Line Walker 2 ရိုက်ဖို့မြို့လည်ခေါင်လမ်းပိတ်ပေးရခြင်း အကြောင်းအရင်းကို ပြောပြလိုက်တဲ့ ဒေါ်ဆွေဇင်ထိုက်

22 Feb 2019 1,354 Views

လတ်တလော ရန်ကုန်မြို့လည်ခေါင်မှာ ကမ္ဘာကျော်ရုပ်ရှင် ဇာတ်ကားကြီး Line Walker 2 လာရောက်ရိုက်ကူးနေလျက်ရှိပါတယ်။ ဒီရုပ်ရှင်ကားကြီးဟာ ၂၀၁၄ ခုနှစ်မှာ ဒေါ်လာသန်းချီပြီးအောင်မြင်ခဲ့တာပဲဖြစ်ပါတယ်။

Line Walker ဇာတ်ကားကြီးမြန်မာနိုင်ငံမှာ ရိုက်ကူးရေးဖြစ်မြောက်လာရေးအတွက် Shaw Brothers မှ လွန်ခဲ့တဲ့ (၂) နှစ်ကတည်းက အခြေစိုက်ရုံးခွဲလာဖွင့်ကာစောင့်ကြည့်နေခဲ့တာဖြစ်ပါတယ်။ Line Walker 2 ရဲ့ မြန်မာနိုင်ငံ ကိုယ်စားပြု ရုပ်ရှင်ထုတ်လုပ်ရေး မန်နေဂျာအနေနဲ့ အကယ်ဒမီဒေါ်ဆွေဇင်ထိုက်(ခေါ်) အန်တီဂရေ့စ် က တစ်ထောင့်တစ်နေရာအနေနဲ့ပါဝင်ခဲ့တာ ဖြစ်ပါတယ်။

ရုပ်ရှင်ရိုက်ကူးရေးနဲ့ ပတ်သတ်ပြီး ရန်ကုန်မြို့လယ်ခေါင် လမ်းတွေပိတ်ပေးရတဲ့ အကြောင်းအရင်းကို အင်တာဗျူးတစ်ခုမှာ မေးမြန်းခံရတဲ့အခါ အန်တီဂရေ့စ်က ဤသို့ဖြေကြားခဲ့ပါတယ်။ “ဒီကိစ္စနဲ့ ပတ်သတ်ပြီးဂရေ့စ်ကိုလာမမေးပါနဲ့၊ အရမ်းစိတ်ဆိုးတာပဲ၊ဒါကရှက်ဖို့ကောင်းတယ် အတွေးတိမ်ရာကျတယ်၊ အပြည်ပြည်ဆိုင်ရာမှာပြမှာမို့ အပြည်ပြည်ဆိုင်ရာပုံစံနဲ့ရိုက်မှာပေါ့၊ ကျွန်မတို့ဆီကလို လျှောက်ပြုနေလို့ရှိရင် တရားဝင်ရိုက်ရင်ကြာတယ်ကွာဆိုပြီးခိုးရိုက်နေကြတာလေ၊ ဒါကြောင့်မို့ဒီလိုဖြစ်နေတာပေါ့၊ ဂရေ့စ်ကိုဒီ question မမေးနဲ့သိပ်စိတ်ဆိုးတာပဲ” လို့ပြောခဲ့ပါတယ်။

Line Walker 2 ဇာတ်ကားမှာ မြန်မာနိုင်ငံမှ Swag အဖွဲ့ဝင်များအဖြစ် မော်ဒယ်သရုပ်ဆောင် လင်းအောင်ခေတ်၊ Hugo နဲ့ သရုပ်ဆောင် အောင်မြင့်မြတ်တို့က ပါဝင်သရုပ်ဆောင်မှာဖြစ်ပါတယ်။ သရုပ်ဆောင် မင်းရာဇာကတော့ မမျှော်လင့်ပဲ ရိုက်ကွင်းသွားကြည့်ရာက Hit Man နေရာမှာပါဝင်သရုပ်ဆောင်ဖို့ရွေးချယ်လိုက်ရတာပဲဖြစ်ပါတယ်။

အန်တီဂရေ့စ်အနေနဲ့ Line Walker 2 မှာပါဝင်ဖို့ ရွေးချယ်ခံရတဲ့ ကလေးတွေဟာ သူမရဲ့ မျှော်လင့်ချက်ပါပဲ အကောင်းဆုံးလုပ်ဆောင်နိုင်ပါစေ၊ သူတို့လဲ အကောင်းဆုံး ကြိုးစားပြင်ဆင်ထားပါတယ် လို့ပြောကြားထားပါတယ်။