ရာရာကို Miss Universe 2018 နဲ့တူတယ်ဆိုပြီး ပရိတ်သတ်များပြောကြား
20 Dec 2018 1,783 Views
ဒီနှစ်ပိုင်း အရမ်းပေါက်သွားတဲ့ထိုင်းရုပ်ရှင်ဇာတ်ကား Brother of The Year မှာ ထက်မြက်ပြီး ခပ်စွာစွာနေတတ်တဲ့ ညီမငယ်အဖြစ်ပါဝင်သရုပ်ဆောင်ခဲ့တဲ့ထိုင်းမင်းသမီးလေး Yaya Urassaya ကိုတော့ မြန်မာပရိတ်သတ်ကြီး ကောင်းကောင်းသိလိမ့်မယ်ထင်ပါတယ်။ လက်တလော ဆိုရှယ်မီဒီယာတွေမှာ ဂယက်ထနေတာကတော့ Yaya ကို Miss Universe 2018 နဲ့ရုပ်တူတယ်လို့ပြောနေကြတာပဲဖြစ်ပါတယ်။
Miss Universe 2018 အလှမယ်ပြိုင်ပွဲကြီးကို ပြီးခဲ့တဲ့ဒီဇင်ဘာလ ၁၆ ရက်နေ့၊ ထိုင်းနိုင်ငံ ဘန်ကောက်မြို့မှာ ကျင်းပပြုလုပ်ခဲ့ပြီး အလှမယ်သရဖူကိုဖိလစ်ပိုင်အလှမယ် Catriona Gray ကဆွတ်ခူးရရှိခဲ့ပါတယ်။
Catriona Gray ကလဲ မယ်စကြာဝဠာသရဖူကြီးကို မကြာသေးမီကမှဆွတ်ခူးရရှိထားတာဆိုတော့ နိုင်ငံတကာကသတင်းမီဒီယာတွေရဲ့ အလေးထားစောင့်ကြည့်မှုကိုခံနေရသူတစ်ဦးပါ။
ထိုင်းနိုင်ငံက ပရိတ်သတ်တွေက Miss Universe 2018 ကိုစမြင်ဖူးကတည်းက တစ်စုံတစ်ယောက်နဲ့တူသလိုလို ခံစားမိရာကနေ Gray ရဲ့ပုံတွေကို Yaya ရဲ့ပုံတွေနဲ့ တိုက်ကြည့်တဲ့အခါမှာတော့ အမွှာတွေအလား ရုပ်တွေကဆင်တူကြောင်းတွေ့ရှိရပါတယ်။
Gray နဲ့ Yaya တို့နှစ်ဦးစလုံးဟာ ဖြောင့်စင်းတဲ့ဆံပင်အရှည်ကြီးကို ပိုင်ဆိုင်ထားပြီး တောက်ပတဲ့ မျက်ဝန်းတစ်စုံကိုကိုယ်စီပိုင်ဆိုင်ထားကြပါတယ်။
အရပ်မြင့်မြင့်နဲ့ စမတ်ကျတဲ့ ခန္ဓာကိုယ်အချိုးအစားကိုလဲကိုယ်စီပိုင်ဆိုင်ထားကြပါတယ်။ ပရိတ်သတ်ကြီးရော Yaya နဲ့ Catriona Gray တို့တကယ်တူရဲ့လားဆိုတာစဉ်းစားဆုံးဖြတ်ပေးလိုက်ကြပါဦး။
