ဆော့ခရေးတီး၏ စကားစစ်နည်း (၃)ခု
08 Nov 2018 1,446 Views
ရှေးဂရိနိုင်ငံတွင် အတွေးအခေါ်ပညာရှင် ဆော့ခရေးတီးသည် ပညာဗဟုသုတကြွယ်ဝမှုကြောင့် ထင်ပေါ်ကျော်ကြားသူတစ်ဦးဖြစ်သည်။ တစ်နေ့တွင် ဆော့ခရေးတီး၏ အသိမိတ်ဆွေတစ်ဦးက သူ့ကိုပြောလေသည်။
“ဆရာကြီးရဲ့မိတ်ဆွေတစ်ယောက်အကြောင်းနဲ့ပတ်သက်ပြီး ကျွန်တော်ကြားထားတစ်ခုရှိတယ်။ ဆရာကြီးရော သိပါသလား။“ “ခဏလေး” ဆော့ခရေးတီးက ခေတ္တစောင့်ခိုင်းလိုက်ရင်း “ခင်ဗျား ကျွန်တော့် မိတ်ဆွေအကြောင်းကို မပြောခင်မှာ ခင်ဗျားပြောမယ့်အကြောင်းအရာကို ဆန်းစစ်ကြည့်ကြရအောင်။ ဒီလို စကားတွေကို ဆန်းစစ်တဲ့နည်းကိုစကားစစ်နည်း(၃)ခုလို့ ကျုပ်ကသတ်မှတ်ထားတယ်။ ပထမဆုံးတစ်ခုက အမှန်တရားစကားစစ်လို့ ခေါ်တယ်။ဟုတ်ပြီ။ ခင်ဗျားပြောမယ့် ကျုပ်သူငယ်ချင်းအကြောင်းက လုံးဝအမှန်ပါဆိုတာ သေချာလား“ဟု ပြန်ပြောလိုက်သည်။
“အင်း…ဘယ်လိုပြောရမလဲ။ ကျွန်တော်လည်း အခုမှကြားလာတာဆိုတော့…” “ရတယ်။ ကိစ္စမရှိဘူး။“ဆော့ခရေးတီးက ဆက်ပြောသည်။ ခင်ဗျားကိုယ်တိုင်က အမှန်ဟုတ်မဟုတ်ကို မသိဘူးဆိုတော့ နောက်ထပ်စကားစစ်တစ်ခုနဲ့ စစ်ထုတ်ကြည့်ကြရအောင်။ ဒီတစ်ခုကတော့ ကောင်းခြင်းစကားစစ်ဖြစ်တယ်။ ခင်ဗျားပြောမှာက ကျုပ်မိတ်ဆွေရဲ့ ကောင်းကြောင်းလား
မကောင်းကြောင်းလား“ “အင်း…မကောင်းကြောင်းပါ“။ တဖက်သူက ပြန်ဖြေသည်။ “ဒါဆို….ခင်ဗျားက ကျုပ်မိတ်ဆွေရဲ့မကောင်းကြောင်းတစ်ခုခုကို လာပြောတာပေါ့။ ဒါပေမယ့် အမှန်ဟုတ်မဟုတ်ဆိုတာကို သေချာမသိသေးဘူးဆိုတော့ နောက်ဆုံးဆန်းစစ်မှုတစ်ခုကို ထပ်ဖြတ်ကျော်ရဦးမှာပေါ့။ နောက်ဆုံးတစ်ခုက အသုံးဝင်မှုစကားစစ်ပဲ။ ခင်ဗျားပြောမယ့် ကျုပ်မိတ်ဆွေအကြောင်းက ကျုပ်အတွက် အသုံးဝင်ရဲ့လား“ “ဟင့်အင်း။ မ၀င်လောက်ပါဘူး။“
“ကောင်းပြီလေ။ ဒါဆို ခင်ဗျားက ကျုပ်သူငယ်ချင်းအကြောင်း မှန်မမှန်လည်း မသေချာ၊ ကောင်းကြောင်းလည်းမဟုတ်၊ ကျုပ်အတွက်အသုံးလည်းမ၀င်မှတော့ ဘာကြောင့်ပြောနေဦးမှာလဲဗျာ“လို့ ဆော့ခရေတီးက ပြန်ပြောလိုက်လေသည်။
