အစ်မဖြစ်သူ ဖန်ဘင်းဘင်းနဲ့ သားအမိတွေပါလို့စွပ်စွဲခံရလို့ တရားစွဲရာ တရားခွင်အနိုင်ရသွားတဲ့ ဖန်ချန်ချန်
07 Jan 2019 1,725 Views
ကမ္ဘာကျော်တရုတ်မင်းသမီး ဖန်ဘင်းဘင်းဟာ မောင်ဖြစ်သူ ဖန်ချန်ချန်နဲ့ အသက်များစွာ ကွာဟတာကြောင့် မောင်နှမ မဟုတ်ပဲ သားအမိတွေပါလို့ စွပ်စွဲခံခဲ့ရတာပါ။
လက်ရှိမှာတော့ ဖန်ချန်ချန် ဟာ အသက် (၁၈) နှစ်ရှိပြီ ဖြစ်ပြီး ဖန်ဘင်းဘင်းကတော့ အသက် (၃၇) နှစ်ရှိပြီဖြစ်ပါတယ်။ သူတို့ မောင်နှမနှစ်ယောက်အသက် ကွာဟလွန်းတာကြောင့် ချန်းချန်ဟာ ဖန်ဘင်းဘင်းရဲ့ လူသိမခံပဲ မွေးထားတဲ့ အမြှောင်သား တစ်ယောက်ဖြစ်ကြောင်း Wang အမည်ရှိတဲ့ အင်တာနက်သုံးသူတစ်ယောက်က စွပ်စွဲပြောဆိုခဲ့တာပါ။
ဒီကိစ္စကို မခံမရပ်နိုင်ဖြစ်တဲ့ ဖန်ချန်ချန်ဟာ အစ်မဖြစ်သူနဲ့ သားအမိတွေမဟုတ်ဘူးဆိုတာ သက်သေပြဖို့ အဆိုပါ Wang အမည်ရှိသူကို တရားစွဲဆိုခဲ့ပါတယ်။ ဆေးစစ်ချက်များ၊ မှတ်ပုံတင်များကို တရားရုံးမှပြန်လည်ဆန်းစစ်ကြည့်တဲ့အခါမှာ ဖန်ဘင်းဘင်းဟာ ဖန် အိမ်တော်ရဲ့ သမီးကြီးအဖြစ်တည်ရှိပြီး၊ ဖန်ချန်ချန်ဟာ အဖေဖြစ်သူ ဖန်ထောင်ရဲ့ သားအရင်းဖြစ်ကြောင်း တွေ့ရှိခဲ့ပါတယ်။
အမှုမှန်ပေါ်ပြီး ဖန်ချန်ချန်ဟာဒီအမှုမှာ သွားပုပ်လေလွှင့်ပြောဆိုသူ Wang ကိုအနိုင်ရရှိခဲ့ပါတယ်။ Wang ကိုပြစ်ဒဏ်အနေနဲ့ Weibo အကောင့်မှ စွပ်စွဲထားတဲ့ ပို့စ်များအားလုံးကိုဖျက်စေပြီး တရုတ်ယွမ် ၅သိန်း လျော်ကြေးပေးဆောင်ရမှာဖြစ်ပါတယ်။ ဒါ့အပြင် မဟုတ်မမှန်သတင်းကို ထုတ်လွှင့်ခဲ့ပြီး အသရေဖျက်ခဲ့တဲ့အတွက် Wang ရဲ့ Weibo အကောင့်မှာ ရက်(၉၀) တိတိ ဖန်ချန်ချန်ကို တောင်းပန်စာရေးရမှာဖြစ်ပါတယ်။
ဖန်ဘင်းဘင်းဟာ မောင်ဖြစ်သူ လူ့လောကကိုစဝင်ကတည်းက စွပ်စွဲခြင်းမျိုးစုံနဲ့ကြုံတွေ့ခဲ့ရတာပါ။ မောင်ဖြစ်သူကို သူမရဲ့ အမြှောင်သားလို့ စွပ်စွဲတာ မခံနိုင်တဲ့အတွက် ငယ်စဉ်ကတည်းက တောင်ကိုးရီးယားကိုပို့ထားပြီး ပညာသင်စေခဲ့ပါတယ်။ ဖန်ချန်ချန် အဆိုတော်လုပ်ချင်လွန်းလို့ Idol Producer ပြိုင်ပွဲဝင်တဲ့အခါမှာလဲ မောင်ကို ချစ်ချင်တာ၊ ပံ့ပိုးပေးချင်တာတောင် ပေါ်ပေါ်ထင်ထင် မလုပ်ရဲခဲ့ပါဘူး။
အခုတော့ ဖန်ချန်ချန်ကစပြီး တရားစွဲလိုက်တဲ့အတွက် အမှုမှန်လဲပေါ်သွားပြီးသူတို့ နှစ်ယောက်က မောင်နှမအရင်းတွေဖြစ်တယ်ဆိုတာ သက်သေပြနိုင်ခဲ့ပြီဖြစ်ပါတယ်။
လက်ရှိမှာတော့ ဖန်ချန်ချန်ဟာ တရုတ်နိုင်ငံ နာမည်ကြီးယောင်္ကျားလေးအဆိုတော်အဖွဲ့ Nine Percent မှာအဖွဲ့ဝင်တစ်ယောက်အဖြစ် အောင်မြင်စွာဆက်လက်ရပ်တည်နေဆဲပဲဖြစ်ပါတယ်။
