ဇာတ်လမ်းတွဲအသစ်အတွက် ဇာတ်ညွှန်းရေးဖတ်တွေ့ဆုံကြတဲ့ လီဂျောင်ဆော့နဲ့ လီနာယောင်း

13 Nov 2018 1,393 Views

မင်းသားလီဂျောင်ဆော့နှင့် မင်းသမီးလီနာယောင်းတို့ဟာ tvN ကထွက်ရှိမယ့် ဇာတ် လမ်းတွဲအသစ် Romance Supplement မှာ အဓိကဇာတ်ဆောင်အနေနဲ့ ပါဝင်သရုပ်ဆောင်ဖို့ ရွေးချယ်ခံထားရသူများဖြစ်ပါတယ်။

ဇာတ်လမ်းလေးကတော့ ပေါ့ပေါ့ပါးပါးအချစ်ဟာသလေးပဲဖြစ်ပါတယ်။ ဒီကားဟာ ၂၀၁၉ ရဲ့ စောင့်ကြည့်ဖို့တန်တဲ့ ဇာတ်ကားကောင်းတစ်ကားပါပဲ။

ဒီဇာတ်လမ်းတွဲမှာပါဝင်တဲ့ မင်းသမီးလီနာယောင်းဟာ ရုပ်သံဇာတ်လမ်းတွဲတွေမှာ ပျောက်ကွယ်သွားခဲ့တာ ၉ နှစ်တိုင်တိုင်ရှိပြီဖြစ်တဲ့အတွက် သူမရဲ့ သရုပ်ဆောင်မှု၊ ဟန်ပန်တွေကို ပရိတ်သတ်တွေက လွမ်းနေကြပြီပဲဖြစ်ပါတယ်။

မင်းသမီးလီနာယောင်းဟာ မြန်မာပရိတ်သတ်များ ထယ်ဆောက် လို့သိကြတဲ့ ဆောင်းဦးရွက်ကြွေချစ်သက်သေ ဇာတ်လမ်းတွဲမှ မင်းသား ဝန်ဘင်းရဲ့ ဇနီးသည်ဖြစ် ပါတယ်။ သူတို့စုံတွဲဟာ ရုပ်သံဇာတ်လမ်းတွဲများ အရိုက်ကြဲတယ်လို့ဆိုရမှာပါပဲ။ ရုပ်ရှင်ဇာတ်ကားကြီးများနဲ့ Movie များသာအရိုက်များကြပါတယ်။

မင်းသားလီဂျောင်ဆော့ဟာ သူငယ်ဘဝကတည်းက တစ်ဖက်သတ်စွဲလမ်းခဲ့ရပြီး အရမ်းကြိုက်နှစ်သက်ခဲ့ရတဲ့ မင်းသမီးကလီနာယောင်းဖြစ်တယ်လို့ သူအင်တာဗျူး တိုင်းမှာ ပြောလေ့ရှိပါတယ်။ တစ်ခါတုန်းက သူငယ်ချင်းဖြစ်သူ ကင်မ်ဝူဘင် က လီနာယောင်းနဲ့ ကြော်ငြာတစ်ခုမှာ အတူတူတွဲဖက်သရုပ်ဆောင်ရတာကို ကြားသိရတဲ့ အခါမှာ မနာလိုဖြစ်မိတယ်လို့ သူပြောဖူးပါတယ်။ ထိုအချိန်တုန်းက ကင်မ်ဝူဘင်ကနေတဆင့် လီနာယောင်းရဲ့ လက်မှတ်ကို ထိုးယူခိုင်းခဲ့တယ်ဆိုပါတယ်။ ယခုအချိန်မှာ လီဂျောင်ဆော့အနေနဲ့ သူတစ်ချိန်လုံး fan boy လုပ်ခဲ့ရတဲ့ လီနာယောင်းနဲ့ ဇာတ်လမ်းတွဲအတူတွဲရိုက်ရမယ်ဆိုတော့ အရမ်းကိုပျော်ပြီးရင်ခုန်စိတ် လှုပ်ရှားနေတာ သိသိသာသာပါပဲ။

ပြီးခဲ့တဲ့အောက်တိုဘာ ၂၆ ရက်နေ့မှာ Romance Supplement မှာပါဝင်သရုပ်ဆောင်မယ့် သရုပ်ဆောင်များ၊ ဒါရိုက်တာ၊ ဇာတ်ညွှန်းရေးဆရာတို့ တွေဆုံကြပြီး ဇာတ်လမ်းရဲ့ ဇာတ်ညွှန်းအကျဉ်းချုပ်ကိုဖတ်ရှုခဲ့ကြပါတယ်။ ဇာတ်လမ်း ရဲ့အဓိက ဇာတ်ဆောင်တွေကလဲ သူတို့ရဲ့ team work ကိုအကောင်းဆုံးပြသပြီး ပေါ့ပေါ့ပါးပါး ရယ်ရယ်မောမောနဲ့ပြီးဆုံးသွားခဲ့ပါတယ်။

ဇာတ်လမ်းလေးကတော့ စာပေထုတ်လုပ်ရေး ကုမ္ပဏီတစ်ခုရဲ့ လည်ပတ်ပုံကိုရိုက်ကူးထားတာဖြစ်ပါတယ်။ ဒီဇာတ်လမ်းမှာ မင်းသားလီဂျောင်ဆော့ကစာပေလောကမှာ အသက်အငယ်ဆုံး အယ်ဒီတာတစ်ယောက်ဖြစ်ပြီး သူ့ရဲ့မထီမဲ့မြင်ပြုတတ်တဲ့ အပြုအမူ၊ရုပ်ရည်ချောမောမှုတို့ကြောင့် လူသိများတဲ့ ချာအွန်ဟိုနေရာက ပါဝင်သရုပ်ဆောင်ထားပါတယ်။ လီနာယောင်း ဟာကျောင်းတက် ကတည်းက စာတော်ပြီးစေ့စပ်သေချာတဲ့ ကန်ဒန်ရီ နေရာကပါဝင်သရုပ်ဆောင်ထားပါတယ်။

ဒီဇာတ်လမ်းတွဲမှာ ဂျောင်ယူဂျင်း၊ ဝီဟာဂျွန်နှင့် မင်းသားကြီး ကင်ထယ်ဝူတို့ကလဲ ဇာတ်ပို့နေရာက တစ်ဖက်တစ်လှမ်းပါဝင်အားဖြည့်ထားပါတယ်။