ဓာတ်ပုံပေါင်း ၁၀၀၀ နီးပါးနဲ့ဖန်တီးထားတဲ့ ရုပ်ပုံကို မွေးနေ့လက်ဆောင်အဖြစ်ရရှိခဲ့တဲ့ အိချောပို

21 Feb 2019 1,935 Views

ပရိသတ်တွေချစ်ခင်အားပေးရတဲ့ မင်းသမီးချောလေးအိချောပိုကတော့ သူမရဲ့ သဘာဝကျကျ ပီပြင်ပိုင်နိုင်တဲ့သရုပ်ဆောင်ချက်တွေကြောင့် အနုပညာလောကထဲမှာ နေရာတစ်နေရာရရှိကာ အောင်မြင်မှုတွေကို သိမ်းပိုက်ထားနိုင်တာပဲဖြစ်ပါတယ်။ ကျရာဇာတ်ရုပ်ကို ပီပြင်အောင်သရုပ်ဆောင်နိုင်တာကြောင့် အိချောပိုကို မြို့ရော၊ နယ်ပါမကျန် ပရိသတ်တွေက အခိုင်အမာအားပေးနေတာပါ။

အမျိုးသမီးတိုင်းကအားကျရတဲ့ ခါးသေးရင်ချီ ကောက်ကြောင်းလှလှကိုပိုင်ဆိုင်ထားပြီး မြင်သူတကာငေးရမယ့် လှပကျော့ရှင်းတဲ့အလှပိုင်ရှင်တစ်ယောက်ပဲဖြစ်ပါတယ်။ ရိုးရိုးလေးနဲ့လဲ အလှဆုံးလှနေတတ်သလို ဖက်ရှင်ဆန်းဆန်းလေးနဲ့လည်း လန်းတတ်သူလေးဖြစ်တဲ့ အိချောပိုက ပရိသတ်တွေရဲ့အချစ်တွေနဲ့ မဝေးကွာအောင် သူမရဲ့လှုပ်ရှားမှုပုံရိပ်လေးတွေကို လူမှုကွန်ယက်ကနေ မျှဝေပေးလေ့လည်းရှိပါတယ်။

အိချောပိုကတော့ သူမကိုချစ်တဲ့ ပရိသတ်ဆီကနေ အမှတ်တရအဖြစ်ဆုံးလက်ဆောင်လေးကို မွေးနေ့လက်ဆောင်အဖြစ်ရရှိခဲ့ပါတယ်။ သူမရဲ့ ဇန်န၀ါရီလ (၃) ရက်နေ့ကကျရောက်ခဲ့တဲ့ အသက် (၂၈) နှစ်ပြည့်မွေးနေ့လေးအတွက် ပုံပေါင်း ၁၀၀၀ နီးပါးလောက်ရှိတဲ့ သူမရဲ့ဓာတ်ပုံလေးတွေကို အသုံးပြုပြီး အလှဆုံးပုံတစ်ပုံဖြစ်အောင် ဖန်တီးထားတဲ့ ရုပ်ပုံကိုလက်ဆောင်ရရှိခဲ့တာပါ။ ထိုဆန်းပြားတဲ့ အမှတ်တရလက်ဆောင်လေးကို ရရှိခဲ့တဲ့အတွက် အရမ်းကိုပျော်ရွှင်နေသလို လက်ဆောင်ပေးသူကိုလည်း တရိုတသေကျေးဇူးတင်စကားလေးဆိုထားပါတယ်။

အိချောပိုကတော့ “ပုံတွေအများကြီးစုပြီး လုပ်ပေးထားတဲ့ မွေးနေ့လက်ဆောင်လေးပေးတဲ့အတွက် အရမ်းကျေးဇူးတင်ပါတယ်၊ အရမ်းလဲကြိုက်ပါတယ်ရှင့်” ဆိုပြီး ရေးသားထားတာပဲဖြစ်ပါတယ်။ ပုံပေါင်း ၁၀၀၀ နီးပါးကို ဆန်းပြားတဲ့ဖန်တီးမှုနဲ့ ပေါင်းစပ်ပြုလုပ်ထားတဲ့ အိချောပိုရဲ့ ရုပ်ပုံလေးကိုဖော်ပြပေးလိုက်ပါတယ်။