လိုက်ဖက်ညီတဲ့စုံတွဲလေးအဖြစ် မကြာခင်မှာတွေ့ရတော့မယ့် ဖြူဖြူထွေးနဲ့ ခြိမ့်ကေကို
06 Mar 2019 1,804 Views
အကကိုနှစ်ခြိုက်ဝါသနာပါလွန်းသူလေး ဖြူဖြူထွေးကိုတော့ ကျောင်းကပွဲတစ်ခုမှာ ထူးထူးခြားခြားမြန်မာဝတ်စုံလေးဝတ်ပြီး ကကွက်ဆန်းတွေနဲ့ကပြခဲ့ရာမှာ ပရိသတ်ကြီးကစတင်သတိထားမိခဲ့တာဖြစ်ပါတယ်။ လူသိများအောင်မြင်ကျော်ကြားလာတာပဲဖြစ်ပါတယ်။ အမြဲဆိုသလို ပါးကွက်ကြားလေးနဲ့ မြန်မာဆန်ဆန်လေးဝတ်စားတတ်တာကြောင့် ပရိသတ်တွေကအချစ်ပိုလာရတဲ့ ဖြူဖြူထွေးကတော့ အားလပ်ချိန်တွေမှာ ဟာသတေးသရုပ်ဖော်ဗီဒီယိုလေးတွေနဲ့ အကဗီဒီယိုလေးတွေတင်ရင်း ပရိသတ်ရဲ့လက်ခံအားပေးမှုတွေနဲ့အတူ အောင်မြင်ကျော်ကြားလာသူလေးဖြစ်ပါတယ်။
တစ်ဖက်မှာလဲ ဘနားနားလို့ပြောလိုက်တာနဲ့ စားစရာဌက်ပျောသီးကိုမဟုတ်ပဲ ခြိမ့်ကေကိုကိုတန်းပြီး ပြေးမြင်ရလောက်အောင်အထိ မြန်မာအိုင်ဒေါရဲ့ပြိုင်ပွဲဝင်ဟောင်း ခြိမ့်ကေကိုကလည်း ပရိသတ်တွေကြားမှာ နာမည်ကြီးနေတာပါ။ ဝေဖန်မှုတွေကြားကနေ ကိုယ်ဝါသနာပါရာ အနုပညာလမ်းကိုလျှောက်လှမ်းနေတဲ့ ခြိမ့်ကေကိုဟာဆိုရင်လည်း သူ့ရဲ့ကြိုးစားအားထုတ်မှုကြောင့် ပရိသတ်ရဲ့အားပေးလက်ခံမှုတွေကို ရရှိလာတဲ့အဆိုရှင်ဖြစ်ပါတယ်။ သီချင်းတွေကိုလည်း ပိုင်ပိုင်နိုင်နိုင်သီဆိုသလို သရုပ်ဆောင်ပိုင်းမှာလည်း ကျွမ်းကျင်တာကြောင့် အများကအသိအမှတ်ပြုအားပေးလာကြတဲ့ အဆိုတော်သရုပ်ဆောင်ဖြစ်ပါတယ်။
သီချင်းအသစ်တွေဖန်တီးရင်း၊ ရှိုးပွဲတွေမှာပါ လိုက်လံဖျော်ဖြေနေရတဲ့ ခြိမ့်ကေကိုနဲ့ ကြေငြာတွေကို အဆက်မပြတ်ရိုက်ကူးနေရတဲ့ ဖြူဖြူထွေးတို့နှစ်ယောက်ကိုတော့ လိုက်ဖက်တဲ့စုံတွဲလေးအဖြစ် ပရိသတ်ကြီးက မကြာခင်တွေ့မြင်ရတော့မှာပါ။ အနုပညာလောကထဲမှာ တက်သစ်စလူငယ်တွေဖြစ်တဲ့ သူတို့နှစ်ယောက်ကတော့ သီချင်းလေးတစ်ပုဒ်မှာ လိုက်ဖက်ညီညီ တွဲပြီးသရုပ်ဆောင်နေတာပဲဖြစ်ပါတယ်။
“အဖြူရောင်သတို့သမီး” လို့အမည်ရတဲ့ သီချင်းလေးတစ်ပုဒ်မှာ သတို့သမီးနဲ့ သတို့သားအဖြစ် သရုပ်ဆောင်နေကြတာဖြစ်ပြီး ခြိမ့်ကေကိုကတော့ အလွန်ကိုဝမ်းသာပျော်ရွှင်နေတာကို တွေ့ရပါတယ်။ ပရိသတ်ကြီးအတွက် အတွဲညီတဲ့စုံတွဲလေးအဖြစ် မကြာခင်မှာတွေ့မြင်ရတော့မယ့် ဖြူဖြူထွေးနဲ့ ခြိမ့်ကေကိုတို့ရဲ့ ပုံရိပ်တွေကိုပါ တင်ဆက်ပေးလိုက်ပါတယ်။
(ပိုပိုလေး)
