လူမမယ်ကလေး ၆ ဦးကို ထားရစ်ကာ မိဘနှစ်ဦး ကြိုးဆွဲချသေဆုံး
30 Jul 2018 1,598 Views
ဧရာဝတီတိုင်း လပွတ္တာမြို့နယ်တွင် အရွယ်မရောက်သေးသော လူမမယ်ကလေး ၆ ယောက်ကို ထားခဲ့ကြကာ လင်မယားနှစ်ဦးစလုံး ကြိုးဆွဲချ သတ်သေမှု ဖြစ်ပွားခဲ့ကြောင်း တိုင်းရဲတပ်ဖွဲ့မှူးရုံးမှ သတင်းရရှိသည်။
လပွတ္တာမြို့နယ် သိုင်းကုန်းကျေးရွာ၊ ရွာတောင်ပိုင်းရှိ လယ်ကွင်းထဲတွင် နေထိုင်သော မိသားစု(၈)ဦးတွင် ဖခင်ဖြစ်သူ စောပါပလု(၃၃ နှစ်)၊ မိခင်ဖြစ်သူ နော်မာမာအောင် (၂၈ နှစ်) တို့က အရွယ်မရောက်သေးသည့် ကလေး ၆ ဦးကို ထားရစ်ကာ နေအိမ်ထုတ်တန်း၌ ကြိုးဆွဲချလျှက် သေဆုံးနေကြာင်း သိရှိရသည်။
သေဆုံးမှုကို အဆိုပါအိမ်အနီးတွင် နေထိုင်သော ယောက်ဖတော်စပ်သူ ရဲထွန်း ဆိုသူက အိမ်ကို အလည်သွားရာမှ တွေ့ရှိခဲ့ပြီး သက်ဆိုင်ရာကို အကြောင်းကြားခဲ့ခြင်းဖြစ်ကြောင်း ရဲအရာရှိက ပြောဆိုခဲ့သည်။
လတ်တလောကောက်ချက်အနေနဲ့ စားဝတ်နေရေး အကျပ်အတည်းကြောင့် ယခုကဲ့သို့ အဆုံးစီရင်သွားဖွယ်ရာရှိကြောင်း မှတ်ချက်ချထားပြီး အမှုကို သေမှုသေခင်း ၁၀/၂၀၁၈ နှင့် ဖွင့်လှစ်ထားကြောင်းသိရှိရသည်။
ကျန်ရှိခဲ့သော သားသမီး ၆ ဦးကို ဆွေမျိုးများအနေနဲ့ တိုင်ပင်ညှိနှိုင်း ဆောင်ရွက်လျှက်ရှိကြောင်း သတင်းရရှိသည်။
