ဖခင်ဖြစ်သူနဲ့အတူ ရည်စားတစ်ဝမ်းကွဲကို သွားတွေ့ခဲ့တဲ့ ဖွေးစိန်လေး

13 Dec 2018 1,531 Views

မြန်မာ့အနုပညာလောကရဲ့ လျှမ်းလျှမ်းတောက်ငွေကြယ်ပွင့်တစ်ဦးဖြစ်တဲ့ သရုပ်ဆောင်မင်းသမီးဖွေးဖွေးကတော့ ချစ်ခင်အားပေးသူပရိသတ်တွေများစွာပိုင်ဆိုင်ထားပြီး ထိပ်တန်းမင်းသမီးစာရင်းမှာ ရပ်တည်နေသူတစ်ယောက်ဖြစ်ပါတယ်။ စကားပြောရင် ပွင့်လင်းပြီး ချစ်စရာကောင်းတဲ့အမူအယာလေးတွေကြောင့်လဲ သူမရဲ့ပရိသတ်တွေက သဲသဲလှုပ်ချစ်နေကြရတာပဲဖြစ်ပါတယ်။

ဇာတ်ကားပေါင်းများစွာကိုရိုက်ကူးထားပြီး ဇာတ်ရုပ်တိုင်းကိုပီပြင်အောင်သရုပ်ဆောင်နိုင်စွမ်းတဲ့ ဖွေးစိန်လေးတစ်ယောက် သူမပါဝင်သရုပ်ဆောင်ထားတဲ့ “ရည်စားတစ်ဝမ်းကွဲ”ရုပ်ရှင် အထူးပြသပွဲကို ဖခင်ဖြစ်သူနဲ့အတူတက်ရောက်ခဲ့တာကိုတွေ့ရပါတယ်။ ဖခင်ရဲ့လက်ကိုတွဲရင်း ပြုံးပျော်နေတဲ့ ဖွေးစိန်လေးတို့သားအဖပုံလေးကတော့ မြင်ရတာချစ်ကြည်နူးစရာလေးပါပဲနော်… ကလေးဆန်ဆန် ငယ်ရွယ်တက်ကြွတဲ့ဖက်ရှင်လေးနဲ့ ဖေချစ်သမီးလေးဖွေးစိန်ရဲ့ပုံလေးတွေကို တင်ဆက်ပေးလိုက်ပါတယ်။

“ရည်းစားတစ်ဝမ်းကွဲ” ရုပ်ရှင်ဇာတ်ကားလေးမှာတော့ ဖွေးဖွေးနဲ့ စိုင်းစိုင်းခမ်းလှိုင်တို့က အဓိကပါဝင်သရုပ်ဆောင်ထားပြီး လူငယ်ဆန်တဲ့ အချစ်ဇာတ်ကားလေးဖြစ်ပါတယ်။ လွန်ခဲ့တဲ့ လေးနှစ်ကျော်လောက်ကရိုက်ကူးထားခဲ့တာဖြစ်ပြီး ငယ်ဘ၀အလွမ်းပြေ အချစ်ကားလေးဖြစ်ကြောင်းလဲ ဖွေးဖွေးက သူမရဲ့ပရိသတ်တွေကိုပြောခဲ့ပါသေးတယ်။