ဒါရိုက်တာကိုပေါက်ရေးသားလိုက်တဲ့ မင်းသွေးအတွက် ကြေကွဲဆို့နင့်ဖွယ်ရာ ရင်တွင်းစကား

04 Oct 2018 1,510 Views

ယနေ့အွန်လိုင်းသုံးစွဲသူ လူထုပရိသတ်များနဲ့ အနုပညာရှင်ညီအစ်ကို မောင်နှမများအကြား ၀မ်းနည်းကြေကွဲရဆုံး သတင်းကတော့ တေးသံရှင်၊ သရုပ်ဆောင် မင်းသွေး လူ့လောကကြီးထဲက ပျောက်ကွယ်ကာ သေဆုံးသွားတဲ့သတင်းပဲဖြစ်ပါတယ်။ ကြားရသူတိုင်း မယုံနိုင်လောက်အောင်ဖြစ်ခဲ့ရကာ အမှန်မဟုတ်ပါစေနဲ့လို့ ဆုတောင်းခဲ့ကြပေမယ့်လဲ အားလုံးရဲ့ဆုတောင်းတွေမပြည့်ဝစွာနဲ့ပဲ မင်းသွေးဟာ ဘ၀တစ်ပါးကို ကူးပြောင်းသွားခဲ့ပြီပဲဖြစ်ပါတယ်။ ငယ်ငယ်ရွယ်ရွယ်နဲ့ ကြွေလွင့်သွားခဲ့ရတဲ့ အနုပညာကြယ်တစ်ပွင့်အတွက် မိသားစုနဲ့ထပ်တူ ပရိသတ်များသာမက အနုပညာရှင်တွေအားလုံးလဲ ၀မ်းနည်းစိတ်မကောင်းဖြစ်ကာ နှမြောမိကြောင်းရေးသားတဲ့ Post တွေကတော့ လူမှုကွန်ယက်မှာပြည့်နှက်လို့နေပါတယ်။ သရုပ်ဆောင်မင်းသွေးအတွက် စိတ်မကောင်းဖြစ်စွာရေးသားကြတဲ့အထဲမှာ ဒါရိုက်တာကိုပေါက်ရေးသားလိုက်တဲ့ ရင်တွင်းစကားတစ်ချို့ကတော့ ဖတ်မိသူတိုင်းကို မျက်ရည်မခိုင်စေလောက်အောင် နာကျင်ကြေကွဲဆို့နင့်ဖွယ်ကောင်းလှပါတယ်။

ဒါရိုက်တာကိုပေါက်ရေးသားထားတာကတော့ “လွမ်းလို့ကျန်နေဦးမယ် ညီလေးရေ….

မနေ့ညကပေါ့။ ကျွန်တော်သည်စာအုပ်တစ်အုပ်ကို အသည်းအသန်ဖတ်နေမိတယ်။ ဆရာဦးဝင်းငြိမ်း၏ "နန်းကျ ဘုရင်"။ ကုန်းဘောင်ရဲ့နောက်ဆုံးမင်ဆက် သီပေါ၊ ဆင်ဖြူ မရှင် စုဘုရားလတ် ကင်းဝန် ကနောင် ညောင်ရမ်း မက္ခရာ သုံးဆယ် ဗြိတိသျှ ဆူဒါးရှား မောင်သန်းဆွေထားဝယ် ဦးဝင်းငြိမ်း
တို့ရဲ့ အကူးအယှက်ဟာ ကျွန်တော့ကို မနေ့ညကအတော်လေးပင် ဆွဲဆောင်ခဲ့လေသည်။ ည ၁၁ နာရီ ၄၃ လောက်တွင် ဖတ်လက်စ စာအုပ်ကို ပိတ်လိုက်ပြီး အိပ်ရန်ပြင်လိုက်သည်။ အိပ်ဖို့ပြင်လိုက်ပေမယ့် အသားကျနေသော လက်က ဘေးတွင်ရှိနေသော ဖုန်းကိုယူလိုက်ပြီး facebook ကိုဖွင့်လိုက်သည်

မြင်လိုက်ရတာက စတီဒီယို ၃၅ ကျော်ကျော်ရဲ့အကောင့်။
သူ့ စတေးတပ်ကို ဖတ်ရင်း စိတ်ထဲမှာတစ်ယောက်ယောက်တော့ တစ်ခုခုဖြစ်ပြီဆိုတာ သိလိုက်တယ်။အဲ့ဒါနဲ့ဘဲ ကျော်ကျော်ဆီကိုမက်ဆင်ဂျာကနေ ဘယ်သူဘာဖြစ်တာလဲ မေးလိုက်တော့ ချက်ခြင်းဆိုသလို အသံဖိုင်တစ်ခုပြန်ပို့တယ်။ မင်းသွေးဘောလုံးကွင်းမှာ အမောဆို့ပြီးဆုံးသွားပြီ အစ်ကိုတဲ့။ငိုသံနဲ့ပြောလိုက်တဲ့စကားသံနဲ့အတူ မင်းသွေး ဆိုတော့ရင်ထဲပူကနဲ ဖြစ်သွားတယ်။ ကျွန်တော် မယုံတာနဲ့ နေတိုးဆီ စာလှမ်းပို့ပြီး ကြံ့ဆီကို ဖုန်ဆက်လိုက်တယ်။ ကြံ့က ဟုတ်တယ်ကိုပေါက် ပါရမီဆေးရုံမှာတဲ့။”

“ကျွန်တော် အဝတ်အစားချက်ခြင်းလဲ ပြီးထွက်လာခဲ့တယ်။မိန်းမက ခြံတံခါးဖွင့်ပေးတယ်။ အပြန်နောက်ကျရင် သူအိပ်ချင်မှာစိုးလို့ ခြံသော့တောင်းပေမယ့် သူက ပြန်လာရင်ဖုန်းဆက်လိုက်ပါဆိုလို့ ကားမောင်းထွက်လာခဲ့တယ်။ ပါရမီဆေးရုံရောက်တော့ မြင့်မြတ် ကြံ့ သားညီ ကိုဝေ ယုန်လေး ဇာနည် နဲ့တခြားအနုပညာသမားတွေတွေ့ရတယ်။လူတွေကများနေတော့သူ့ကိုမမြင်ဘူး ကွယ်နေတယ်။ဆရာဝန်တွေ ဆေးရုံဝန်ထမ်းတွေနဲ့ မင်းသွေး အဖေ တို့အလုပ်ရှုပ်နေကြတယ်။လူတွေကြားထဲကတိုးပြီး ကြည့်တော့ ကျွန်တော် မင်းသွေးကိုမြင်လိုက်ရတယ်။ သူကုတင်ပေါ်မှာအိပ်နေတယ်။ သူဘောလုံးကန်တာ မောလို့အိပ်နေတာပါ။ ကျွန်တော်သိတာပေါ့။ ကျွန်တော့ မသိစိတ်ကနေ ညီလေးရယ် ညီလေးရယ် ဆိုပြီးခေါ်နေတာ။ သူကမကြားဘူးလေ။
အေးလေ သူမောနေရှာမှာပေါ့။ နားပါစေ။
သူကလေ ဘောလုံးကန်ရင် စိတ်ရော ကိုယ်ရော အားထည့်ပြီးကန်တတ်တဲ့သူမ်ျိူးပါ။
ဝင်လိုက် နားလိုက် ဝင်လိုက် နားလိုက် မကန်တတ်ဘူး။တစ်ခါတည်းအကုန် ကန်တတ်တဲ့လူမ်ျိူးလေ။ကမ္ဘာအေးဘုရား နားမှာ ညပိုင်း ဖူဆယ်သွားကန်ကြတာတဲ့လေ။
စင်ကာပူက ပြန်ရောက်ပြီး ဘောကန်ဖို့ချိန်းကြတာတဲ့။ သူအကြောင်းကြာနေရတယ်။”

“နေတိုးကတော့ အရီးကိုအိမ်ပြန်လိုက်ပို့ ပေးပေးနေတာတဲ့။ ထိုစဉ် အရီးကို ပြေးမြင်မိတယ်။
ဘယ်လောက်များ သောကရောက်နေမလဲဆိုတာ။ ဒီလိုနဲ့ ကျွန်တော်တို့ အိပ်ပျော်နေတဲ့ ညီလေးကို စံပြဆေးရုံမှာ အေးအေးဆေးဆေး အိပ်စက်ဖို့ပို့ကြမယ်ဆိုပြီးစဉ်ကြတယ်။ အဲ့ဒီ အချိန် သူထူးစံ တို့ရောက်လာကြတယ်။ ဒီလိုနဲ့ စံပြဆေးရုံ ကိုလိုက်ပို့ကြတယ်။ ကားနံပါတ် 8G 1764(လူနာတင်ယာဉ်)
ရဲ့အပေါ်မှာ ညီလေးမင်းသွေး ပါသွားတယ်။ ရှေ့ဆုံးက ကိုဝေလုကျော်ကား ပြီးတော့ မင်းသွေးကား ပြီးတော့ ကျွန်တော့ကား ပြီးတော့ မင်းသွေးအဖေကား နောက် မြင့်မြတ်
နောက် နောက် နောက် ကားတွေအတန်းလိုက်ကြီးထွက်လာခဲ့တယ်။ ပါရမီကနေ ဝေဇယန်တာလမ်း သုဝဏမီးပွိုင့်ကနေ စံပြဆေးရုံထိ မောင်းခဲ့ကြတယ်။ ကိုခင်လှိုင် အန်တီဂွမ်းတို့ ဖုန်းဆက်မေးကြတယ်။ ကိုခင်လှိုင်က ထွက်လာပြီတဲ့။ ဒီလိုနဲ့စံပြဆေးရုံရောက်ပြီ။ အိပ်နေတဲ့ညီလေးကို သူတို့တွေလုပ်စရာရှိတာ
လုပ်နေကြတယ်။ ကျွန်တော်သူ့ကိုကြည့်မြဲ ကြည့်နေမိတယ်။ သူအိပ်နေတာပါ။ ကျွန်တော်ကြည့်နေရင်းကနေ ရှေ့ကိုတိုးသွားတယ်။သူနားလေးရောက်သည်အထိပေါ့။ ပြီးတော့ သူ့နဖူးလေးကို ညာဖက်လက်ကလေးနဲ့အုပ်လိုက်တယ်။ သေချာပါတယ် သူအိပ်နေတာပါ။ ဘာဖြစ်လို့လဲဆိုတော့ သူအသားတွေကနွေးနေတုန်းလေ။ဘယ်သူသေတယ်လို့ပြောတာလဲ။”

“အသားတွေက လူကောင်းအတိုင်းနွေးနေတဲ့ဥစ္စာ။ ဘောလုံးကန်ထားလို့ မောပြီးနားနေတာပါ။ ကျွန်တော်က သူ့နဖူးလေးကိုင်ထားရင်း မျက်ရည်တွေဝဲလာတယ်။ ကျခါနီးသည်အထိပေါ့။
ကျွန်တော့မျက်တောင်တွေကို ပုတ်ခတ်ပုတ်ခတ်လုပ်ပြီး ကျတော့မယ့်မျက်ရည်တွေကို
သိမ်လိုက်ပါတယ်။ဒါပေမယ့် မမှီလိုက်ပါဘူး။ ကျွန်တော်မျက်ရည်တွေကျလာတယ်။
ပါးပြင်တစ်ခုလုံးနွေးလို့ပါပဲ။ ကျွန်တော့နှုတ်ခမ်းတွေလှူ ပ်နေပါတယ်။
ကျွန်တော်သူ့ကို စကားတွေပြောနေတာတော့မဟုတ်ပါဘူး။ ကျွန်တော့ရဲ့လှူပ်နေတဲ့နှုတ်ခမ်းက ရွတ်ဆိုနေတာပါ။ အဲ့ဒါက
"ဗုဒ္ဓံ သရဏံ ဂစ္ဆာမိ
ဓမ္မံ သရဏံ ဂစ္ဆာမိ
သံဃံ သရဏံ ဂစ္ဆာမိ"

ဒုတိယံမိ
"ဗုဒ္ဓံ သရဏံ ဂစ္ဆာမိ
ဓမ္မံ သရဏံ ဂစ္ဆာမိ
သံဃံ သရဏံ ဂစ္ဆာမိ"

တတိယံမိ
"ဗုဒ္ဓံ သရဏံ ဂစ္ဆာမိ
ဓမ္မံ သရဏံ ဂစ္ဆာမိ
သံဃံ သရဏံ ဂစ္ဆာမိ"

ခဏနေတော့ သူအိပ်နေတဲ့ကုတင်ကို ကိုဝေလုကျော်နဲ့အတူဆေးရုံက လူတွေက တွန်းပြီးထွက်သွားကြတယ်။

တဖြည်းဖြည်းနဲ့ သူတို့တွေ ဝေးသွားတယ်။ နောက်ဆုံးအဲ့ဒီလမ်းလေးမှာဘယ်သူမှ မရှိတော့ဘူး။
မှောင်လို့ မဲလို့ပေါ့။ ဘယ်သူမှ မမြင်ရတော့တဲ့ အဲ့ဒီလမ်းလေးကို ဘာမှလည်းမမြင်ရတော့ဘဲ ကျွန်တော်ငေးကြည့်နေမိတုန်း။ ညီလေးရေ မင်းကို အစ်ကိုတို့ လွမ်းနေမယ်နော်။ ကိုပေါက်” ဆိုကာ ကြေကွဲဆို့နင့်ဖွယ် ရေးသားခဲ့တာဖြစ်ပါတယ်။