ဧည့်သည်များ ဇာတ်လမ်းတွဲမှဖာသာက ဂေးရုပ်ရှင်ဇာတ်ကားမှာ အဓိကမင်းသားအဖြစ်သရုပ်ဆောင်ဖူးခဲ့
05 Feb 2019 2,123 Views
လက်တလော MRTV-4 ရုပ်သံလိုင်းမှာ ထုတ်လွှင့်ပြသနေတဲ့ The Guests (ဧည့်သည်များ) ကိုးရီးယားရုပ်သံဇာတ်လမ်းတွဲဟာဆိုရင် သရဲ၊ စုန်း အစရှိတဲ့ ကြောက်မက်ဖွယ်ရာ ဇာတ်ဝင်ခန်းတွေကြောင့် မြန်မာပရိတ်သတ်တွေကြားမှာ ဟိုးလေးတကျော်ကျော်ဖြစ်လို့နေပါတယ်။
ဒီဇာတ်လမ်းတွဲဟာ သည်းထိတ်ရင်ဖို ဇာတ်လမ်းမျိုးဖြစ်ပြီးတစ်ပိုင်းပြီးတစ်ပိုင်း ဘာဖြစ်မလဲဆိုတာမျိုးကို ကြိုတင်ခန့်မှန်းလို့မရနိုင်တာကြောင့် လူတကာစိတ်ဝင်စားတဲ့ ဇာတ်ကား တစ်ခုဆိုလဲမမှားပါဘူး။
ဧည့်သည်များဇာတ်လမ်းတွဲမှာ မိန်းကလေးပရိတ်သတ်တွေအများဆုံးသတိထားမိပြီး လတ်တလော လူကြိုက်များနေတာကတော့ ဖာသာနေရာမှာသရုပ်ဆောင်တဲ့ မင်းသား Kim Jae Wook ပါပဲ။ Kim Jae Wook ဟာ ရင့်ကျက်တည်ကြည်တဲ့အမူအရာနဲ့ ဖာသာဇာတ်ရုပ်ကိုပီပြင်စွာသရုပ်ဆောင်ထားတာကြောင့် လောလောဆယ် ပျိုမေလေးတွေရဲ့ အသဲစွဲဖြစ်နေတော့တာပါပဲ။
Kim ဟာ ၂၀၀၇ ခုနှစ် ကော်ဖီချစ်သူ (Coffee Prince) ဇာတ်လမ်းတွဲနဲ့ အနုပညာလောကထဲကို စတင်ဝင်ရောက်ခဲ့တာဖြစ်ပါတယ်။ အဆိုပါဇာတ်လမ်းတွဲထဲမှာ ယခုထုတ်လွှင့်နေတဲ့ ‘ဧည့်သည်များ’ ထဲမှ Taxi သမားနေရာမှာပါဝင်သရုပ်ဆောင်ထားတဲ့ မင်းသား Kim Dong Wook နဲ့အတူ တွဲဖက်သရုပ်ဆောင်ခဲ့ပါတယ်။ သူတို့နှစ်ယောက်ဟာ Coffee Prince ဇာတ်လမ်းတွဲရိုက်ကတည်းက ရင်းနှီးတဲ့သူငယ်ချင်းတွေဖြစ်ခဲ့ပြီး (၁၁) နှစ်ကြာမှ ဇာတ်လမ်းတွဲမှာ အတူတူပြန်လည်သရုပ်ဆောင်ရတာဖြစ်ပါတယ်။
ဖာသာ တစ်ယောက် ၂၀၁၄ ခုနှစ်မှာ လိင်တူချင်းကြိုက်နှစ်သက်တဲ့ ရုပ်ရှင်ဇာတ်ကား တစ်ကားမှာ ဂေးတစ်ယောက်အဖြစ်ပါဝင်သရုပ်ဆောင်ဖူးပါတယ်။ ဇာတ်ကားနာမည်ကတော့ ‘Antique’ ဖြစ်ပြီး (၅၉) ကြိမ်မြောက်ပြုလုပ်တဲ့ Berlin International Film Festival မှာပြသဖို့ တောင်းခံခြင်းခံခဲ့ရတဲ့ ဇာတ်ကားဖြစ်ပါတယ်။
ဒီဇာတ်ကားဟာ ဖာသာကိုလူသိများလာစေပြီးပိုမိုအောင်မြင်လာစေတဲ့ ရုပ်ရှင်ကားတစ်ကားပါပဲ။ ဖာသာနဲ့အတူ Joo Ji Hoon ၊ Yoo Ah In ၊ Choi Ji Ho အစရှိတဲ့ လက်ရှိနာမည်ရမင်းသားတွေပါဝင်သရုပ်ဆောင်ထားပါတယ်။
ပရိတ်သတ်ကြီးလဲ ဖာသာကိုယ်တိုင်ပါဝင်သရုပ်ဆောင်ထားတဲ့ ဂေးဇာတ်ရုပ်ကရော ဘယ်လိုဖြစ်မလဲဆိုတာ သိချင်နေလိမ့်မယ်ထင်ပါတယ်။ အောက်မှာဖော်ပြထားတဲ့ ဗွီဒီယို ဖိုင်လေးကိုကြည့်ပြီး ဂေးဇာတ်ရုပ်အဖြစ် တစ်မူထူးခြားတဲ့ဖာသာရဲ့ သရုပ်ဆောင်ပုံတွေကို ကြည့်ရှုပြီးဘယ်လိုသဘောရသလဲဆိုတာ ပြန်လည်ဝေမျှပေးကြပါဦး။
