ချစ်သူရဲ့အုတ်ဂူလေးဆီသွားရောက်ကာ အလွမ်းတွေဖြေဆည်ခဲ့တဲ့ နီလန်း
29 Nov 2018 2,250 Views
မြန်မာနိုင်ငံရဲ့အောင်မြင်ကျော်ကြားတဲ့ သီချင်းဆိုပြိုင်ပွဲကြီးဖြစ်တဲ့ Myanmar Idol Season 3 ပြိုင်ပွဲကြီးကနေ ပရိသတ်ရဲ့ အားပေးမှု၊ ချစ်ခင်မှုတို့ကို ရရှိခဲ့တဲ့ အဆိုတော်မလေးနီလန်းကတော့ သီချင်းတွေဆိုရင်း၊ ဖျော်ဖြေပွဲတွေလုပ်ရင်း အနုပညာဂီတလမ်းကြောင်းပေါ်မှာလျှောက်လှမ်းနေပြီပဲဖြစ်ပါတယ်။ နီလန်းဟာ သူမအားသွန်ခွန်စိုက်ပြိုင်ပွဲဝင်နေစဉ်ကာလမှာ သူမသိပ်ချစ်ရတဲ့ချစ်သူကိုဆုံးရှုံးခဲ့ရသူတစ်ယောက်ဖြစ်ပါတယ်။
သူမရဲ့ချစ်သူဟာ ကိုယ့်ကိုကိုယ်သေကြောင်းကြံစည်ကာ လူ့လောကကြီးထဲကထွက်ခွာသွားခဲ့တာဖြစ်ပြီး ချစ်သူကိုဆုံးရှုံးလိုက်တဲ့ နီလန်းတစ်ယောက်မျက်ရည်တွေနဲ့ပြိုင်ပွဲဝင်ခဲ့ရတဲ့ညလေးကိုတော့ ပရိသတ်တွေမှတ်မိကြဦးမယ်ထင်ပါတယ်။ ကြည့်ရှုသူပရိသတ်တွေအပါအ၀င် ဒိုင်တွေပါမျက်ရည်ကျ ၀မ်းနည်းပူဆွေးခဲ့ရတဲ့ သူမတို့ရဲ့အချစ်ဇာတ်လမ်းလေးကတော့ တကယ့်ကိုကြေကွဲဖွယ်ရာကောင်းလှပါတယ်။
ချစ်သူရဲ့အလိုဆန္ဒအတိုင်း ဂီတလောကမှာအောင်မြင်တဲ့သူတစ်ယောက်ဖြစ်အောင် ကြိုးစားနေတဲ့ နီလန်းကတော့ ချစ်သူကိုဘယ်လောက်တောင်လွမ်းဆွတ်နေမလဲနော်။ ဒီနေ့မှာတော့ နီလန်းတစ်ယောက် အနားမှာမရှိတော့တဲ့ ချစ်သူရဲ့အုတ်ဂူလေးဆီကိုသွားကာ အလွမ်းတွေဖြေခဲ့ရပုံကို သူမရဲ့ဖေ့စ်ဘွတ်စာမျက်နှာပေါ်မှာ ၀မ်းနည်းဖွယ်အမှတ်တရအနေနဲ့ တင်ထားတာကိုတွေ့ရပါတယ်။
ချစ်သူရဲ့ အုတ်ဂူလေးရှေ့မှာ ပူဆွေးမျက်ရည်ကျနေတဲ့ နီလန်းရဲ့ပုံရိပ်တွေက ကြည့်ရှုသူပရိသတ်တွေကို များစွာစိတ်မကောင်းဖြစ်စေခဲ့ပါတယ်။ အောင်မြင်မှုတွေရလာတဲ့အချိန်မှာ တွဲစရာလက်တစ်စုံပျောက်ဆုံးသွားတာ၊ အထူးသဖြင့် ချစ်သူတွေချစ်မ၀ဖြစ်နေသေးတဲ့အချိန်မှာ သေကွဲကွဲရတဲ့ ခံစားချက်ကြီးကတော့ ကြောက်စရာအကောင်းဆုံးပါပဲနော်။
