ရလဒ်ဆိုးတွေကနေပြောင်းလဲပစ်ဖို့ ကယ်တင်ရှင်ကြီးကို တောင်းတခဲ့ကြတဲ့ ရီးရဲလ်ပရိသတ်များ

04 Mar 2019 1,399 Views

ပြီးခဲ့တဲ့ အပါတ်က အယ်လ်ကလပ်စီကိုပွဲမှာ ရီးရဲလ်အသင်းဟာ အိမ်ကွင်းဘာနေဗျူးမှာကစားခဲ့ရပေမယ့် ဘာစီလိုနာအသင်းကို ၁-၀ နဲ့ရှုံးခဲ့ရပါတယ်။ အဲ့အရှုံးဟာနောက်ဆုံး ၄ ရက်အတွင်း အစဉ်အလာပြိုင်ဘက်ကြီးဘာစီလိုနာနဲ့ ၂ ကြိမ်တွေ့ဆုံခဲ့ ရာမှာ နှစ်ကြိမ်လုံးရှုံးခဲ့တဲ့ပွဲဖြစ်ခဲ့လို့ ရီးရဲလ်ပရိသတ်အချို့ ပေါက်ကွဲခဲ့ကြပါတယ်။

အဲ့ပွဲအပြီးမှာ ဘာစီလိုနာပရိသတ်တွေနဲ့ ရီးရဲလ် ပရိသတ်တွေဟာ ထိပ်တိုက်တွေ့ဆုံခဲ့ကြရာမှာ အရှုံးကိုလက်မခံလိုတဲ့ ရီးရဲလ် ပရိသတ်တွေကြောင့် နှစ်ဖက်ပရိသတ်ကြားမှာအချင်းများခဲ့ကြပါတယ်။ အဆိုပါ အရှုံးကြောင့် ဒေါသထွက်နေတဲ့ ရီးရဲလ်ပရိတ်သတ် တွေဟာ စုဝေးပြီး နည်းပြဟောင်း မော်ရင်ဟို ကို ခေါ်ယူပေးဖို့ သံပြိုင်အော်ဟစ်ခဲ့ကြပါတယ်။

ရီးရဲလ် မက်ထရစ်အသင်းဟာ အရင်နှစ်က နည်းပြအပြောင်းအလဲ ၊ အားထားရတဲ့ တိုက်စစ်မှူး ရော်နယ်ဒိုကို ဆုံးရှုံးခဲ့ပြီးနောက် ဒီနှစ်ရာသီမှာ ရလဒ်ဆိုးတွေနဲ့ ကြုံတွေနေရတာဖြစ်ပါတယ်။ဒီရာသီမှာအတွင်းမှာ လည်း ဘာစီလိုနာ အသင်းနဲ့ ၄ ကြိမ်တွေ့ ဆုံမှုမှာ ၃ ကြိမ်အထိရှုံးနိမ့်ထားပြီး ၁ ကြိမ်သာ သရေကြထားနိုင်ခဲ့တာဖြစ်ပါတယ်။