ဇူလိုင် ၈ ရက်နေ့ ကလေးမြို့ နယ်တွင် မောင်းနှင်လာသောယာဉ်အတွင်းမှ အိန္ဒိယနှင့် တရုတ်နိုင်ငံထုတ် လေသေနတ် ၄ လက်နှင့် ခဲကျည်ဆံ ၂၀၀၀ ဝန်းကျင်တောင့်ကို တွေ့ရှိခဲ့သည် ။

 

ဖြစ်စဉ်မှာ ကလေးမြို့ (၉) မိုင်စစ်ဆေးရေးစခန်း၌ ကလေး မြို့မရဲစခန်းမှ တပ်ဖွဲ့ဝင်များသည် ဇိုးနွန်ဆန်းငါ(၂၇)နှစ်မောင်းနှင်လာသည့် 6L/xxxx မော်တော်ယာဉ် အားရပ်တန့်စစ်ဆေးရာ ထိုင်ခုံအောက် ဂျပ်ဖာအတွင်းမှ အရှည် ၃ ပေ ၇ လက်မခန့်ရှိ အိန္ဒိယနိုင်ငံထုတ် လေသေနတ် ၃ လက်၊ အရှည် ၃ ပေ ၅ လက်မခန့်ရှိ တရုတ်နိုင်ငံထုတ် လေသေနတ် ၁ လက်၊ စုစုပေါင်း လေသေနတ် ၄ လက်နှင့် ခဲကျည်ဆံ ၁၉၂၀ တောင့် တွေ့ရှိသိမ်းဆည်းခဲ့ပါသည်။

 

 

အဆိုပါဖြစ်စဉ်နှင့်ပတ်သက်၍ ဇိုးနွန်ဆန်းငါ၊(ဖမ်းမိ)အား ကလေးမြို့မရဲစခန်းက (ပ)၉၆၅/၂၀၁၈၊ လက်နက်ပုဒ်မ ၁၉(စ) ဖြင့် အမှုဖွင့်စစ်ဆေးနေကြောင်း သိရသည်။