ပန်းတနော်က စိတ်ဝေဒနာရှင်မလေးဆီ နောက်တစ်ခါသွားတွေ့ဦးမယ်ဆိုတဲ့ ဇေရဲထက်

25 Feb 2019 1,687 Views

မြန်မာ့ရုပ်ရှင်လောကထဲမှာ အောင်မြင်မှုတွေကိုရရှိပိုင်ဆိုင်ထားပြီးဖြစ်တဲ့ သရုပ်ဆောင်ဇေရဲထက်ကတော့ ကျရာဇတ်ရုပ်ကိုပီပြင်အောင် အကောင်းဆုံးပုံဖော်ကြိုးစားရင်း ပရိသတ်တွေရဲ့အချစ်တွေကို လက်ခံရရှိထားသူဖြစ်ပါတယ်။ ဇေရဲထက်ဟာဆိုရင် ၀ါသနာပါရာ အနုပညာအလုပ်တွေကို အပတ်တကုတ် အကောင်းဆုံးကြိုးစားလုပ်ကိုင်နေသူဖြစ်ပြီး အလှူအတန်းတွေကိုလည်းအမြဲမပြတ်လုပ်ဆောင်နေတဲ့ စိတ်စေတနာကောင်းမွန်သူတစ်ယောက်ဖြစ်ပါတယ်။

စိတ်ထားပြည့်ဝတဲ့ အနုပညာရှင်တစ်ယောက်ဖြစ်တဲ့ ဇေရဲထက်ဟာဆိုရင် သူ့ကိုအမာခံအားပေးနေတဲ့ ပန်းတနော်က စိတ်ဝေဒနာရှင်မလေးစိုးစန္ဒာထွန်းဆီကို လက်ဆောင်တွေအပြည့်သယ်ကာ လမ်းခရီးကြမ်းတွေကိုဖြတ်ပြီး သွားရောက်တွေ့ဆုံအားပေးခဲ့ပါသေးတယ်။ သူ့ကိုအရမ်းတွေ့ချင်တာကြောင့် တမျှော်မျှော်ဖြစ်နေရှာတဲ့ အမာခံပရိသတ်မလေးရဲ့ စိတ်ဆန္ဒကိုဖြည့်ဆည်းပေးခဲ့တဲ့အတွက်ကြောင့် ဇေရဲထက်ရဲ့စိတ်ထားလေးကို ပရိသတ်များက ချီးကျူးထောပနာပြုခဲ့ကြပါတယ်။

ဖေဖော်ဝါရီ လဆန်းပိုင်းကတင် သွားရောက်တွေ့ဆုံခဲ့တဲ့ ညီမလေးစိုးဆီကို နောက်တစ်ခေါက်သွားရောက်တွေ့ဆုံဦးမယ်လို့ ဇေရဲထက်ကဆိုလာပါတယ်။ လက်ရှိမှာအနုပညာအလုပ်တွေနဲ့ မအားလပ်သေးပေမယ့် အချိန်ရတဲ့ရက်မှာတော့ နောက်ထပ်သွားတွေ့ဦးမယ်ဆိုတဲ့အကြောင်းကို “ညီမလေး အစ်ကိုအားတာနဲ့ လာတွေ့ပါဦးမယ်” ဆိုပြီးတော့ သူ့ရဲ့ဖေ့စ်ဘွတ်မှာ ရေးသားထားတာပဲဖြစ်ပါတယ်။

ဇေရဲထက်ရဲ့ အမာခံပရိသတ်မလေး စိုးစန္ဒာထွန်းဟာဆိုရင် စိတ်ဝေဒနာကိုခံစားနေရသူလေးဖြစ်ပြီး မီးလောင်ခံထားရတဲ့ လည်ပင်းကဒဏ်ရာကြောင့်ပင် နေထိုင်ရတာအခက်အခဲဖြစ်နေသူပါ။ လက်ရှိအချိန်မှာ သူမရဲ့ဒဏ်ရာကို ခွဲစိတ်ကုသမှုခံယူဖို့လုပ်နေပေမယ့်လည်း အခက်အခဲရှိနေတယ်လို့သိရပါတယ်။

သူမကို ခွဲစိတ်ရမယ့် ဧရိယာကကျယ်တာကြောင့် ခွဲစိတ်မှုပြုလုပ်ဖို့အတွက်တော့ အချိန် ၆ နာရီလောက်ကြာမြင့်မှာဖြစ်ပြီး သူမရဲ့စိတ်ဝေဒနာကြောင့် အချိန်ကြာကြာမေ့ဆေးအသုံးပြုဖို့က အခက်အခဲဖြစ်နေတယ်ဆိုတဲ့ အကြောင်းကို Makeup Shwesin ဆိုတဲ့ ဖေ့စ်ဘွတ်အကောင့်ကနေတစ်ဆင့် ဧရာဝတီတိုင်း လူမှုကယ်ဆယ်ရေးအဖွဲ့က ဒုဥက္ကဌ ကိုဇော်ဇော်ကပြောပြခဲ့တာပါ။ သူမရဲ့ခွဲစိတ်မှုကို ခေတ္တရပ်နားထားပြီး စိတ်ဝေဒနာကိုအရင်ဆုံး ကုသမှုတွေပြုလုပ်ပြီးမှ လည်ပင်းဒဏ်ရာခွဲစိတ်မှုကို ပြုလုပ်သွားမယ်လို့လဲ ဆိုပါတယ်။

စိတ်ဝေဒနာရှင်မလေးကလည်း ဇေရဲထက်သူမကိုလာမတွေ့ဘူးလားဆိုပြီး စိတ်မကောင်းစွာမေးမြန်းနေတာကြောင့် ဇေရဲထက်က သူမကိုအားပေးစကားတွေပြောကာ စိတ်ခွန်အားတွေပေးနိုင်ဖို့ နောက်ထပ်သွားတွေ့ဆုံမှာဖြစ်ပါတယ်။ ဇေရဲထက်ရဲ့ ပရိသတ်တွေအပေါ်ထားတဲ့ စိတ်ထားကတော့ ချီးကျူးစရာပါပဲနော် ပရိသတ်ကြီးရေ...