IU နဲ့ Yeo Jin Goo ပါဝင်သရုပ်ဆောင်မယ့် ရိုမန်တစ်ဒရာမာဇာတ်လမ်းတွဲ
06 Mar 2019 1,390 Views
တောင်ကိုးရီးယားနိုင်ငံ၊ နာမည်ကြီးရုပ်သံတစ်ခုဖြစ်တဲ့ tvN မှ ရိုမန်တစ်ဒရာမာ ထွက်ရှိမယ့် အကြောင်းကို မတ်လ (၆) ရက်နေ့မှာ ကြေငြာချက်ထုတ်ပြန်လာပါတယ်။ဇာတ်ကားနာမည်ကတော့ Hotel Deluna ဖြစ်ပြီး ဒီဇာတ်လမ်းရဲ့ အဓိက ဇာတ်ဆောင်တွေအဖြစ် Yeo Jin Goo နဲ့ IU တို့က ပါဝင်သရုပ်ဆောင်သွားမယ်လို့ သိရပါတယ်။
Hotel Deluna ဇာတ်လမ်းကို Hong Sisters က ဇာတ်ညွှန်းရေးသားထားတာဖြစ်ပါတယ်။ Hong Sisters ဟာဆိုရင် ကိုးရီးယား ဒရာမာလောကရဲ့ နာမည်ကြီး ဇာတ်ညွှန်းရေးဆရာများဖြစ်ကြပြီး ၂၀၁၃ မှာထွက်ရှိခဲ့တဲ့ Master’s Sun က သူမတို့ရဲ့ အအောင်မြင်ဆုံး ဇာတ်ကားဖြစ်ပါတယ်။
Hong Sisters တို့ဟာ သရဲဇာတ်လမ်းရေးတဲ့နေရာမှာ နာမည်ကြီးပါပဲ၊ ထိတ်လန့်ဖွယ် ဇာတ်လမ်းကို ဟာသနဲ့ရောနှောပြီး ပျော်ရွှင်ထိတ်လန့်စရာကောင်းတဲ့ ဇာတ်လမ်းမျိုးဖန်တီးကြသူတွေပါ။
ယခု Hotel Deluna မှာလဲ သရဲအများစုနေထိုင်တဲ့ ဟိုတယ်ကို တာဝန်ယူအုပ်ချုပ်ပေးရမယ့် ဟိုတယ်မန်နေဂျာအကြောင်းကို ရိုက်ကူးမှာပဲဖြစ်ပါတယ်။ Yeo Jin Goo ကတော့ ဟိုတယ်မန်နေဂျာ Goo Chan Sung အဖြစ်ပါဝင်သရုပ်ဆောင်မှာဖြစ်ပြီး IU ကတော့ ရှေးကျလွန်းပြီး အသက်ကြီးတဲ့ ဝိဥာဉ် Jang Man Wol အဖြစ်ပါဝင်သရုပ်ဆောင်သွားမှာဖြစ်ပါတယ်။
Yeo Jin Goo ဟာကလေးဘဝကတည်းက သရုပ်ဆောင်ကောင်းသူ တစ်ယောက်ဖြစ်ပြီး အသက်အားဖြင့် ငယ်ရွယ်သေးပေမယ့် သရုပ်ဆောင်သက်တမ်းကတော့ ဝါရင့်နေပြီလို့ပြောလို့ရပါတယ်။
IU ကတော့ Idol တစ်ယောက်အနေနဲ့ရော သရုပ်ဆောင်အနေနဲ့ပါ အောင်မြင်နေတဲ့ သူတစ်ယောက်ပါ။
ဒီလို ဒိတ်ဒိတ်ကျဲ နှစ်ယောက်ပါဝင်မယ့် ဇာတ်လမ်းတွဲကို ပရိတ်သတ်ကြီးလဲ အမြန်ဆုံးကြည့်ရှုချင်နေလိမ့်မယ်ထင်ပါတယ်။ အတူစောင့်မျှော်ကြည့်ရှုလိုက်ကြရအောင် ပရိတ်သတ်ကြီးရေ။
(ပိုပိုလေး)
