အသက် ၁၀နှစ်ကျော်ကွာတဲ့ မောင်လေးနဲ့ ဒရာမာရိုက်ရမှာဖြစ်လို့ ဝိတ်အများကြီးချခဲ့ရတယ်ဆိုတဲ့ ဆောင်းဟယ်ကျို

17 Dec 2018 2,199 Views

‘ဆောင်းဦးရွက်ကြွေချစ်သက်သေ’ ဆိုပြီးမြန်မာနိုင်ငံကို ပထမဦးဆုံးရောက်ရှိလာတဲ့ ကိုးရီးယားဒရာမာဇာတ်လမ်းတွဲထဲက မင်းသမီး အွန်စောဟာ မြန်မာနိုင်ငံက ကိုးရီးယားပရိတ်သတ်တွေအတွက် အသည်းဦးဆိုလဲမမှားပါဘူး။

မြန်မာပြည်မှာ အွန်စောလို့လူသိများတဲ့ မင်းသမီး ဆောင်းဟယ်ကျိုဟာ သူရိုက်တဲ့ ကားတိုင်းမပေါက်တဲ့ကားဆိုတာမရှိသလောက်ပါပဲ။ မင်းသမီး ကင်မ်ထယ်ဟီး ရဲ့ ခင်ပွန်းသည် Rain နဲ့ ရိုက်ထားတဲ့ Full House (ချစ်စံအိမ်) ဇာတ်လမ်းတွဲဟာဆိုရင် အရမ်းပေါက်ခဲ့တဲ့ ဇာတ်ကားတစ်ကားပါပဲ။

သူမနဲ့ တွဲရိုက်ပြီးတဲ့ မင်းသားတိုင်း နာမည်ကြီးသွားတတ်ပြီး သူမပါတဲ့ဇာတ်ကားတိုင်းက ပေါက်လေ့ရှိတယ်ဆိုတာ ငြင်းမရတဲ့အချက်တစ်ချက်ပါပဲ။ ဒါကလဲ တော့ပ်စတားတစ်ယောက်ရဲ့ အရည်အချင်းလို့ပဲဆိုရမှာပေါ့နော်။

၂၀၁၆ ခုနှစ်မှာ KBS ရုပ်သံလိုင်းက ရိုက်ကူးထုတ်လွှင့်ခဲ့တဲ့ Descendants of the sun ဇာတ်လမ်းတွဲရဲ့ အောင်မြင်မှုဟာ ၂၀၁၆ တစ်နှစ်လုံးမှာ အကြီးမားဆုံး ဂယက်ထမှုကြီးပါပဲ။ သူမကလဲ DOTS ခေါင်းဆောင်မင်းသား ဆောင်ဂျွန်ကီနဲ့ ချစ်ကြိုးသွယ်ခဲ့ပြီး ၂၀၁၇ မှာ လက်ထပ်ခဲ့ကြပါတယ်။ ဆောင်ဂျွန်ကီနဲ့ ဆောင်းဟယ်ကျို စုံတွဲဆိုရင် လူတိုင်းအားကျရတဲ့ မနဲ့ မောင်စုံတွဲလေးပါ။ သူမက သူ့ထက် ၄ နှစ်တိတိကြီးပါတယ်။

မင်းသား ဆောင်ဂျွန်ကီဟာ DOTS ဇာတ်ကားမရိုက်ခင်ကတည်းက သူမကိုတစ်ဖက်သတ် ခွက်ရ်ှနေခဲ့တာလို့ပြောဖူးပါတယ်။ သူမကသူ့အတွက် လေးစားအားကျရတဲ့စီနီယာတစ်ယောက်ဖြစ်သလို သူမအသက်အရွယ်နဲ့ ယှဉ်ရင် နုပျိုပြီး လှပလွန်းတယ်လို့ သူပြောခဲ့တာပါ။

ဆောင်ဂျွန်ကီ အနေနဲ့ ဆောင်းဟယ်ကျိုကိုအရမ်းချစ်ပြီး ဂရုစိုက်တယ်ဆိုတာ ပြောပြစရာတောင်လိုမယ်မထင်ပါဘူး။ ဒါဆို ဆောင်းဟယ်ကျိုကို အသက် ၁၂ နှစ်ကွာတဲ့မောင်လေးနဲ့ ဇာတ်လမ်းတွဲအသစ်ရိုက်ဖို့ကို သူကခွင့်ပြုပေးခဲ့တာဖြစ်မှာပေါ့နော်။

ဒါကလဲ တခြားသူမဟုတ်ပါဘူး။ သူရဲ့ ညီအရင်းတစ်ယောက်လို ချစ်ခင်ရတဲ့ မင်းသား ပတ်ဘိုဂွမ် မို့လို့ပါ။ သူတို့နှစ်ယောက်က အနုပညာလောကမှာ ညီအစ်ကိုအရင်းပမာ ခင်မင်ရင်းနှီးသူတွေဖြစ်ကြပါတယ်။

ဆောင်ဟယ်ကျို အနေနဲ့ ပတ်ဘိုဂွမ်နဲ့ ဇာတ်လမ်းတွဲရိုက်ဖို့ ဆောင်ဂျွန်ကီရဲ့ အကြံဥာဏ်တွေအများကြီး ရယူခဲ့တယ်လို့ဆိုပါတယ်။ ပတ်ဘိုဂွမ်ကလဲ ထိုနည်းလည်းကောင်းပါပဲ။

ပတ်ဘိုဂွမ်က အသက် ၂၅ နှစ်ဖြစ်ပြီး ဆောင်ဟယ်ကျိုကတော့အသက် ၃၇ နှစ်ရှိပြီဖြစ်ပါတယ်။ ပြောရမယ်ဆိုရင် အသက် ၁၂ နှစ်တိတိကွာတယ်ပေါ့နော်။ ဒါပေမဲ့ သူမရဲ့ လှပမှု၊ ပျိုမျစ်နုနယ်မှုတို့ကြောင့် အသက်အများကြီး ကွာတယ်လို့တောင်မထင်ရပါဘူး။

ဒီအတွက်လဲ သူမကကြိုတင်ပြင်ဆင်မှုတွေအများကြီးလုပ်ခဲ့တာပါ။ ပတ်ဘိုဂွမ်နဲ့ Encounter ဇာတ်ကားရိုက်ဖို့ ဆောင်ဟယ်ကျိုဟာ ဝိတ်အများကြီးချခဲ့ရပြီး အသားအရေကိုလဲ အရင်ကထက်စိုပြေအောင် သတိထားပြီးထိန်းသိမ်းခဲ့တာပါ။ ဒါမှ သူမ ဘိုဂွမ်နဲ့အသက်အများကြီးကွာတယ်ဆိုတာ သိသာတော့မှာမဟုတ်ဘူး လို့ သူမက အင်တာဗျူးမှဟာသနှောပြီးပြောခဲ့ပါတယ်။

အသက်အရွယ်ဆိုတာသူမအတွက်တော့ နံပါတ်တစ်ခုမျှသဲာဖြစ်ပါတယ်။ လွန်ခဲ့တဲ့ ၁၀နှစ်ကျော်အချိန်တုန်းကလဲ သူမ ဒီမျက်နှာ၊ ဒီအနေအထားနဲ့ပဲ ပြောင်းလဲသွားခြင်းမရှိပါဘူး။ ပိုပိုလှလာတာပဲရှိတာပါ။

Encounter ဇာတ်လမ်းတွဲဟာ မိန်းကလေးအများစုရဲ့ role model တစ်ဦးဖြစ်တဲ့ ထက်မြက်လှပတဲ့ အမျိုးသမီး CEO တို့နဲ့ သာမန်လွတ်လပ်ပေါ့ပါးစွာနေထိုင်တတ်ပြီး ထက်မြက်တဲ့ လူငယ်လေးတစ်ဦးတို့ရဲ့ အချစ်ဇာတ်လမ်းကိုပုံဖော်ထားတာဖြစ်ပါတယ်။ ဒီဇာတ်လမ်းကိုရိုက်တဲ့ ဒါရိုက်တာကလဲ ဇာတ်ညွှန်းဖတ်ပြီးတာနဲ့ သူ့မျက်လုံးထဲမှာ ဆောင်းဟယ်ကျိုနဲ့ ပတ်ဘိုဂွမ်တို့ကို တစ်ခါထဲ တန်းမြင်မိတော့တာပဲ လို့ပြောထားပါတယ်။ ဒါကြောင့် သူတို့နှစ်ဦးကို ဒီဇာတ်လမ်းတွဲမှာ အဓိကဇာတ်ဆောင်နေရာက ပါဝင်ဖို့ရွေးချယ်ခဲ့တာပါတဲ့။

ပရိတ်သတ်ကြီးရဲ့ အသည်းဦး အွန်စောရဲ့ ဇာတ်လမ်းတွဲအသစ် Encounter ကိုရောကြည့်ပြီးကြပြီလား။ အွန်စောကို ချစ်တယ်ဆိုရင် like&share လုပ်ဖို့လဲမမေ့နဲ့ ဦးနော်။