မြန်မာလူမျိုးတွေ သိက္ခာမကျစေဖို့ ဟောင်ကောင်ရုပ်ရှင်ရိုက်ကွင်းမှာ အမှိုက်လိုက်ကောက်ခဲ့တဲ့ ကိုစိုးခိုင်

18 Feb 2019 1,419 Views

နိုင်ငံတကာမှာ ရုံတင်ပြသဖို့ရည်ရွယ်ထားတဲ့ ရုပ်ရှင်ဇာတ်ကားကြီး Line Walker 2 ကိုလတ်တလော မြန်မာနိုင်ငံမှာ တည်နေရာအဓိကထားပြီးလာရောက်ရိုက်ကူးနေတာပဲဖြစ်ပါတယ်။ အဆိုပါရုပ်ရှင်ဇာတ်ကားကြီးကို ရန်ကုန်မြို့တွင်း အထင်ကရလမ်းများမှာ ရိုက်ကူးမယ်လို့သိရပါတယ်။ ရိုက်ကူးရေးကို ယမန်နေ့ကစတင်ခဲ့ပြီး ရိုက်ကွင်းမှာ လူတစ်ယောက်အမှိုက်လိုက်ကောက်နေခဲ့တဲ့ပုံက လူမှုကွန်ယက်မှာ ပျံ့နှံ့ လာပါတယ်။ “ရိုက်ကွင်းတစ်ဝိုက်က အမှိုက်တွေကောက်တဲ့အပြင် ဘေးကကြည့်နေသူတွေပစ်တဲ့ စီးကရက်တိုက အစ လိုက်ကောက်ပေးသွားတယ်၊ နမူနာယူထားကြပါ ”ဆိုပြီး Soe Myat Thu အမည်ရှိတဲ့ အကောင့်ပိုင်ရှင်က အမှိုက်ကောက်နေတဲ့အမျိုးသားတစ်ယောက်ပုံကို ဝေမျှခဲ့တာပဲဖြစ်ပါတယ်။

Facebook သုံးစွဲသူမြန်မာလူမျိုးတွေက အမှိုက်ကောက်ပေးတဲ့ထိုသူကို ဟောင်ကောင်ရုပ်ရှင်အဖွဲ့သားလို့ထင်မှတ်နေပေမယ့် တကယ်တမ်းမှာ အဆိုပါအမျိုးသားဟာ မြန်မာရိုက်ကူးရေးအဖွဲ့သားတစ်ဦးဖြစ်တယ်လို့ နီးစပ်ရာအသိုင်းအဝိုင်းက အတည်ပြုခဲ့ကြပါတယ်။

အမှိုက်လိုက်ကောက်ပေးတဲ့ အမျိုးသားနာမည်ကတော့ ကိုစိုးခိုင်ပါတဲ့။ တာဝန်သိပြည်သူတစ်ယောက်အနေနဲ့ ဒီလိုအမှိုက်တွေလိုက်လံရှင်းလင်းပေးတဲ့ ကိုစိုးခိုင်ရဲ့လုပ်ရပ်ဟာချီးကျူးစရာပါပဲ။