လူတွေကိုကလည်း ခက်ပါတယ်လေ..။ 

တစ်ယောက်ထဲတွေ့တဲ့အခါ “ရည်းစားမရှိသေးဘူးလား..?” ၊ နှစ်ယောက်တွဲတွေ့တဲ့အခါ “ဘယ်တော့စားရမှာလဲ..? 

ဟော.. အိမ်ထောင်ပြုပြီးသွားပြန်တော့လည်း “ကလေးမယူသေးဘူးလား..?” 

ဘယ်လိုအခြေအနေမှာမဆို မေးခွန်းတွေက ဆက်တိုက်ရှိနေပါတယ် (တတ်လဲတတ်နိုင်ကြတယ်)။ အဲဒီလို သူများတကာရဲ့ဘဝကို အလိုက်ကန်းဆိုး မသိစွာချယ်လှယ်ချင်တဲ့ ပတ်ဝန်းကျင်ကို တုံ့ပြန်တဲ့အနေနဲ့ ယူဂန်ဒါနိုင်ငံက အမျိုးသမီးတစ်ဦးဟာ ဘုရားကျောင်းမှာ သူကိုယ်သူ ပြန်ပြီးလက်ထပ်ထိမ်းမြား မင်္ဂလာဆောင်ပွဲ တရားဝင်ကျင်းပခဲ့ပါတယ်။

 

 

လူတွေက သူ့ကိုတွေ့တိုင်း အိမ်ထောင်ပြုပြီး ကလေးမြန်မြန်ယူတော့လေ ဆိုတဲ့ တိုက်တွန်းမှုတွေကို ဒီနည်းနဲ့ နှုတ်ဆိတ်သွားအောင် လုပ်ခဲ့တာဖြစ်ပါတယ်။ အသက် ၃၂ နှစ်အရွယ် Lulu Jemimah ဆိုသူဟာ ပညာရေးကို အားသန်သူဖြစ်ပြီး ၂၀၁၇ ခုနှစ်ထဲက Creative Writing နဲ့ မာစတာဘွဲ့ တက်ရောက်ဖို့ အင်္ဂလန်နိုင်ငံက တက္ကသိုလ် ၃ ခုကို ကျောင်းလျှောက်ထားခဲ့ပါတယ်။ အောက်တိုဘာလ ၁ ရက်နေ့မှာတော့ အောက်စ်ဖို့ဒ်တက္ကသိုလ်ကနေ လက်ခံကြောင်း အကြောင်းကြားစာ ရရှိထားတဲ့အတွက် ဝမ်းသာမဆုံးဖြစ်နေပါတယ်။ ယူဂန်ဒါမှာတော့ သူမ သင်ကြားလိုတဲ့ Creative Writing ဘာသာသင် တက္ကသိုလ်မရှိဘူးလို့ဆိုပါတယ်။

 

သူမရဲ့ ဖခင်ဖြစ်သူဟာ သူမအသက် ၁၆ နှစ်အရွယ်ထဲက သမီးအိမ်ထောင်ပြုတဲ့အခါ ဖခင်တစ်ယောက်အနေနဲ့ လူကြားထဲမှာ ပြောကြားရမယ့် မိန့်ခွန်းကို ပြင်ဆင်ရေးသားပြီး ဖြစ်နေပါပြီ။ သူမရဲ့ မိခင်ကလည်း အခုချိန်ထိ ကြုံရင်ကြုံသလို သူမအတွက် ခင်ပွန်းကောင်းကို လိုက်ရှာဖွေနေဆဲပါ။

 

“ဒီကိစ္စတွေအားလုံး ပြေလည်ဖို့ ကျမဆုံးဖြတ်ချက် တစ်ခုချလိုက်ပါတယ်၊ အဲဒါကတော့ ကျမရဲ့ ၃၂ နှစ်မြောက်မွေးနေ့မှာ ကျမတစ်ဘဝလုံးကို ကြင်ကြင်နာနာဂရုစိုက်ပေးနိုင်တဲ့ ကျမနဲ့ပဲ ပြန်ပြီး အိမ်ထောင်ပြုဖို့ပါပဲ” လို့ ဆိုပါတယ်။

 

 

သူမရဲ့မင်္ဂလာဆောင်ပွဲ ကုန်ကျစရိတ်က အမေရိကန်ဒေါ်လာ ၂.၆၂ ပဲကုန်ကျခဲ့ပါတယ်။ သတို့သမီးဝတ်စုံကို သူငယ်ချင်းဆီကငှားပြီး မိတ်ကပ်ကိုလည်း သူငယ်ချင်းတွေက ပြင်ပေးတာဖြစ်ပါတယ်။ လက်ဝတ်လက်စားတွေကိုလည်း သူငယ်ချင်းတွေဆီက ငှားပြီး သူမရဲ့ မင်္ဂလာဆောင်ကို လာချီးမြှင့်သူတွေကလည်း ကိုယ့်စားရိတ်နဲ့ကိုယ် တက်ရောက်ခဲ့ကြတာဖြစ်ပါတယ်။ သူမကုန်ကျခဲ့တဲ့ ၂.၆၂ ဒေါ်လာက မင်္ဂလာပွဲကို လာရတဲ့ စရိတ်ပဲဖြစ်ပါတယ်။ 

 

သူမဟာ အင်္ဂလန်မှာ ကျောင်းတက်ဖို့ စတာလင်ပေါင် ၂၀,၀၀၀ လိုအပ်နေပါတယ်၊ ဒီပမာဏက ဘယ်မှာမှ ချေးငှားလို့ မရနိုင်တဲ့ ပမာဏဖြစ်ပါတယ်။ ဒီကိစ္စကိုဖြေရှင်းပြီး သူမရဲ့ ရည်မှန်းချက်ပန်းတိုင်ကို အရောက်သွားဖို့ နောက်ဆုံးမှာ စွန့်စားပြီး gofundme.com ကနေတစ်ဆင့် အများထံ အကူညီတောင်းခံခဲ့တာပဲဖြစ်ပါတယ်။

 

ကံကောင်းစွာနဲ့ တစ်ခါမှ သူမနဲ့ မသိခဲ့ဖူးတဲ့သူတွေဆီကနေ အလှူငွေတွေရရှိတာကြောင့် စာသင်နှစ်ပထမနှစ်အတွက်တော့ စိတ်အေးသွားရပါပြီ၊ နောက်ထပ် စာသင်နှစ်တစ်နှစ်အတွက် စတာလင်ပေါင် ၆,၀၀၀ လောက်ကို ဆက်လက် အလှူခံနေဆဲဖြစ်ပါတယ်။

Creative Writing ပညာရပ်အတွက် အင်္ဂလန်မှာ ၂ နှစ်သင်ကြားရမှာဖြစ်ပြီး ဒီအချိန်တွေအတွင်းမှာ သူမအနေနဲ့ အလုပ်လုပ်ခွင့်မရှိပါဘူး။

 

 

မည်သို့ပင်ဆိုစေကာမူ Jemimah ကတော့ ကိုယ့်ကိုယ်ကိုသာ ယုံကြည်ကောင်းတယ်ဆိုတဲ့ စိတ်နဲ့ ကိုယ့်ကိုယ်ကို ပြန်လပ်ထပ်ပြီး ဘဝတက်လမ်းအတွက် ဆက်လျှောက်နေတဲ့ ရဲရင့်ပြတ်သားတဲ့ အမျိုးသမီးတစ်ဦး ဖြစ်ပါတယ်။ 

သူမရဲ့ လပ်ထပ်ပွဲဟာ တရားဝင်ဖြစ်တာကြောင့် အခုချိန်မှာ “နင် အိမ်ထောင်မပြုသေးဘူးလား” ဆိုတဲ့ မေးခွန်းတွေကတော့ နှုတ်ဆိတ်သွားပြီဖြစ်ပါတယ်။