသတ်တွေ မြင်တွေ့ပြီးတဲ့အခါမှာတော့ ရုပ်ဆိုးလိုက်တာ ဆိုတဲ့ မှတ်ချက်မျိုးတွေ ပေးနေတာ စတင်ကြားလာရပါပြီ။

ပြီးခဲ့တဲ့ ဇန်နဝါရီလမှာ ဖော်ပြခဲ့တဲ့ Wall Street ဂျာနယ်မှာလည်း အသစ်ထွက်လာမယ့် iPhone XS Max မှာ ကင်မရာမှန်ဘီလူး ၃ လုံးပါဝင်ပြီး iPhone XS နဲ့ iPhone XR မှာတော့ ၂ ခုပဲ ပါဝင်မယ်လို့ ဖော်ပြခဲ့ပါသေးတယ်။  

 

နောက်ထပ် ကောလဟာလ တစ်ခုကတော့ Apple က အံခွက်အကြီးကြီးတွေပါတဲ့ iPhone အိပ်ခွံတွေ ပြင်ဆင်နေပြီဆိုတဲ့သတင်းပါ၊ ဒါဟာ မှန်ဘီလူး ၃ လုံးနေရာအတွက် ပြင်ဆင်နေတာလို့လည်း ယူဆနေကြပါတယ်။