Line Walker 2 ရုပ်ရှပ်ကို ရိုက်ကွင်းထိ သွားရောက်လေ့လာခဲ့တဲ့ ကွီးနေထူးနိုင်

20 Feb 2019 2,217 Views

မြန်မာ့အနုပညာလောကထဲမှာ ကွီးနေထူးနိုင်ဆိုရင် ကလေးအစ လူကြီးအဆုံးမသိသူမရှိသလောက် နာမည်ကြီးအနုပညာရှင်ဖြစ်ပါတယ်။ ကွီးနေထူးနိုင်ဟာဆိုရင် အက်ရှင်ဇာတ်ကြမ်းရုပ်ရှင်တွေနဲ့ နိုင်ငံရေးနဲ့ပတ်သက်တဲ့ တော်လှန်ရေးကားတွေကိုမှ ပီပီပြင်ပြင်ရိုက်ကူးပုံဖော်ပြတဲ့ အက်ရှင်မင်းသားကြီးဖြစ်ပြီး အနုပညာလောကထဲမှာ နှစ်ပေါင်းများစွာတိုင်အောင် ရပ်တည်နေသူဖြစ်ပြီး အခိုင်အမာအားပေးကြတဲ့ ပရိသတ်ထုကြီးကိုလည်း ပိုင်ဆိုင်ထားသူပါ။ နယ်ပရိသတ်တွေသာမက ရန်ကုန်ပရိသတ်တွေကပါ ကွီးနေထူးနိုင်ကို မြန်မာပြည်ရဲ့အတော်ဆုံး အက်ရှင်မင်းသားကြီးတစ်ယောက်အဖြစ် အသိအမှတ်ပြုကာ ၀က်ဝက်ကွဲအောင်အားပေးနေကြတာပါ။

ကွီးနေထူးနိုင်ကတော့ လတ်တလောမြန်မာနိုင်ငံမှာလာရောက်ရိုက်ကူးနေတဲ့ ဟောင်ကောင်ရုပ်ရှင်ဇတ်ကားဖြစ် Line Walker 2 ရဲ့ ရုပ်ရှင်ရိုက်ကွင်းကို သွားရောက်လေ့လာခဲ့ပါတယ်။ ကွီးနေထူးနိုင်ဟာ အက်ရှင်မင်းသားပီပီ အက်ရှင်ရုပ်ရှင်ကားဖြစ်တဲ့ Line Walker ရုပ်ရှင်ကား မြန်မာပြည်မှာလာရောက်ရိုက်ကူးမှုကို အားပေးကြိုဆိုသူတစ်ယောက်ဖြစ်ပြီး အသိအမှတ်ပြုတဲ့အနေနဲ့ရော နိုင်ငံခြားအက်ရှင်ရုပ်ရှင်ကားရဲ့ ရိုက်ကူးတင်ဆက်ပုံတွေကို အတူယူလေ့လာချင်တာကြောင့်ရော သွားရောက်ကြည့်ရှုခဲ့တာဖြစ်ပါတယ်။

ကွီးနေထူးနိုင်တစ်ယောက် Line Walker 2 ရုပ်ရှင်ရဲ့ ရိုက်ကွင်းအနှံ့ကို အသေးစိတ်လေ့လာကြည့်ရှုခဲ့တာကြောင့် ပရိသတ်တွေကတော့ အက်ရှင်မင်းသားကြီး ကွီးနေထူးနိုင်တစ်ယောက် ဘာတွေကို ဘယ်လိုလေ့လာခဲ့ပြီး ပိုမိုကောင်းမွန်တဲ့ အက်ရှင်ဇာတ်ကြမ်းကားတွေ သိုင်းကားတွေကို ဘယ်လိုမျိုးရိုက်ကူးထုတ်လုပ်သွားမလဲဆိုတာ ရင်ခုန်စိတ်လှုပ်ရှားရင်း ထင်ကြေးပေးပြောဆိုနေကြတာလဲ တွေ့ရပါတယ်။