မျောက်ကို ကားမောင်းခိုင်းတဲ့ ဘတ်စ်ကားဒရိုင်ဘာ အလုပ်မှရပ်နားခံရ
08 Oct 2018 1,443 Views
အိန္ဒိယနိုင်ငံက ဘတ်စ်ကားဒရိုင်ဘာတစ်ဦးဟာ သူ့ရဲ့အချစ်တော် မျောက်တစ်ကောင်ကို စတီယာရင်ထိန်းခိုင်းကာ မောင်းနှင်စေခဲ့တဲ့ ရုပ်သံအွန်လိုင်းမှာ ပျံ့နှံ့ခဲ့ပြီးနောက် ဝေဖန်မှုတွေများပြားခဲ့ပြီး အဆိုပါ ယာဉ်မောင်းဟာ အောက်တိုဘာလ ၆ ရက်နေ့မှာတော့ အလုပ်ကနေ ရပ်နားခံခဲ့ရပါတယ်။
ရုပ်သံမှာဆော့ အသက် ၃၆ နှစ်အရွယ် ယာဉ်မောင်းဟာ ကားသွားနေစဉ် သူ့ရဲ့ မျောက်ကို စတီယာရင်ထိန်းခိုင်းပြီး ကျေနပ်သဘောကျစွာ ပြုံးပြုံးကြီးကြည့်နေတာကို ကားပေါ်ပါ ခရီးသည်တစ်ဦးက ဗီဒီယိုရိုက်ခဲ့တာဖြစ်ပါတယ်။
"ဒီအပြုမူအတွက် ယာဉ်မောင်း M Prakash ကိုတော့ သူ့ရဲ့အလုပ်ကနေ ရပ်စဲလိုက်ပါပြီ၊ ခရီးသည်တွေ ဘေးကင်းလုံခြုံရေးက အဓိကကျပါတယ်၊ ယာဉ်မောင်းအနေနဲ့ မျောက်ကို စတီယာရင်ထိန်းခိုင်းပြီး အန္တရာယ်နဲ့ မကစားသင့်ပါဘူး " ဟု ပို့ဆောင်ဆက်သွယ်ရေးဌါနမှ အကြီးအကဲဖြစ်သူ T.S Latha က AFP သတင်းဌါနကို ပြောကြားခဲ့ပါတယ်။
