ပရဟိတ လုပ်ဆောင်ခြင်းရဲ့ အကျိုးကျေးဇူးများ
06 Nov 2018 2,014 Views
စေတနာ့ဝန်ထမ်းအဖြစ် ပရဟိတလုပ်ငန်းတွေ လုပ်ဆောင်ခြင်း တနည်းအားဖြင့် လုပ်အားပေးခြင်း (Volunteering) ဆိုတာကတော့ လူတစ်ယောက် ဒါမှမဟုတ် အဖွဲ့အစည်းတစ်ခုခုအတွက် အကျိုးအမြတ်ရယူခြင်းမရှိပဲ ၀န်ဆောင်မှုပေးတာ၊ လုပ်ငန်းလုပ်ဆောင်ပေးတာကို ဆိုလိုပါတယ်။
Volunteering (စေတနာ့ဝန်ထမ်း)ဆိုတဲ့ စကားလုံးကတော့ ၁၈၅၁ ခုနှစ် အမေရိကန်ပြည်တွင်းစစ်ပွဲကာလမှာ စတင်ပေါ်ပေါက်လာခဲ့တာဖြစ်ပါတယ်။ ပညာရေးဝန်ထမ်းတစ်ဦးဖြစ်သူ Clara Barton က စတင်ပြီး စစ်ပွဲအတွင်း ထိခိုက်ဒဏ်ရာရသူတွေနဲ့ နာမကျန်းဖြစ်သူတွေကို အစားအသောက်၊ အ၀တ်အစားနဲ့ ထောက်ပံ့ရေးပစ္စည်းတွေ ပံ့ပိုးပေးတဲ့ လုပ်အားပေးအဖွဲ့ကို ဖွဲ့စည်းခဲ့ပါတယ်။ နောက်ပိုင်းမှာတော့ အမေရိကန် ကြက်ခြေနီအဖွဲ့အစည်းကို တည်ထောင်ခဲ့ပြီး သဘာဝဘေး ကယ်ဆယ်ထောက်ပံ့ရေး စေတနာ့ဝန်ထမ်းအလုပ်တွေကို စတင်လုပ်ဆောင်ခဲ့တာဖြစ်ပါတယ်။
အခုချိန်မှာတော့ စေတနာ့ဝန်ထမ်းအလုပ်ဟာ အကျိုးအမြတ်မယူတဲ့အဖွဲ့အစည်းတွေရဲ့ ပင်မကျောရိုးတစ်ခုဖြစ်နေပါပြီ။ လုပ်အားပေး စေတနာ့ဝန်ထမ်းလုပ်ခြင်းဟာ အများကောင်းကျိုးလုပ်ဆောင်တာဖြစ်တဲ့အတွက် ကုသိုလ်ရတာ သေချာပါတယ်။ ဒါ့အပြင် သင့်အတွက် လက်ငင်း အကျိုးရှိစေနိုင်တာတွေလည်း ရှိပါတယ်။ လုပ်အားပေးစေတနာ့ဝန်တမ်း လုပ်ဆောင်ခြင်းရဲ့ အကျိုးကျေးဇူးတွေကို ဖော်ပြလိုက်ပါတယ်။
ကိုယ်ရောစိတ်ပါ ကျန်းမာစေတယ်။
သုတေသနရလဒ်တွေအရ စေတနာ့ဝန်ထမ်းအလုပ်ဟာ သင့်ကို ကိုယ်ရောစိတ်ပါ ကျန်းမာစေပြီး ခံစားမှုကို ပိုမိုကောင်းမွန်စေတယ်လို့ ဆိုပါတယ်။ စေတနာ့ဝန်ထမ်းလုပ်သူတွေဟာ စိတ်ခံစားမှု တိုးတက်ကောင်းမွန်ပြီး မိမိကိုယ်ကို ယုံကြည်မှု၊ တန်ဖိုးထားမှုလည်း ပိုအားကောင်းကြပါတယ်။ စိတ်ဖိစီးမှုကိုလည်း အကောင်းဆုံး ဖြေဖျောက်နိုင်ကြပြီး ပတ်ဝန်းကျင်အသိုင်းအ၀ိုင်းနဲ့လည်း ပိုမိုကောင်းမွန်ခိုင်မာတဲ့ ဆက်ဆံရေးရှိကြတာကြောင့် အခြားသူတွေထက် ကျန်းမာပျော်ရွှင်နေနိုင်ကြတာ ဖြစ်ပါတယ်။
အရည်အချင်းအသစ်တွေ သင်ယူနိုင်တယ်။
စေတနာ့ဝန်ထမ်းလုပ်ဆောင်တဲ့အခါမှာ ပညာရပ်အသစ်တွေ၊ အရည်အချင်းအသစ်တွေ အများကြီးကို လေ့လာသင်ယူရပါတယ်။ ဒီအရည်အချင်းတွေကလည်း စာသင်ကျောင်းနဲ့ တက္ကသိုလ်တွေမှာ သင်ယူလို့မရနိုင်တဲ့ ပြောဆိုဆက်ဆံမှုစွမ်းရည်၊ အသင်းအဖွဲ့လိုက်လုပ်ဆောင်မှုစွမ်းရည်နဲ့ အခြေအနေကို လိုက်လျောညီထွေအောင်လုပ်ဆောင်နိုင်မှု စွမ်းရည် စတဲ့အရည်အချင်းတွေ ဖြစ်ပါတယ်။ ပရောဂျက်တစ်ခုမှာ သူစိမ်းတွေနဲ့အတူတူ အလုပ်လုပ်ရတာကလည်း သင့်ဘ၀အတွက် အရေးပါတဲ့ အတွေ့အကြံနဲ့ အရည်အချင်းတွေ တိုးတက်လာစေပါတယ်။
မိတ်ဆွေသူငယ်ချင်း အသစ်တွေရနိုင်တယ်။
ဒီအချက်ကတော့ စေတနာ့ဝန်ထမ်းလုပ်ဆောင်ခြင်းရဲ့ အဓိကအချက်တစ်ခုပဲဖြစ်ပါတယ်။ အင်တာနက်ပေါ်မှာ မိတ်ဆွေသူငယ်ချင်းတွေများပေမယ့် တကယ့်လက်တွေ့မှာ ထိတွေ့ဆက်ဆံနေရတဲ့ ခင်မင်သူမိတ်ဆွေအပေါင်းအသင်းက သိပ်များများစားစားမရှိလှပါဘူး။ သင့်အသိမိတ်ဆွေတွေတင်သမျှကို Like ပေး၊ Comment ပေးနေတာက မျက်နှာချင်းဆိုင်ထိုင်ပြီးစကားပြောကြတာလောက် အကျိုးမရှိပါဘူး။ လုပ်အားပေး စေတနာ့ဝန်ထမ်းလုပ်ဆောင်ရင်း တွေ့ဆုံကြရသူတွေဟာ တူညီတဲ့လမ်းခရီးကို လျှောက်လှမ်းနေကြသူတွေဖြစ်ပြီး အပြန်အလှန်အားပေးကူညီတတ်တဲ့ ၀န်းကျင်တစ်ခုမှာ ရှိနေကြတာဖြစ်တဲ့အတွက် အရမ်းရင်းနှီးကြတဲ့ မိတ်ဆွေသူငယ်ချင်းတွေ ဖြစ်လာနိုင်ပါတယ်။ လူအများစုဟာ မျက်နှာချင်းဆိုင်တွေ့ဆုံစကားပြောကြရတဲ့ မိတ်ဆွေအပေါင်းအသင်း အနည်းငယ်သာရှိကြပါတယ်။ အရင်းနှီးဆုံးသူငယ်ချင်း၊ အခင်မင်ရဆုံးသူငယ်ချင်းဆိုတာတွေ သိပ်မရှိကြတော့ပါဘူး။ လုပ်အားပေးလုပ်ငန်းတွေ၊ ပရဟိတလုပ်ငန်းတွေမှာ စေတနာ့ဝန်ထမ်းလုပ်ဆောင်မယ်ဆိုရင်တော့ စိတ်တူကိုယ်တူ မိတ်ဆွေသူငယ်ချင်းအသစ်တွေရစေဖို့ အခွင့်အလမ်းရလာမှာဖြစ်ပါတယ်။
ပိုပြီးတော့ ပျော်ရွှင်အောင်မြင်စေနိုင်တယ်
လေ့လာမှုတွေအရ စေတနာ့ဝန်ထမ်းလုပ်ဆောင်ခဲ့ဖူးသူတွေဟာ မလုပ်ခဲ့ဖူးသူတွေထက် အလုပ်အကိုင်ရရှိမှုနဲ့ လုပ်ငန်းခွင်အတွင်း တိုးတက်အောင်မြင်မှုတို့မှာ ပိုမိုများပြာတယ်လို့ ဆိုပါတယ်။ လုပ်အားပေးအလုပ်တွေ၊ ပရဟိတလုပ်ငန်းတွေကို လုပ်ဆောင်ခဲ့ဖူးသူတွေဟာ လုပ်ငန်းခွင်ကျင့်ဝတ်ကို ပိုမိုနားလည်ကြသလို ပြောဆိုဆက်ဆံမှုစွမ်းရည် ပိုမိုကောင်းမွန်ပြီး လုပ်ငန်းခွင်က လိုအပ်တဲ့ အရည်အချင်းတွေကိုလည်း အမှီဖြည့်စွမ်းနိုင်စွမ်းရှိကြတာကြောင့် ဖြစ်ပါတယ်။ စေတနာ့ဝန်ထမ်းအလုပ်ဟာ နှစ်လမ်းသွား လမ်းကြောင်းတစ်ခုဖြစ်ပါတယ်။ သင့်အနေနဲ့ အရည်အချင်းနဲ့ အတွေ့အကြံသစ်တွေ၊ မိတ်ဆွေအပေါင်းအသစ်တွေ ရရှိနိုင်ပေမယ့် သင့်ရဲ့အဖိုးတန်အချိန်နဲ့ ခွန်အားကို ပြန်ပေးဆပ်နိုင်ရမှာ ဖြစ်ပါတယ်။
Ref : mgn
