အသက် ၇ နှစ်ပြည့်ပြီး ပရိတ်သတ်ရှေ့ပြန်ရောက်လာပြီဖြစ်တဲ့ ဂျူမုံရဲ့အမွှာသုံးယောက်

14 Nov 2018 1,654 Views

မြန်မာနိုင်ငံမှာ ရာဇဝင်တွင်တဲ့သူရဲကောင်း ဇာတ်လမ်းတွဲဆိုရင် မသိသူမရှိသလောက်ပါပဲ။ ဂျူမုံနဲ့ ဆိုအောနိုဆိုရင် ကလေးကအစ ခွေးအဆုံး မသိသူမရှိသလောက်ပါပဲနော်။ ဟိုတလောကတောင် MRTV-4 မှာ ရာဇဝင်တွင်တဲ့ သူရဲကောင်းကို ပြန်လည်ပြသခဲ့ပါသေးတယ်။

ဂျူမုံဆိုတာနဲ့ သူ့ရဲ့အမွှာသား သုံးယောက်ကိုပြေးမြင်မိကြတာပါပဲ။ ၂၀၁၂ မတ်လ ၁၆ ရက်နေ့မှာ ဂျူမုံရဲ့ သားဖြစ်သူ အမွှာသုံးယောက်ကို ဆိုးလ်မြို့မှာဖွားမြင်ခဲ့ပါတယ်။ ၂၀၁၄ ခုနှစ်မှာတော့ ဂျူမုံဟာ KBS မှအစီအစဉ်တစ်ခုဖြစ်တဲ့ Return of Superman အစီအစဉ်မှာ သူ့သားသုံးယောက်နဲ့အတူပါဝင်ခဲ့ပါတယ်။ ထိုအစီအစဉ်ဟာဆိုရင် တောင်ကိုးရီးယားရဲ့ နာမည်ကြီးပဂ္ဂိုလ်များက သူတို့ရဲ့ သားသမီးတွေကိုဇနီးသည် ရဲ့အကူအညီမပါပဲ ဘယ်လိုပြုစုပျိုးထောင်သလဲဆိုတာကို ရိုက်ကူးတင်ဆက်ပြသချင်းပဲ ဖြစ်ပါတယ်။

ထိုစဉ်အချိန်တုန်းကလဲ ဂျူမုံဟာ သူ့ရဲ့ ၂၄ လသားအရွယ်သားများကို သူတစ်ယောက်ထဲ စောင့်ရှောက်ရတဲ့အခါမှာ ကမောက်ကမတွေဖြစ် နေတာတွေကို ဟာသသဖွယ်မြင်တွေ့ရပြီး ကလေးသုံးယောက်ကို ငယ်စဉ်ကတည်းက စည်းကမ်းတကျ နေထိုင်တွေးတောတတ်အောင် ထိန်းကျောင်းပုံတို့ကလဲ အမှန်တကယ် လေးစားစရာပါပဲ။

ဂျူမုံနဲ့ အမွှာတို့ ကလေးသုံးယောက်ကိုကျောင်းထားရမယ့် အရွယ်ရောက်တဲ့အခါမှာတော့ ဂျူမုံဟာ Super Man အစီအစဉ်မှာမပါဝင်တော့ပဲ အနားယူခဲ့ပါတယ်။ သို့ပေမဲ့ ကလေးသုံးယောက်ကို ချစ်တဲ့ပရိတ်သတ်ကြီးကတော့ သူတို့ အစီအစဉ်ကိုပြန်လာဖို့မျှော်လင့်နေကြပါတယ်။ ဂျူမုံအနေနဲ့လဲ သူတို့ တီဗွီအစီအစဉ်မှာ မပါဖြစ်တဲ့နောက်ပိုင်းမှာ အမွှာသုံးယောက်ရဲ့ ဓာတ်ပုံများနဲ့ နေ့စဉ် လှုပ်ရှားမှုတွေကို သူ့ရဲ့ instagram စာမျက်နှာမှာတင်လေ့ရှိပါတယ်။

ဒါပေမဲ့ ပြီးခဲ့တဲ့ နိုဝင်ဘာလ ၁၁ ရက်နေ့မှာ ဂျူမုံဟာနဲ့ အမွှာတို့ဟာ Super Man အစီအစဉ်ရဲ့ အပိုင်း ၂၅၀ မှာပြန်လည်ပါဝင်ခဲ့ပါတယ်။ အခုဆို ကလေးသုံးယောက်ဟာ အသက် ၇ နှစ်ရှိပြီဖြစ်ပြီး အရပ်တွေကလဲရှည်လာကြပါပြီ။ထိုအပိုင်းမှာ သူတို့ဟာ ပြင်သစ်နိုင်ငံ ရဲ့နှင်းတောထဲမှာသွားရောက်ဆော့ကစားနေကြပါတယ်။ ကလေးတွေဟာ အသက်ကြီးလေ စကားတတ်လေမို့လို့ သူတို့သုံးယောက်ကို သူ့အဖေတောင်မနိုင်တော့ပါဘူး။ ဟိုတုန်းကတည်းကလဲ မနိုင်ခဲ့ပေမဲ့ အခုဆိုပိုမနိုင်ပါဘူး။ သူတို့လုပ်ချင်တာလုပ်ရဖို့ ဆိုရင်သုံးယောက်ပေါင်း ခေါင်းချင်းဆိုင်ပြီး ဥာဏ်များတော့တာပါပဲ။ လူထုပရိတ် သတ်များကလဲ အမွှာသုံးယောက် ဒီလိုကျန်းကျန်းမာမာ နဲ့ ဥာဏ်ရည်ဖွံ့ဖြိုးပြီး အသက်ကြီးလာတာကိုတွေ့ရတဲ့အတွက် ဂျူမုံတို့လင်မယားကို ချီးမွမ်းထောပနာ ပြုကြပါတယ်။

(မှတ်ချက်-အသက် ၇ နှစ်ဆိုသည်မှာ ကိုးရီးယားလိုအသက်တွက်ချက်ခြင်းဖြစ်ပြီး နိုင်ငံတကာအသက်အရ အမွှာတို့မှာ အသက် ၆ နှစ်သာရှိသေးသည်။)