သင့်မှာ မပြေလည်တာတွေ အခက်အခဲတွေချည်းပဲကြုံနေရလို့ စိတ်ဓါတ်ကျပြီး ကိုယ့်ဘဝကို စိတ်ပျက်နေတယ်ဆိုရင် ဒီဖြစ်ရပ်မှန် အကြောင်းလေး ဖတ်ကြည့်လိုက်ပါ။ စိတ်ဓါတ်ခွန်အားတွေ ပြန်ရပြီး ဒုက္ခကိုအလဲထိုးနိုင်တဲ့ ခွန်အားတွေ ရလာနိုင်ပါလိမ့်မယ်။

 

 

အိန္ဒိယနိုင်ငံက “Anmol Coleous” ဆိုသူ မိန်းကလေးဟာ အသက် ၂ လအရွယ်မှာ ဖခင်ရဲ့ အက်ဆစ်နဲ့ လောင်းပြီး သတ်တာကို ခံခဲ့ရပါတယ်။ ဖခင်ဖြစ်သူဟာ မွေးလာတဲ့ကလေးက ယောက်ျားလေးမဟုတ်ပဲ မိန်းကလေးဖြစ်နေတာကြောင့် ဒေါသထွက်ပြီး မိန်းမနဲ့ သမီးကို အက်ဆစ်နဲ့ လောင်းပြီး သတ်ပါတယ်။ ဆူညံသံတွေကြောင့် အိမ်နီးနားချင်းတွေသိသွားပြီး သားအမိနှစ်ဦးစလုံးကို ဆေးရုံပို့ခဲ့ပေမယ့် မိခင်ဖြစ်သူ သေဆုံးသွားခဲ့ပါတယ်။

 

ဖခင်ဖြစ်သူလည်း ဖမ်းဆီးခံရပြီး လူမမယ်အရွယ် ၂ လသမီးလေး “Anmol” ကတော့ ရုပ်ပျက်ဆင်းပျက် ဒဏ်ရာများစွာနဲ့ ဆေးရုံပေါ်မှာ မိဘမဲ့ကလေးတစ်ယောက် ဖြစ်ခဲ့ရပါတယ်။ သူမကို ဆေးရုံက ဆရာဝန်တွေ ဆရာမတွေကပဲ ဆေးကုသစရိတ်မျှခံကြပြီး သူမအသက် ၅ နှစ်အရွယ်ထိ ဆေးရုံပေါ်မှာပဲ စောင့်ရှောက်ကုသ မွေးမြူခဲ့ပါတယ်။ 

 

 

 

ဘွဲ့ရပြီးတဲ့အချိန်မှာ မိဘမဲ့ဂေဟာကနေ ထွက်လာပြီး တစ်ယောက်ထဲနေထိုင် ရပ်တည်နေပါတယ်။ လက်ရှိမှာတော့ ရှိုးပွဲတွေအတွက် ဘယ်လိုအဝတ်အစား ဝတ်ဆင်ရမလဲဆိုတဲ့ အကြံပေးအလုပ်လုပ်နေပြီး တစ်လလျှင် ရူပီးတစ်သောင်းကျော် (ကျပ် ၂ သိန်းခွဲဝန်းကျင်) ဝင်ငွေရှိပါတယ်။

 

 

သူမဟာ အက်ဆစ်နဲ့ တိုက်ခိုက်ခံရသူတွေရဲ့ စိတ်ပိုင်းဆိုင်ရာ ပြန်လည်အားတက်လာဖို့ ဦးဆောင်လမ်းပြသူအဖြစ်လည်း ထင်ရှားလာခဲ့ပါတယ်။ သူမရဲ့ ဝင်ငွေထဲကနေ အချို့ကိုစုဆောင်းပြီး ဘဝတူမိန်းကလေးတွေကို ကူညီနိုင်ဖို့ “Sahas Survivor Shas” ဆိုတဲ့ NGO ဖောင်ဒေးရှင်းတစ်ခုကိုလည်း တည်ထောင်ထားပါတယ်။ ဖောင်ဒေးရှင်းကနေ အက်ဆစ်နဲ့ တိုက်ခိုက်ခံရသူ အယောက် ၂၀ လောက်ကို အလုပ်အကိုင်ရအောင် ကူညီပေးခဲ့ပြီးဖြစ်သလို သူတို့တွေရဲ့ မင်္ဂလာဆောင်တွေကိုလည်း အခမ်းနားဆုံးဖြစ်အောင် ကူညီထောက်ပံ့ပေးနိုင်ခဲ့ပါတယ်။

 

“ကျွန်မ ကိုယ့်ဘဝကို ကိုယ်ချစ်တယ်၊ အခုလို ဖြစ်ရတဲ့ ဘဝကံကြမ္မာအပေါ် ကိုယ့်ကိုယ်ကို တစ်ခါမှ အပြစ်မတင်မိဘူး။ ဒီလိုမျိုးခံစားမိတာလည်း ကျွန်မက သူများတွေနဲ့မတူပဲ မျက်လုံးတစ်ဖက်ပဲမြင်ရတာ၊ အက်ဆစ်လောင် ဒဏ်ရာတွေနဲ့ အသားအရေတွေ တွန့်နေတာတွေကြောင့်လည်း ဖြစ်နိုင်ပါတယ်။ 

အခုလိုဘဝမျိုးဖြစ်တာကိုပဲ ကျေးဇူးတင်မိပါတယ် ဒါကြောင့်မို့လည်း ကျွန်မအနေနဲ့ အခြားဘဝတွေကို ရိုးရိုးလေးပဲ ကြည့်မြင်တတ်ခဲ့တာပါ၊ ဒါတင်မကသေးပါဘူး ကိုယ့်ဘဝအတွက်လည်း ကိုယ်အရမ်းပျော်မိပါတယ်။ အရင်ကကြုံတွေ့ခဲ့တဲ့ ဒုက္ခသုက္ခတွေက ကျွန်မကို ရှေ့ဆက်လျှောက်ဖို့ မျှော်လင့်ချက်တွေ ယုံကြည်ချက်တွေ ပေးနိုင်ခဲ့လို့ပါပဲ” လို့  Anmol က သူမရဲ့ လူမှုကွန်ယက်မှာ ရေးသားခဲ့ပါတယ်။

 

သူမဟာ ဘဝအပေါ် အလွန်အကောင်းမြင်တတ်တဲ့ မိန်းမပျိုလေးအဖြစ် လူမှုကွန်ယက်မှာ အသိမှတ်ပြုထားကြပါတယ်။ သူမကို ဆက်သွယ်လာသူတွေကို ပြန်လည်ဆက်သွယ်ပြီး ကူညီစရာရှိရင် ချက်ခြင်းကူညီတတ်သူဖြစ်တာကြောင့် အင်စတာဂရမ် ဖော်လိုဝါ ၂၅,၀၀၀ ကျော်ရှိနေပါတယ်။

 

 

Anmol က နိုင်ငံရေးနယ်ပယ်က အမျိုးသမီးခေါင်းဆောင်တွေနဲ့လည်း ချိပ်ဆက်ပြီး အခြေအနေဆိုးနဲ့ ကြုံနေရတဲ့ မိန်းကလေးတွေကို ကူညီဖို့ ကြိုးစားနေသူလည်းဖြစ်ပါတယ်။ 

အသက် ၂၃ နှစ်အရွယ်ရှိပြီး လူမမယ်ကလေးဘဝထဲက အဖြစ်ဆိုးကြီးနဲ့ ရင်ဆိုင်ခဲ့ရသူ၊ ရုပ်ရည်အဆင်းလည်း ချို့ယွင်းသူ မိန်းကလေးတစ်ယောက်ရဲ့ အဖြစ်တွေထက်စာရင် ကျွန်တော်တို့နေ့စဉ်ကြုံတွေရတဲ့ အဆင်မပြေမှုတွေက စာဖွဲ့လောက်မယ် မထင်ပါဘူး။ ဒါကြောင့်မို့  အခက်အခဲတွေ ကြုံတွေတိုင်း ဒီမိန်းကလေးရဲ့ အဖြစ်ပျက်တွေကို သတိရပြီး အခက်ခဲတွေကို ရင်ဆိုင်ကျော်ဖြတ်နိုင်တဲ့ စွမ်းအင်တွေ ရရှိနိုင်ကြပါစေ..။

 

(ပိုပိုလေး)