ဆရာဝန်နဲ့မှ ချစ်သူဖြစ်ချင်တဲ့ ကောင်မလေးရဲ့ နိဂုံးအဆုံး
10 Jul 2018 1,575 Views
ဘယ်မိန်းကလေးမဆို ကိုယ့်ရဲ့ချစ်သူဟာ ရုပ်ချောရမယ်၊ ပညာတတ်ရမယ်၊ စိတ်ထားကောင်းရမယ် စတဲ့ အခြေခံကျတဲ့ အချက်လေးတွေ ပြည့်စုံဖို့ကိုတော့ စိတ်ကူးယဉ် စဉ်းစားထားမယ်လို့ ယုံကြည်ပါတယ်။
စိတ်ထားကောင်းရမယ်ဆိုတဲ့ အချက်ကိုတော့ ချက်ချင်းကြီး မသိနိုင်ကြပေမယ့် ရုပ်ရည်နဲ့ ပညာအရည်အချင်းကတော့ လွယ်လွယ်နဲ့ပဲ သိနိုင်ပါတယ်။
ပညာဆိုတဲ့နေရာမှာလည်း အာရှတိုက်သားတွေ အတော်များများ အရိုးစွဲ ယုံကြည်ထားကြတာက ဆရာဝန်၊ အင်ဂျင်နီယာဖြစ်မှ ဘဝအာမခံချက်ကောင်းတယ်လို့ ခံယူထားကြပါတယ် (မှန်သင့်သလောက်တော့ မှန်ပါလိမ့်မယ်)။
ဒါကြောင့်မို့ ကိုယ်ရဲ့ အိမ်ထောင်ဖက်ဟာ ဆရာဝန်၊ အင်ဂျင်နီယာဖြစ်ရင် သိပ်ကောင်းမှာပဲလို့ မိန်းကလေးအများစု စိတ်ကူးယဉ်ကြမှာပါ။ တစ်စုံတစ်ယောက်ဟာ ဆရာဝန် လို့ သိလိုက်ရတာနဲ့ အခြားအရာတွေတောင် သိပ်မတွေးတတ်လောက်အောင် ဖြစ်သွားခဲ့တဲ့ အမျိုးသမီးတစ်ဦးရဲ့ ဖြစ်ရပ်မှန် သတင်းလေးကို ဝေမျှပေးလိုက်ပါတယ်။
အသက် ၂၄ နှစ်အရွယ် Ms Lin ဆိုသူ ထိုင်ဝမ်အမျိုးသမီးတစ်ဦးဟာ အွန်လိုင်းကနေ ချစ်သူရှာဖွေတဲ့ ‘Tinder App’ ကနေတစ်ဆင့် စင်ကာပူနိုင်ငံက ဆရာဝန်ဘွဲ့နဲ့ ကျောင်းပြီးထားတဲ့ အမျိုးသားတစ်ဦးနဲ့ အွန်းလိုင်းပေါ်မှာ စတင်တွေ့ဆုံခဲ့ကြပါတယ်။ အဲဒီနောက် လအနည်းငယ် အကြာမှာတော့ ချစ်သူတွေ ဖြစ်သွားခဲ့ပါတယ်။
အဲဒီအချိန်က Ms Lin ဟာ ဖီလစ်ပိုင်နိုင်ငံမှာ အလုပ်လုပ်နေတာဖြစ်ပါတယ်။ အွန်လိုင်းမှာ စင်ကာပူအမျိုးသားရဲ့ ကိုယ်ရေးဖော်ပြချက် ပရိုဖိုင်မှာ ဆရာဝန်ဘွဲ့ရ လို့ ဖော်ပြထားတာကြောင့် သူမက စိတ်ဝင်စားခဲ့ရတာပါ။
“သူက စင်ကာပူနိုင်ငံက နန်ယန်းနည်းပညာတက္ကသိုလ်ကနေ ဆရာဝန်ဘွဲ့ရထားတယ်၊ ဒါပေမယ့် ဆရာဝန်လုပ်ဖို့ ဝါသနာမပါဘူး”
“ဒါကြောင့် သူက ဆရာဝန်မလုပ်ပဲ အွန်လိုင်းမှာ Bitcoin တွေအရောင်းအဝယ်လုပ်ပါတယ်” လို့ Ms Lin က ပြောပါတယ်။
ဒါ့အပြင် သူ့ရဲ့ချစ်သူဟာ တစ်ကယ်ဝါရင့် ပိုကာဖဲကစားသမားလည်းဖြစ်ပြီး ပြီးခဲ့တဲ့ မတ်လက ဖီလစ်ပိုင်နိုင်ငံ မနီလာမှာ ကျင်းပခဲ့တဲ့ ပြိုင်ပွဲကြီးမှာတောင် ဝင်ကစားခဲ့သေးတယ်လို့ ပြောပါတယ်။
အချိန်တိုလေးအတွင်းမှာပဲ သူတို့နှစ်ဦး ခဏခဏတွေ့ဖြစ်ကြပြီး တွေ့ကာစမှာတော့ သူမကို အလှပြင်ပစ္စည်းတွေ ဝယ်ပေးတာတို့ သူမ အလုပ်လုပ်နေတဲ့ မနီလာကို စင်ကာပူကနေ တွေ့ချင်ရုံသက်သက်လေးနဲ့ လေယာဉ်စီးလာခဲ့တာတို့တွေ လုပ်ပြပြီး အရမ်းကောင်းပြခဲ့ပါတယ်။
သူတို့နှစ်ဦး တွေ့ဆုံခိုက် အနာဂါတ်ဘဝခရီးအတွက် တိုင်ပင်ကြတဲ့အခါ စိတ်တူကိုယ်တူ ရှိကြတာမို့ သူ့အတွက် စိတ်အချရဆုံး ဘဝအဖော်မွန်တစ်ယောက်ပဲလို့ သတ်မှတ်ပြီး သူမရဲ့ အပျိုစင်ဘဝကိုပါ ယုံကြည်အပ်နှံလိုက်ပါတယ်။ ဒီလိုနဲ့ နေရာခဲ့ကြရင်း ၂၀၁၈ ခုနှစ် ဇွန်လမှာတော့ သူမရဲ့ ဖေ့စ်ဘွခ်မက်ဆင်ဂျာထဲကို ကိုရီးယားအမျိုးသမီးတစ်ယောက်က စာပို့ပြီး သူဟာ စင်ကာပူအမျိုးသားရဲ့ ရည်းစားဖြစ်တယ်လို့ ဆိုလာပါတယ်။ အဲဒီမှာ မယုံကြည်နိုင်လောက်အောင် သူမ ရှော့ခ်ရခဲ့ပါတယ်။
ကိုရီးယားသူက သူမဟာ လေယာဉ်မယ် တစ်ယောက်ဖြစ်ပြီး သူတို့နှစ်ယောက် တွဲလာတာ တစ်နှစ်ကျော်ကြာပြီဖြစ်ကြောင်း၊ သူတို့နှစ်ဦးဟာ လက်မထပ်ပဲ အတူနေကြသူတွေဖြစ်ပြီး ဒီအကြောင်းတွေကို နှစ်ဖက်မိဘတွေလည်း သကြိကြောင်း ပြောလာပါတယ်။
ဇွန်လ ၂၂ ရက်နေ့က စင်ကာပူကို ပြန်လာစဉ် အမျိုးသားရဲ့ဖုန်းထဲကနေ Ms Lin နဲ့တွဲနေတဲ့အကြောင်းကို သိသွားခဲ့တာဖြစ်ပါတယ်။ အဲဒီနောက် သူတို့ အမျိုးသမီးနှစ်ဦး အွန်လိုင်းမှာ အပြန်အလှန် ပြောဆိုပြီးနောက်မှာတော့ စင်ကာပူအမျိုးသားဟာ ဆေးကျောင်းပြီးထားတဲ့ ဆရာဝန်တစ်ယောက်လည်း မဟုတ်သလို သူပြောခဲ့သမျှ အရာတွေအားလုံးဟာ အလိမ်အညာတွေချည်းသာ ဖြစ်ပြီး မြာပွေတတ်တဲ့ အမျိုးသားတစ်ဦးသာ ဖြစ်လို့နေပါတယ်။
အဲဒီနောက်မှာ Ms Lin က စင်ကာပူအမျိုးသားရဲ့ အင်စတာဂရမ် အကောင့်ထဲက အမျိုးသမီးတွေကို မက်ဆေ့ပို့ပြီး စုံစမ်းကြည့်တဲ့အခါမှာလည်း မရိုးသားတဲ့ ဆက်ဆံရေးတွေ ရှိနေကြတယ်ဆိုတာကို တွေ့လိုက်ရပါတယ်။
သူမကတော့ တစ်ဘဝလုံးစာ ယုံကြည်ပြီး ပုံအပ်လိုက်မိပေမယ့် နောက်ဆုံးမှာတော့ သောကတွေ ပူဆွေးမှုတွေ၊ မခံချည့်မခံသာ ဖြစ်မှုတွေနဲ့သာ ကျန်နေရစ်ပါတယ်။ ဒါပေမယ့် သူမလုပ်နိုင်တာ တစ်ခုတော့ ရှိနေပါတယ်၊ အဲဒါကတော့ သူမလို အခြားမိန်းကလေးတွေ မခံစားရအောင် စင်ကာပူသားနဲ့ ပက်သက်နေတဲ့ အမျိုးသမီးတွေကို သတိထားဖို့ လိုက်ပြောမိနေတာပါပဲ..။
ဒါကြောင့်မို့ ဝါဝါမြင်တိုင်းလည်း ရွှေမထင်ကြပါနဲ့၊ ပြောတိုင်းယုံတဲ့ ပုတ်သင်ညိုလေးလိုလဲ မအကြဖို့၊ ဘဝတစ်ခုလုံး မပုံအပ်မီ သူ့အကြောင်း သေသေချာချာသိအောင် လေ့လာသင့်ကြပါတယ်။
