ဟောက်တတ်တဲ့ အလေ့အကျင့်ကို ဘယ်လိုအမြစ်ပြတ်အောင် ဖျောက်မလဲ
24 Jan 2019 2,328 Views
သင့်မှာ ညည ကျရင်ဟောက်တတ်တဲ့ သူငယ်ချင်းမျိုးရှိလား ? ကိုယ့်ကိုတိုင်ရော ဟောက်တတ်တဲ့ အကျင့်ရှိလား ၊ ကိုယ်ဘေးနားမှာ ဟောက်တတ်တဲ့ လူရှိရင်ပဲဖြစ်ဖြစ် ၊ ကိုယ်ကပဲ ဟောက်ရင်ဖြစ်ဖြစ် ၊ဒါဟာ ပတ်ဝန်းကျင်အတွက်မကောင်းပါဘူး ။ အိပ်ရေးလည်းပျက်ပါတယ် ။ဒါကြောင့် ဒါတွေ ပျောက်အောင် လုပ်လို့ရတဲ့ နည်းလေး ပြောပြပေးပါမယ်။
၁။ ကိုယ့်ရဲ့ အိပ်နေတဲ့ ပုံစံကို ပြောင်းပြီးအိပ်ပါ။ ။
ပက်လက်လှန် အိပ်ရင် လျှာက လည်ချောင်းနားကို သွားပိတ်နေသလိုဖြစ်ပြီး လေဝင်ပေါက်ကျဉ်းသွားတတ်လို့ ဟောက်တာဖြစ်ပါတယ်။ ဒါကြောင့် စစချင်းအိပ်တဲ့အချိန်မှာတည်းက စောင်းအိပ်ရင် ဟောက်တာ သက်သာပါလိမ့်မယ်။ ဒါမှမဟုတ် အိပ်တည်းက ကိုယ့်ကျောဘက်မှာ ဖက်လုံး ခံအိပ်ရင်လည်း ဘေးကို စောင်းနေတတ်လို့ ဟောက်တာ သက်သာပါလိမ့်မယ်။
၂ ။ ကိုယ်အလေးချိန် လျှော့ချပါ။ ။
ဝတတ်တဲ့သူတွေဟာ ပိန်တဲ့သူတွေထက်စာရင်ပိုဟောက်တတ်ကြပါတယ်။ ကိုယ်အလေးချိန်တက်လာလို့ လည်ပင်းမှာ များလာတဲ့ အဆီတွေကြောင့် လေဝင်ပေါက်ကျဉ်းသွာပြီး ဟောက်တတ်ကြပါတယ်။ ဝတဲ့သူ တွေက ဟောက်တတ်တယ််ဆိုပေမယ့်လည်း ပိန်တဲ့သူတွေက လုံးဝ မဟောက်ဘူးလို့တော့ မဆိုလိုပါဘူး။ ကိုယ်က ပိန်တုန်းက မဟောက်တတ်ဘဲ ဝတော့မှာ ဟောက်တတ်လာတယ်ဆိုရင်တော့ ကိုယ်အလေးချိန် လျှော့ချလိုက်တာနဲ့ ဟောက်တာကို သက်သာစေမှာပါ။
၃ ။ အရက် ဖြတ်ပါ။
အရက်တို့၊ အိပ်ဆေးတို့ဆိုတာ သင့်လည်ပင်းတစ်ဝိုက်နဲ့ အာခေါင်က ကြွက်သားတွေကို ပြေလျော့စေတာကြောင့် သင့်ကို ပိုပြီး ဟောက်စေတတ်ပါတယ်။ အိပ်ရာမဝင်ခင် ၄ နာရီ ၅နာရီ လောက်အလိုတည်းက အရက် သောက်ထားရင် အိပ်တဲ့အချိန်မှာ ဟောက်တာပိုဆိုးတတ်ပါတယ်။ ဒါပေမယ့် နဂိုတည်းက မဟောက်တတ်တဲ့သူတွေကတော့ အရက်သောက်ပြီးလည်း ဟောက်တာမျိုး မဖြစ်တတ်ပါဘူး။
၄ ။ အိပ်ချိန်မှန်ပါစေ။
အိပ်ချိန်လုံလောက်အောင် မအိပ်ဘဲ အလုပ်ပင်ပင်ပန်းပန်းလုပ်ထားတဲ့သူတွေ အိပ်ရင်ကြွက်သားတွေ ပိုပြီး ပျော့ဖတ်နေတတ်တာကြောင့် အသက်ရှူလမ်းကြောင်း ကျဉ်းသွားပိတ်သွားပြီး ပိုဟောက်တတ်ကြပါတယ်။
၅ ။ ခေါင်းအုံး ပြောင်းလိုက်ပါ။
သင့်အိပ်ရာပေါ်မှာ ရှိနေတဲ့ ဓာတ်မတည့်တာကို ဖြစ်စေတဲ့ ပိုးမွှားတွေ၊ ကြောင့်နှာစေးနှာပိတ်ဖြစ်စေပြီး အသက်ရှူလို့ မကောင်းတော့လို့ ဟောက်တတ်ပါတယ်။ ဒါကြောင့် အိပ်ရာကို သန့်သန့်ရှင်းရှငိးထားပါ။ ပျော့တဲ့ ခေါင်းအုံးထက်စာရင် မာတဲ့ခေါင်းအုံးကို သုံးပါ။
